Cânticos dos Cânticos 7:5 - Tupàn zeꞌeg

⁵ Ereupir neàkàg tuweharupi. Nuzawy kwaw ywytyr Karamew. Ne'aw nuzawy kwaw pàn ipihun wewer ma'e tuwihawete kamir romo iapo pyr. Te tuwihawete uzepyhyk kar mo ne'aw ipupepupe pyrer pupe.

Cânticos dos Cânticos 7:5 ပူးပေါင်းရင်းမြစ်များ

Gênesis 32:26

Na'e a'e awa uze'eg izupe kury. — Epuir ihewi kury ty, kwarahy uhem etea'i ty, i'i izupe. — Napuir kwaw newi ihe rihi ty. Aze eremur neze'egatu herehe nehe, xo a'e mehe zo urumuhem kar putar ihe nehe, i'i Zako izupe.

Salmos 68:24

O hezar heruwihawete, teko paw wexak neàmàtyry'ymar wanerur haw rehe neata haw wà. Wexak neràpuzuhu pupe neixe haw wà no.

Salmos 87:2

Uzamutar katu wera'u Zeruzarez tawhu Amogwer tawhu Izaew ywy rehe har wanuwi upaw rupi a'e.

Provérbios 5:19

Ipuràgeteahy a'e. Hexakaw ipuràgeteahy arapuha hexakaw ài. Tuwe umàmàn neywyr neamutar katu haw rehe we nehe. Tuwe ipuràgeteahy haw nemurywete kar tuweharupi nehe no.

Cânticos dos Cânticos 1:17

Ximono putar ywyràkàxigyw zaneràpuz izyta romo zane nehe. Ywyra pin her ma'e ximono putar i'aromo har romo nehe.

Cânticos dos Cânticos 4:1

Nepuràg eteahy, heremiamutar katu. Nepuràg eteahy azeharomoete. Nereha heny katu pàn neruwa imimaw ikupe kutyr. Ta'e erezamutar katu amo ne xe. Ne'aw penopenogaw nuzawy kwaw àràpuhàrànete imono'og pyr wà. Wezyw ywytyruhu Zireaz ywy rehe har wi wà.

Cânticos dos Cânticos 4:4

Neazu'yw iapu'a a'e. Iapy katu no. Ipuràg eteahy Tawi hàpuzaiha ài. Zauxiapekwer umuzaiko miw u'yw wi uzemimaw a'e hàpuzaiha rehe wà. Zauxiapekwer ipuruzukaiwahy ma'e wereko agwer u'yw wi uzemimaw wà.

Isaías 35:2

Ywyxiguhu ma'eputyr pupe tynehem mehe uzegar putar urywete haw rupi nehe. Tupàn umupuràg eteahy kar putar ywytyruhu Irimano ywy rehe har ài nehe. Ma'e itym pyrer hezuz katu i'a katu Karamew ywytyr rehe, Xarom ywyàpyznaw rehe no. Nezewegatete ma'e itym pyrer hezuz katu putar nehe. I'a katu putar a'e ywyxiguhu rehe nehe no. Teko paw wexak putar Tupàn Tuweharupi Wiko Ma'e ikàgaw wà nehe. Wexak putar ipuràg eteahy haw wà nehe no. Wexak putar Zanezar uhua'u haw wà nehe.

Miquéias 7:14

O Tupàn, ereiko àràpuhàràn wanehe uzekaiw ma'e ài urewe ne. Ezekaiw katu urerehe nehe. Ta'e uruiko àràpuhàràn ài newe ure xe. Ta'e ure zutyka'i uruiko ka'a pupe ure xe. Heta tetea'u ywy ikatu ma'e ureiwy izywyr. Kwehe mehe urereraha pe ka'api'i ikatu ma'e Màxà pe har pe ne, Zireaz pe har pe ne no. Urereraha wi pe a'e pe nehe no.

Números 21:26

Xeom Amohe ywy rehe har wanuwihawete a'e, wiko Ezemon tawhu pe a'e. A'e 'ym mehe uzàmàtyry'ym Moaw wanuwihawete a'e tawhu pe har wazar a'e. Upyhyk iziwy paw wanuwi wà. A'e ywy oho Aronon yrykawhu pe.

Mateus 18:20

Aze mokoz teko uzemono'og hemuwete katu pà a'e wà nehe, aze na'iruz teko uzemono'og hemuwete katu pà a'e wà nehe, aiko putar a'e pe wainuromo ihe nehe.

Mateus 28:20

— Peruzar Zezuz ze'eg upaw rupi nehe, peze peho peiko nehe, heremimu'e wanupe nehe. Pema'enukwaw katu ko heze'eg rehe nehe. Aiko putar penehe we tuweharupi nehe, te iahykaw rehe nehe, i'i Zezuz urewe. Upaw hema'emume'u haw kwez xe kury. Matew.

Efésios 1:22

Tupàn a'e, umuigo kar Zaneruwihawete a'e teko paw wanuwihaw romo a'e, ma'e paw wazar romo a'e no. Omono Zaneruwihawete hehe uzeruzar ma'e paw wanupe a'e no. Naheta kwaw amo Zanezar a'e.

Colossences 1:18

Hehe uzeruzar ma'e a'e wà, wiko hetekwer ài a'e wà. Wetekwer iàkàg ài hekon a'e. Umuigo kar wetekwer iko. Tupàn ta'yripy romo hekon, màno haw wi imugweraw kar pyrer romo hekon. Tupàn umugweraw kar a'e. A'e rupi ma'e paw wazar romo hekon a'e, teko paw waneruze'egar romo hekon a'e no. Tuwihawete romo hekon a'e.

Colossences 2:19

Nuzeruzar katu kwaw Zaneruwihawete rehe. Zaneretekwer uzapo ma'e ta'e zaneàkàg uzapo kar izupe a'e xe. Nezewegatete Zaneruwihawete hetekwer ài zaiko zane. A'e wiko wetekwer iàkàg ài a'e, ta'e uzapo kar ma'e zanewe a'e xe. Zanerazuk kwer umukàg zanekagwer iàpytàro haw a'e wà. Nezewegatete Zaneruwihawete ikàgaw zanemono'og zanemukàg pà. A'e rupi zazeruzar wera'u hehe zane. Xiruzar tuwe ize'eg no.

Apocalipse 1:14

I'aw xigatu. Nuzawy kwaw àràpuhàràn hawer. Heha henyeny katu tata reny kwer ài.