Cânticos dos Cânticos 7:12 - Tupàn zeꞌeg

¹² Zapu'àm izi'itahy uwà 'yw wanehe zaneme'e pà nehe. Huwer ru'u aipo. Zame'e ma'e'yw rehe nehe. Iputyr ru'u aipo wà. Homà 'yw iputyr ru'u aipo wà. A'e pe uruamutar katu putar ihe nehe.

Cânticos dos Cânticos 7:12 ပူးပေါင်းရင်းမြစ်များ

Salmos 122:5

Tàmuzgwer uzemono'og xe teko wanemiapo kwer imume'u pà wà. Tuwihawete umume'u wemiaihu wanemiapo kwer xe no.

Salmos 43:4

A'e mehe, o Tupàn, aha putar ma'ea'yr hapy haw nerenataromo har pe nehe, Ta'e hemurywete kar pe tuwe ne xe. Amupu putar hewioràwiràn nehe. Amuzàg putar nekatu haw rehe zegar haw nehe no, o Tupàn hezar.

Salmos 73:25

Ne ywak rehe har ne, xo ne urereko ihe. A'e rupi naputar kwaw amo ma'e ywy rehe har ihe.

Êxodo 25:22

Aiko putar a'e pe ipykaw 'aromo nehe, kerumin wanagapaw wamyter pe nehe, heze'eg itapew rehe har hyru 'aromo nehe. Uruàwàxi putar a'e pe ihe nehe. Amume'u putar heremimutar paw newe a'e pe nehe, Izaew wanupe heremimume'u kar ràm paw newe a'e pe nehe.

Provérbios 8:17

Azamutar katu heamutar katu har. Herekar har herexak putar nehe.

Eclesiastes 9:10

Neremiapo ràm paw ezapokatu tuwe nehe. Ta'e nuzeapo pixik kwaw ma'e umàno ma'e kwer wapyta haw pe xe. Naheta kwaw ma'enukwaw paw a'e pe, ni ma'e kwaw paw, ni ma'e kwaw katu haw. Ereho putar a'e pe nehe.

Cânticos dos Cânticos 2:13

Pi 'yw i'a kwer uzypyrog iazu pà kury. Uwà 'yw rehe heta iputyr. Hyàkwegatu. A'e rupi, ezur nehe, heremiamutar. Ezur herupi nehe, heremiamutar.

Cânticos dos Cânticos 2:15

Pepyhyk awara pe wà nehe. Pepyhyk awara'yr pe wà nehe. Pemupytu'u kar uwà tyw zaneremitygwer imuaiw 'ym mehe we pe wà nehe. Iputyr a'e kury.

Cânticos dos Cânticos 4:13

A'e ma'etymaw rehe hezuz katu ma'e. Aiha katu homà tyw ài. I'a katu. I'a kwer ikatu wera'u amo wanuwi wà. Heta ka'akyr hyàkwegatu ma'e ena her ma'e a'e pe. Heta narono kàpuhàg zàwenugar romo iapo pyr a'e pe no.

Cânticos dos Cânticos 4:16

— Epu'àm, ywytu kwarahy heixe haw awyze har wi ur ma'e. Ezur ywytu kwarahy ihemaw awyze har wi ur ma'e. Pezur hema'etymaw pe nehe. Pemynehem kàpuhàg zàwenugar pupe nehe. Tuwe heremiamutar katu ur uma'etymaw pupe nehe. Tuwe u'u ma'e'a kwer a'e pe har ikatu wera'u ma'e nehe.

Cânticos dos Cânticos 6:11

Aha amen tyw pe ihe, ma'e hezuz romo ma'e kwer ywyàpyznaw rehe har wanexak pà. — Uwà 'yw huwer aipo, a'e hezeupe. — Homà 'yw iputyr aipo, a'e hezeupe.

Cânticos dos Cânticos 7:11

Ezur heremiamutar katu. Zaha kaiwer pe nehe. Ximumaw pytun gatu uwà tyw pe nehe.

