Cânticos dos Cânticos 3:3 - Tupàn zeꞌeg

³ Zauxiapekwer tawhu rehe uzekaiw ma'e heruwàxi wà. Apuranu wanehe. — Aipo pexak heremiamutar katu, a'e wanupe.

Cânticos dos Cânticos 3:3 ပူးပေါင်းရင်းမြစ်များ

Cânticos dos Cânticos 1:7

Emume'u ma'e ihewe nehe, heremiamutar. Ma'e pe ereraha nereimaw àràpuhàràn hawitu ma'e wamumai'u kar pà ne wà. Ma'e pe upytu'u kwarahy wapyter pe hin mehe wà. Emume'u ihewe nehe. Nezewe mehe nata e kwaw amo àràpuhàràn hawitu ma'e wamono'ogar waneimaw wainuromo nerekar pà ihe nehe.

Cânticos dos Cânticos 5:7

Zauxiapekwer tawhu rupi wata ma'e heruwàxi a'e wà. Ukwaukwar herehe hemuahy kar pà wà. Zauxiapekwer pàrirogawtàtà rehe uzekaiw ma'e wenuhem hepykaw ihewi wà.

Isaías 56:10

Heremiaihu wanehe uzekaiw ma'e nahehàpyhà kwaw wà. Nuexak kwaw ma'e wà. Paw rupi nuzawy kwaw zawar uze'eg 'ym ma'e wà. Wiko zawar heihemaw rehe upuner 'ym ma'e ài wà. Tuweharupi u'ar uker pà wà. A'e uzekaiw ma'e iranahy wà. Uker tuweharupi wà. Upuahu tetea'u wà no.

Isaías 62:6

Zeruzarez ipàrirogaw apyr Tupàn Tuweharupi Wiko Ma'e umupu'àm kar ume'egatu ma'e a'e wà. Ni 'aromo ni pyhaw nupytu'u kwaw uhapukaz re wà. Pe ume'egatu ma'e pe wà, pemuma'enukwaw kar Tupàn wemimume'u kwer rehe. Pepytu'u zo imuma'enukwaw kar ire nehe.

Ezequiel 3:17

— Awa ta'yr, i'i ihewe. — Urumuigo kar Izaew wanehe ume'egatu ma'e romo ihe. Aze hepurumume'u wer amo ma'e rehe wanupe nehe, eremume'u putar wanupe nehe.

João 20:15

— Kuzà, màràzàwe tuwe erezai'o iko ne, i'i izupe. — Mo erekar iko ne, i'i izupe. — Ma'etymaw rehe uzekaiw ma'e ru'u a'e, i'i Mari uzeupe a'e. A'e rupi i'i izupe. — Aze ne heraha arer romo ereiko ne, emume'u tupaw ihewe 'y. Ma'e pe ereraha hetekwer ne. Aze eremume'u ihewe nehe, aha putar hetekwer piaromo ihe nehe 'y, i'i izupe.

Hebreus 13:17

Uzeruzar ma'e waneruze'egar a'e wà, uzekaiw katu penehe a'e wà, peneraha katu pà Tupàn hape rupi a'e wà, upytu'u 'ym pà a'e wà. Peruzar peneruze'egar waze'eg pe wà nehe. Pezekaiw katu waze'eg rehe nehe. Ta'e amo 'ar mehe umume'u putar wemiapo kwer Tupàn pe a'e wà nehe xe. Aze peruzar waze'eg nehe, hurywete putar Tupàn pe uma'ereko mehe wà nehe. Aze naperuzar kwaw nehe, uzemumikahy putar wà nehe. Nezewe mehe napepytywàgatu kwaw a'e wà nehe.