Cânticos dos Cânticos 5:9 - Tupàn zeꞌeg

⁹ Ne, amo kuzà wanuwi ipuràg eteahy wera'u ma'e. Ewazar ko urepuranu haw urewe nehe. Aipo neremiamutar katu ikatu wera'u amogwer wanuwi a'e. — Ikatuahy a'e, ere iko izupe. Màràzàwe tuwe ereze'eg nezewe. Màràzàwe tuwe urumume'u putar a'e ma'e ureremiapo ràm newe nehe.

Cânticos dos Cânticos 5:9 ပူးပေါင်းရင်းမြစ်များ

Salmos 45:13

Tuwihawete hemireko ràm wiko tàpuzuhu pupe a'e. Ipuràg eteahy hemireko ràm. Upyahaw or inemo romo iapo pyrer hopoz iapo pà wà.

Salmos 87:3

O teko tawhu Tupàn ima'e rehe har wà, ezeapyaka katu ko ma'e ikatuahy ma'e rehe nehe. Tupàn umume'u ko ma'e nerehe a'e.

Cânticos dos Cânticos 1:8

Ereiko amogwer kuzà wanuwi ipuràg eteahy wera'u ma'e romo ne. Aze nerekwaw kwaw wapoz haw nehe, eho amogwer waneimaw wanaikweromo nehe. Nezewe mehe erexak putar mai'u haw nereimaw àràpuhàràna'yr hawitu ma'e wanupe nehe, wamono'ogaw wanàpuz huwake nehe.

Cânticos dos Cânticos 2:7

Kuzà Zeruzarez pe har wà, pemume'u ko ma'e ihewe nehe. Pemume'uahy ko ma'e ihewe nehe. Pemume'u arapuha hehaite ma'e kor zàwenugar her ma'e nehe. Pemume'u arapuha kazer her ma'e rehe nehe. — Nuruzapo kwaw ma'e pemupytu'u kar pà pezeamutar katu re nehe, peze nehe.

Cânticos dos Cânticos 6:1

Ne kuzàgwer wanuwi ipuràg eteahy wera'u ma'e ne. Ewazar ko ureze'eg urepuranu haw nehe. Ma'e pe neremiamutar katu oho. Ma'enugar pe rupi ihon a'e. Urupytywà putar hekar haw rehe ure nehe.

Isaías 53:2

Tupàn Tuweharupi Wiko Ma'e uputar wemiruze'eg izexak kar haw a'e. Nuzawy kwaw ka'akyr hezuz romo ma'e. Itua'u ywy uxinig ma'e kwer rehe. Na'ipuràg kwaw a'e. — Ipuràg eteahy a'e, ni'i kwaw teko izupe wà. — Umurywete kar teko tetea'u a'e, ni'i kwaw teko izupe wà. Naheta kwaw ipuràgaw hehe. A'e rupi nazazekaiw kwaw hehe. Na'ikatu kwaw zanewe.

Mateus 21:10

Zezuz Zeruzarez tawhu pe heixe mehe teko a'e pe har paw upuranu uzehezehe a'e wà. — Mo romo 'aw awa hekon a'e, i'i izupe wà, uzehezehe upuranu pà wà.

João 1:14

A'e Tupàn ze'eg uzexak kar awa romo a'e. Zezuz her romo a'e. Wiko urepyr. Tupàn ta'yr romo hekon a'e. (Naheta kwaw amo ae ta'yr Tupàn pe a'e.) Wereko u ikàgaw uzehe a'e. Wereko ipuràg eteahy haw uzehe no. Uruexak ikàgaw ipuràg eteahy haw ure. Upurupuhareko katu tuwe a'e. Ipurupyro wer tuwe teko wanehe ikatu 'ym ma'e wi tatahu wi a'e. Umume'u tuwe ze'eg azeharomoete har oho iko purupe a'e no.