Cânticos dos Cânticos 3:1 - Tupàn zeꞌeg

¹ Amumaw pytun tetea'u heker haw rehe heremiamutar hekar pà ihe. Aekar zepe ihe. Nezewe rehe we naexak kwaw.

Cânticos dos Cânticos 3:1 ပူးပေါင်းရင်းမြစ်များ

Salmos 22:2

Tupàn hezar. Aenoz newe 'aromo ihe. Nerewazar kwaw heze'eg ihewe. Uruenoz pyhaw no. Napuner kwaw hepytu'u haw rehe.

Salmos 4:4

Peryryryryz pekyze pà ikatu 'ym ma'e iapo re pepytu'u pà nehe. Pema'enukwaw penemiapo kwer rehe nehe. Pe zutyka'i peker haw pe peneko mehe, Pema'enukwaw ikatu 'ym ma'e penemiapo kwer rehe nehe.

Salmos 6:6

Hekene'o hezai'o re ihe. Tuweharupi pyhaw herupaw tynehem herehaykwer pupe a'e. Hezai'o haw umuàkym heàkàg iwy pe har.

Cânticos dos Cânticos 1:7

Emume'u ma'e ihewe nehe, heremiamutar. Ma'e pe ereraha nereimaw àràpuhàràn hawitu ma'e wamumai'u kar pà ne wà. Ma'e pe upytu'u kwarahy wapyter pe hin mehe wà. Emume'u ihewe nehe. Nezewe mehe nata e kwaw amo àràpuhàràn hawitu ma'e wamono'ogar waneimaw wainuromo nerekar pà ihe nehe.

Cânticos dos Cânticos 5:6

Na'e awàpytymawok zepe uken heremiamutar katu pe. Oho a'e 'ym mehe we. Hepurenu wer hehe ize'eg mehe. Aekar. Naexak kwaw. Aenoz. Nuwazar kwaw heze'eg kwer ihewe.

Cânticos dos Cânticos 5:8

Pemume'u ko penemiapo ràm ihewe nehe, kuzà Zeruzarez pe har wà. Aze pexak heremiamutar katu nehe, — Neamutar katu har uzuka etea'i neremiamutar katu a'e, peze izupe nehe.

Isaías 26:9

Aputar herehe we nereko haw pyhaw azeharomoete ihe. Azeagaw tuwe neremiapo putar haw ikwaw pà azeharomoete. Eremume'u putar teko ywy rehe har wanemiapo kwer nehe. A'e 'ar mehe uzemu'e putar nekatu haw rehe wà nehe. Ukwaw putar wà nehe.

Isaías 55:6

Pekar Tupàn pezepytywà kar pà izupe nehe, hexakaw rehe pepuner mehe we nehe. Peze'eg Tupàn Tuweharupi Wiko Ma'e pe nehe, penuwake heko mehe we nehe no.

Lucas 13:24

Ezeagaw nereixe pà uken pixika'i ma'e rupi nehe. Ta'e teko tetea'u uzeagaw putar hupi wixe pà wà nehe xe. Nupuner kwaw wà nehe.

João 11:29

Ize'eg henu mehe tàrityka'i Mari upu'àm oho huwàxi pà kury.

João 21:17

Na'e upuranu wi hehe no. — Ximàw Zuàw ta'yr ne, aipo heamutar katu pe ne, i'i izupe. Uzemumikahy Pet a'e kury, ta'e na'iruz haw Zezuz nezewe upuranu hehe a'e xe. — Hezar erekwaw katu ma'e paw rupi ne. Erekwaw katu neamutar katu haw no, i'i izupe. — Ezekaiw katu heremiruze'eg wanehe nehe, i'i Zezuz izupe.

1 Pedro 1:8

Pezamutar katu Zezuz peiko. Napexak pixik kwaw. Pezeruzar hehe no. Napexak kwaw no. A'e rupi penurywete kury. Uhua'u penurywete haw. Napepuner kwaw penurywete haw paw imume'u haw rehe, ta'e penurywete azeharomoete xe.