Cânticos dos Cânticos 7:8 - Tupàn zeꞌeg

⁸ Azeupir putar inàzàràn 'yw rehe nehe, i'a kwer ipo'o pà nehe. Nekàm nuzawy kwaw uwà haryw ihewe wà. Nezuru hyàkwegatu màxà ài.

Cânticos dos Cânticos 7:8 ပူးပေါင်းရင်းမြစ်များ

Cânticos dos Cânticos 1:3

Nekàpuhàg zàwenugar hyàkwegatu. Nerer nuzawy kwaw kàpuhàg zàwenugar izakook pyrer ihewe. Ni amo kuzà nupuner kwaw neamutar katu 'ymaw rehe wà.

Cânticos dos Cânticos 2:3

Heremiamutar amogwer awa wainuinuromo a'e, nuzawy kwaw màxà 'yw amo ywyra ka'a pe har wainuinuromo a'e. Herurywete izywa rehe hereko mehe. Hemumuràgaw nuzawy kwaw hete katu ma'e ihewe.

Cânticos dos Cânticos 2:5

Perur uwà imuxinig pyrer ihewe nehe. Nezewe mehe hekàgaw uzewyr putar ihewe nehe. Perur màxà ihewe hekene'o haw ihewi imuhem kar pà nehe. Ta'e urezeamutar katu awer hemukàzym kar tària'i a'e.

Cânticos dos Cânticos 4:16

— Epu'àm, ywytu kwarahy heixe haw awyze har wi ur ma'e. Ezur ywytu kwarahy ihemaw awyze har wi ur ma'e. Pezur hema'etymaw pe nehe. Pemynehem kàpuhàg zàwenugar pupe nehe. Tuwe heremiamutar katu ur uma'etymaw pupe nehe. Tuwe u'u ma'e'a kwer a'e pe har ikatu wera'u ma'e nehe.

Cânticos dos Cânticos 7:7

Nepuràg inàzàràn 'yw ài. Nekàm nuzawy kwaw tàmàrà i'a kwer haryw wà.

Jeremias 32:41

Ikatu ma'e wanupe iapo haw ikatuahy putar ihewe nehe. Hepy'a nànàn herekwe nànàn amuigo kar putar ko ywy rehe ihe wà nehe.

Joel 1:12

Uxinig uwà 'yw wà. Uxinig pi 'yw wà no. Uxinig homà 'yw wà no. Uxinig inàzàràn 'yw wà no. Uxinig maxà 'yw wà no. Ma'e'yw paw uxinig wà. Teko uzemumikahy wà.

2 Coríntios 2:14

Tupàn ikatuahy a'e. Zanemono'og Zaneruwihawete inuromo a'e, ikatu 'ym ma'e heitykar romo zanemuigo kar pà a'e. Aze tuwihaw weityk amo tuwihaw nehe, hurywete putar nehe, wata putar taw myteromo wemiruze'eg wanupi nehe, zauxiapekwer wanupi nehe. Nezewegatete zane no, zaiko Zaneruwihawete inuromo zane no, ta'e weityk ikatu 'ym ma'e a'e xe. A'e tuwihaw wata teko wanuwa rupi a'e, ukàgaw hexak kar pà wanupe a'e. Nezewegatete Zaneruwihawete zanemono kar ywy nànàgatu taw nànàgatu a'e no, ukàgaw ikwaw kar pà wanupe a'e no. Ikàgaw ikwaw paw a'e, nuzawy kwaw yhyk hyàkwenaw a'e. Ywy nànàgatu uhàuhàz a'e.