Cânticos dos Cânticos 8:9 - Tupàn zeꞌeg

⁹ Aze mo pàrirogawtàtà ma'e romo hekon, xipyro mo tàpuzaiha parat iapo pyrer pupe. Aze mo uken romo hekon, ximukàg mo imukàgaw ywyràkàxigyw iapo pyrer pupe.

Cânticos dos Cânticos 8:9 ပူးပေါင်းရင်းမြစ်များ

1 Reis 6:15

Umupuràg eteahy kar tàpuzuhu pàrirogaw tàpuz pupe ywyrapew ywyràkàxigyw pupe. Ywyrapew oho ywy wi te iahykaw pe. Omono ywyrapew pin her ma'e ywy ipupyaikaw no.

Cânticos dos Cânticos 1:11

Ximupyràn itazu or amo neazuromo har iapo pà newe nehe. Ximomog kar ita xig parat hehe imupuràg eteahy kar haw romo nehe no.

Cânticos dos Cânticos 2:9

Heremiamutar nuzawy kwaw arapuha kazer. Nuzawy kwaw arapuha kor ra'yra'i. Heremiamutar wiko pe pe katu pe ureràpuz huwake. Ume'e iko ipupe ukenaw rupi. Ume'e iko herehe ipari haw rupi.

Isaías 58:12

Zauxiapekwer weityk tawhu tetea'u kwehe mehe wà. Pezapo wi putar a'e tawhu wawy pe har wa'aromo pe wà nehe, waneityk awer rehe pe wà nehe. — Teko pàrirogaw hupir wi har a'e wà, i'i putar teko peme wà nehe. — Tàpuz heityk pyrer iapo wi har a'e wà, i'i putar peme wà nehe no.

Isaías 60:17

Narur kwaw itazu morog newe nehe, arur putar itazu or newe nehe. Narur kwaw itaper newe nehe, arur putar itaxig parat newe nehe. Arur putar itazu morog itaper rehe we nehe, ywyra hekuzaromo nehe, ita hekuzaromo nehe no. Zeàmàtyry'ym 'ymaw amuigo kar putar neruwihawete romo ihe nehe. Ureruze'eg kar putar ikatu haw pe ihe nehe no.

Isaías 61:4

Uzapo wi putar tàpuz gwer u'ar ma'e kwer wà nehe. Uzapo wi putar tawhu heityk pyrer wà nehe no. A'e tawhu umumaw kwarahy tetea'u iapo katu 'ym pà wà.

Mateus 16:18

— A'e rupi amo ma'e amume'u putar newe ihe nehe kury. — Aze awa wàpuz uzapo nehe, itahu tàtàahy ma'e wekar putar oho nehe. Ereiko itahu ài ne. A'e rupi amono putar amo nerer newe ihe nehe kury. — Pet, a'e putar newe nehe. (— Ita, i'i a'e her zaneze'eg rupi.) Tàpuz iapo har uzapo wàpuz ita tàtàahy ma'e rehe a'e. Heremiruze'eg a'e wà, heràpuz ài wanekon a'e wà. Azapo putar heràpuz 'àg ita rehe ihe nehe. A'e rupi umàno ma'e kwer wazar nomono kar pixik kwaw heremiruze'eg tatahu pe a'e wà nehe.

Atos 14:27

Àxioki taw pe uhem ire omono'og uzeruzar ma'e a'e pe har oho wà. Umume'u wemiapo kwer Tupàn hemiapo karer nànàn wà. — Upyro putar zutew 'ym Zezuz rehe uzeruzar ma'e ràm a'e wà nehe no, i'i wanupe wà.

Atos 15:16

— A'e re azewyr putar tuwà ihe nehe, i'i Zanezar a'e. — Azapo wi putar Tawi hàpuzgwer heityk pyrer ihe nehe. Amupyahu kar wi putar hàpuz iaiw ma'e kwer ihe nehe.

Deuteronômio 22:8

Neràpuz iapo mehe emono ywyra imuparipari pyrer katu pe izywyr nehe. Nezewe mehe, aze amo u'ar neràpuz wi ywy rehe nehe, nereiko kwaw imu'ar kar arer romo nehe.