Cânticos dos Cânticos 7:6

Nepuràg eteahy, heremiamutar katu. Hemurywete kar pe azeharomoete. Herehe we nereko haw hemurywete kar a'e.

Isaías 18:5

Uwà iputyr u'ar putar amo 'ar mehe nehe. Uwà ityàro etea'i putar nehe. Ipo'o 'ym mehe we Tupàn omonohok putar i'yw hàkà utakihepuku pupe a'e nehe. Imonohok ire weityk putar hàkàgwer nehe.

Atos 15:36

Amo zahy pawire Pawru uze'eg Panape pe a'e kury. -Kwehe mehe ximume'u Tupàn ze'eg zaha taw tetea'u pe har wanupe zane, ywy tetea'u rehe har wanupe zane no. Zazewyr zaha a'e taw pe har wapyr nehe kury, a'e ywy rehe har wapyr nehe no. A'e rupi zapuner uzeruzar ma'e wanexakaw rehe zane wà nehe, zapuner wazeruzar haw ikwaw paw rehe nehe no, i'i izupe.

Romanos 5:11

Amo ma'e amume'u putar peme ihe kury. Zezuz Zaneruwihawete Zanezar a'e, zanemuigo kar Tupàn imyrypar romo a'e, a'e rupi zanerurywete Zezuz rehe kury, Tupàn rehe kury. Ximume'u wakatuahy haw zaha zaiko purupe zane kury.

2 Coríntios 13:5

Peme'e pezehezehe nehe kury. Pema'enukwaw katu penemiapo kwer rehe nehe. Zazeruzar Zezuz rehe zane. Aipo zaiko tuwe hehe uzeruzar ma'e ài, peze pezeupe nehe, pezehezehe pepuranu pà nehe. Zaneruwihawete Zezuz hekwe pepy'a pe hekon a'e. Pekwaw heko haw. Xo heruzar 'ymar nuwereko kwaw hekwe upy'a pe a'e wà. Aze mo nuiko iwer pepy'a pe a'e, iaiw mo urema'ereko awer ure.

Efésios 6:24

Aze amo uzamutar katu Zanezar Zezuz Zaneruwihawete a'e wà nehe, tuwe Tupàn upuhareko katu a'e teko a'e wà nehe, aze a'e teko nupytu'u kwaw iamutar katu re a'e wà nehe. Upaw kwez kury. Pawru.

Hebreus 12:15

Tupàn upurupuhareko a'e. A'e rupi upurupyro ikatu 'ym ma'e wi. Pezewyr zo izuwi nehe. Pezypyrog wi zo ikatu 'ym ma'e iapo pà nehe. Aze teko u'u ka'a iaiw ma'e wemi'u inuromo wà nehe, ima'eahy putar wà nehe. Nezewegatete aze amo uzeruzar ma'e uzypyrog zuapyr wi ikatu 'ym ma'e iapo pà nehe, aze ru'u amogwer uzeruzar ma'e uzapo putar ikatu 'ym ma'e izàwe a'e wà nehe no.

Hebreus 2:13

Nezewe i'i Zezuz purupe. — Azeruzar katu Tupàn rehe ihe. Uzapo putar ikatu ma'e ihewe nehe, i'i wanupe. Amo ae ma'e umume'u wanupe no. — Aiko xe hepurumuzàmuzàg zàwenugar wapyr ihe, ta'e Tupàn umur ihewe a'e wà xe, i'i wanupe.

Hebreus 2:15

Teko ukyze katu umàno àwàm wi a'e wà. A'e rupi zemunehew paw pe har ài wanekon wà. Zezuz umuhem kar teko a'e zemunehew paw wi a'e wà. Nukyze kwaw umàno haw wi wà kury.

Hebreus 4:16

Tuwe zanekàg nehe. Pekyze zo nehe. Peze'eg Tupàn pe nehe, ta'e zanepuhareko katu a'e xe. Aze zawaiw katu zanereko haw zanewe nehe, zanepuhareko katu Tupàn a'e nehe, zanepytywà putar a'e nehe no.