Cânticos dos Cânticos 5:2 - Tupàn zeꞌeg

² Aker tupà. Nezewe rehe we ame'e tupà. Na'e ainu heremiamutar katu ukenaw rehe ikwaikwar mehe ihe. Hemuixe kar pe nehe, heremiamutar, heremiamutar katu. Ereiko pyku'i ikatu 'ymaw hereko 'ymar zàwe. Zuwiri umuàkym heàkàg. Àmàn pixika'i ma'e utyky'yr he'aw imuàkym pà.

Cânticos dos Cânticos 5:2 ပူးပေါင်းရင်းမြစ်များ

Gênesis 29:20

A'e rupi Zako umumaw 7 kwarahy izupe uma'ereko pà Hakew hereko àwàm hekuzaromo. Uzamutar katu a'e, a'e rupi a'e 7 kwarahy nuzawy kwaw 7 'ar izupe.

Salmos 119:1

Hurywete teko a'e wà, Aze ni amo nupuner kwaw wanemiapo kwer ikatu 'ym ma'e imume'u haw rehe wà. Hurywete Tupàn Tuweharupi Wiko Ma'e ze'eg heruzar har wà.

Salmos 81:10

Aiko Tuweharupi Wiko Ma'e pezar romo ihe. Apupyro Ezit ywy wi ihe. Pezurupeka nehe, amono putar penemi'u ràm peme nehe.

Provérbios 23:26

Hera'yr. Ezekaiw katu heze'eg rehe nehe. Tuwe nereko àwàm nuzawy kwaw hereko awer nehe.

Cânticos dos Cânticos 1:16

Nepuràg eteahy tuwe, heremiamutar. Hemurywete kar pe azeharomoete. Xiapo ka'api'i ikyr katu ma'e zaneker haw romo nehe.

Cânticos dos Cânticos 2:10

Heremiamutar uze'eg iko ihewe. Ezur kury, heremiamutar. Ezur herupi nehe, heremiamutar.

Cânticos dos Cânticos 2:14

Ereiko pykahu itawokaw pupe uzemim ma'e ài. Exak kar neruwa ihewe nehe. Tuwe uruenu neze'eg mehe ihe nehe. Ta'e neze'eg hete katu a'e xe. Neruwa ipuràg eteahy a'e no.

Cânticos dos Cânticos 2:8

Aenu heremiamutar katu teko ize'eg mehe ihe. Ur iko na'arewahy a'e kury. Wezyw iko ywytyruhu wi. Uzàn wà iko ywytyr wanehe.

Cânticos dos Cânticos 3:1

Amumaw pytun tetea'u heker haw rehe heremiamutar hekar pà ihe. Aekar zepe ihe. Nezewe rehe we naexak kwaw.

Cânticos dos Cânticos 4:7

Azeharomoete nepuràg eteahy, heremiamutar katu. Nekatuahy. Naheta kwaw ikatu haw 'ym nerehe.

Cânticos dos Cânticos 4:9

Heremireko ràm heremiamutar katu, nemunar hepy'a rehe, pitài haw herehe neme'e mehe. Pitài ita per neazuromo har pupe nemunar hepy'a rehe.

Cânticos dos Cânticos 5:6

Na'e awàpytymawok zepe uken heremiamutar katu pe. Oho a'e 'ym mehe we. Hepurenu wer hehe ize'eg mehe. Aekar. Naexak kwaw. Aenoz. Nuwazar kwaw heze'eg kwer ihewe.

Cânticos dos Cânticos 6:9

Xo pitài kuzà zo azamutar katu ihe. Ikatuahy pykahu ài. Naheta kwaw amo tazyr tu pe. Ihy uzamutar katu a'e. Kuzà paw ume'e heremiamutar katu rehe wà. — Hurywete a'e, i'i izupe wà. Kuzà tuwihawete hemireko a'e wà, hemirekoagaw a'e wà no, uze'egatu hehe wà.

Cânticos dos Cânticos 7:9

Zanezurupyter haw nuzawy kwaw win hete katu ma'e. Tuwe heremiamutar katu u'u a'e win mewe katu a'e nehe. Tuwe uwyryk heme wamyteromo nehe, hàz wamyteromo nehe no.

Cânticos dos Cânticos 8:7

'Y tetea'u nupuner kwaw imuwew kar haw rehe. Puramutar katu haw nuzawy kwaw a'e tata. Ni amo yrykawhu nupuner kwaw imuwew kar haw rehe. Aze mo amo ipurume'eg wer mo puruamutar katu haw rehe, aze mo umume'u mo wemetarer paw hekuzaromo, xo puruamutar 'ymaw zo upyhyk mo.

Isaías 50:6

Aruwak hekupe wakutyr hezepetepetek kar pà wanupe ihe. Aexak kar heruwa heamutaw i'ok arer wanupe no. Nazeàmim kwaw herehe waze'eg urywahyahy mehe. Uzenymon heruwa rehe wà.

