Cânticos dos Cânticos 3:7 - Tupàn zeꞌeg

⁷ Zauxiapekwer werur Xàrumàw heruzepyriko haw hereko wà. 60 Zauxiapekwer Izaew izuapyapyr ikatu wera'u ma'e wà, wiko Xàrumàw rehe uzekaiw katu ma'e romo wà. Xo hehe zo uzekaiw wà.

Cânticos dos Cânticos 3:7 ပူးပေါင်းရင်းမြစ်များ

1 Reis 14:27

Tuwihawete Homoàw umuapu'a kar itazu morog her ma'e amo purumimaw iapo kar pà. Omono a'e purumimaw a'e wi heraha pyrer wanekuzaromo wà. Omono zauxiapekwer tàpuzuhu ukenaw rehe uzekaiw ma'e wanuwihaw pe wà.

1 Reis 9:22

Ni amo Izaew izuapyapyr nuiko kwaw uma'ereko e ma'e romo Xàrumàw pe wà. Amo ae ma'e uzapo wà. Wiko zauxiapekwer romo wà, tuwihaw romo wà, zauxiapekwer wanuwihaw romo wà, ywyramawa rehe har wanuwihaw romo wà, kawaru kupe pe har romo wà.

2 Reis 6:17

Na'e uze'eg nezewe Tupàn pe kury. — O Tupàn Tuweharupi Wiko Ma'e. Ewàpytymawok ihewe uma'ereko ma'e heha nehe. Tuwe wexak katu tuwe nehe, i'i izupe. Tupàn uzapo ma'e henoz tawer. Uma'ereko ma'e ume'e ywate kury. Heta tetea'u tata kawaru romo iapo pyrer Erizew izywyr ywytyr izywyr wà. Heta tetea'u tata ywyramawa romo iapo pyrer izywyr wà no.

Neemias 4:13

Na'e amono puruzuka haw teko wanupe ihe kury: takihepuku, u'yw zàwenugar ipuku ma'e, ywyrapar, u'yw. Pitàitàigatu uzeànàm ma'e amono ipàrirogawtàtà iaiha ma'e ikupe kutyr ihe wà, aze ipehegwer a'e pe har nuzapokatu wi kwaw a'e wà rihi.

Cânticos dos Cânticos 1:16

Nepuràg eteahy tuwe, heremiamutar. Hemurywete kar pe azeharomoete. Xiapo ka'api'i ikyr katu ma'e zaneker haw romo nehe.

Cânticos dos Cânticos 3:6

Amo ma'e uzeupir wà ywyxiguhu wi. Ma'e romo hekon a'e. Nuzawy kwaw ywàkun. Nuzawy kwaw tàtàxin kàpuhàg zàwenugar mir ukaz ma'e wi uhem ma'e. Nuzawy kwaw tàtàxin yhyk zàwenugar ukaz ma'e wi uhem ma'e. Nuzawy kwaw tàtàxin kàpuhàg zàwenugar tetea'u ma'eme'egar hemime'eg ukaz ma'e wi uhem ma'e.

Cânticos dos Cânticos 3:8

Paw rupi ukwaw takihepuku pupe upuruzuka haw wà. Wiko zeàmàtyry'ymawhu rehe uzemuàgy'ygatu ma'e romo wà. Wereko takihepuku pitàitàigatu wà. Ta'e na'ikatuahy kwaw pyhaw xe.

Cânticos dos Cânticos 3:9

Tuwihawete Xàrumàw uzapo kar uzeruzepyriko haw ywyra kixi har wanupe a'e. Ukixikixi ywyra ikatu wera'u ma'e iapo pà wà.

Hebreus 1:14

Ma'e romo Tupàn heko haw pe har wanekon a'e wà. Tekwe romo wanekon wà. Uzapo ma'e oho waiko Tupàn pe wà, uzar pe wà. Tupàn omono kar a'e weko haw pe har ywy rehe a'e wà. Ywy rehe waneko mehe upytywà Tupàn pyr oho ma'e ràm waiko wà, Tupàn hemipyro ràm wapytywà pà wà.

1 Samuel 14:52

Wikuwe mehe kwarahy nànàn Xau uzàmàtyry'ymahy Piri ywy rehe har wà. Wyzài 'ar mehe aze wexak amo awa ikàg ma'e hehaite ma'e, umuigo kar a'e awa wemiruze'eg romo amogwer zauxiapekwer wanehe we imono kar pà.

1 Samuel 28:2

— Azeharomoete, i'i mua'u Tawi izupe. — Aiko xe nepytywà pà ihe. Apuner ma'e tetea'u iapo haw rehe. Erexak putar heremiapo ràm nehe, i'i Tawi Aki pe. — Ikatu, i'i Aki. — Ereiko putar herehe uzekaiw katu ma'e romo hepyro har romo nehe. Eremumaw putar ne'ar paw nezewe haw romo nereko pà nehe, i'i izupe.

1 Samuel 8:16

Upyro putar peme uma'ereko ma'e pewi a'e wà nehe no. Tapi'ak ikatu wera'u ma'e zumen ikatu wera'u ma'e upyro putar pewi wà nehe no, wamuma'ereko kar pà weko haw pe wà nehe no.