Isaías 52:14

Teko tetea'u uze'eg nezewe hexak mehe wà. — upuraraw ma'erahy tetea'u a'e, i'i izupe wà, ta'e hexakaw amo ae romo uzeapo a'e xe. — Aipo awa romo hekon tuwe a'e, i'i izupe uzehe upuranu pà wà.

Daniel 8:18

Ize'eg mehe we heàkàzym ywy rehe he'ar pà heruwaw ihe kury. Nezewe rehe we hepyhyk hemupu'àm pà.

Zacarias 4:1

Tupàn heko haw pe har ihewe uze'eg ma'e kwer uzewyr hemume'e kar pà a'e kury. Nazawy kwaw uker ma'e. Hemume'e kar a'e.

Mateus 7:8

Aze awa wenoz ma'e nehe, Tupàn omono putar izupe nehe. Aze awa wekar ma'e nehe, wexak putar nehe. Aze awa wenoz wixe àwàm nehe, uzekenawok putar uken izupe nehe.

Mateus 8:17

Zezuz upurumukatu iko a'e, ta'e nezewe i'i Izai kwehe mehe a'e xe, Tupàn ze'eg imume'u har kwehe arer a'e xe. A'e ae o'ok zanema'eahy haw zanewi a'e. A'e ae weraha ma'erahy zanewi a'e.

Marcos 1:35

Pyheweteahy ipytun kurer rehe we upu'àm Zezuz a'e. Uze'eg oho Tupàn pe tawhu wi tàpuz heta 'ymaw pe. Hehe we har oho hupi a'e wà no.

Lucas 22:44

Uzemumikahy zepe Zezuz. Uze'eg wiwi tuwe Tupàn pe kury. Ipirakorer huwykwer zàwenugar utykytykyr ywy rehe izuwi kury.

Lucas 6:12

A'e 'ar mehe we uzeupir Zezuz oho ywytyr rehe a'e kury, Tupàn pe uze'eg pà a'e kury. Umumaw pytun a'e pe, Tupàn pe uze'eg pà.

Lucas 9:32

Pet a'e, hehe we har a'e wà no, uker upà ywy rehe a'e wà. Na'e ume'e a'e wà kury. Wexak Zezuz henyahy haw wà. Wexak a'e mokoz awa Zezuz huwake har wà no.

João 10:4

A'e wi waneraha mehe wazar oho wanenataromo. Àràpuhàràn oho uzar haikweromo wà, ta'e ukwaw ize'eg wà xe.

Gálatas 2:20

Nezewe nan kwaw ihe aiko ihe. Zaneruwihawete wiko herehe a'e ko hereko haw pupe hereko mehe. Tupàn Ta'yr rehe hezeruzar haw rehe aiko ihe. Ta'e uzezuka kar heamutar haw rupi herehe a'e xe.

Efésios 5:14

Aze zazeruzar Zaneruwihawete rehe nehe, zaiko putar 'aromo wata ma'e ài nehe. A'e rupi Tupàn i'i nezewe a'e, uze'eg imuapyk kar pà pape rehe a'e. Pe uker ma'e pe. Peme'e nehe. Pepu'àm pemàno haw wi pekweraw pà nehe A'e mehe Zaneruwihawete uhyape katu putar penehe a'e nehe.

Apocalipse 14:4

A'e 144.000 teko a'e wà, kuzà puhe oho 'ym ma'e romo wanekon a'e wà. Oho waiko Àràpuhàràna'yr zàwenugar rupi iho àwàm nànàn wà. Tatahu wi hemipyro kwer romo wanekon wà. A'e ràgypy uzemono Tupàn pe wà, Àràpuhàràna'yr zàwenugar pe wà, amogwer uzeruzar ma'e wanenataromo wà.

Apocalipse 3:20

Peinu katu heze'eg nehe ty wà. Aiko katu pe ihe kury, neràpuz huwake ihe kury. Ahapukaz teko newe. Akwar uken rehe. Aze erewàpytymawok neruken ihewe nehe, aixe putar nepyr ihe nehe. Amai'u putar nepyr nehe no. Eremai'u putar hepyr ne nehe no.

Apocalipse 3:4

Heta we pepyr har ikatu 'ym ma'e iapo 'ymar a'e wà. Wiko putar hepyr a'e wà nehe, ta'e uzeruzar herehe a'e wà xe, ta'e weruzar heze'eg waiko a'e wà xe. Aze kuzà uputuka kamir xig ma'e a'e nehe, a'e kamir xigatu putar tuwe imen pe a'e nehe. Nezewegatete pekatu haw nuzawy kwaw kamir xigatu ma'e. Pekatuahy ihewe, a'e rupi peiko putar hepyr nehe.