Cânticos dos Cânticos 2:9 - Tupàn zeꞌeg

⁹ Heremiamutar nuzawy kwaw arapuha kazer. Nuzawy kwaw arapuha kor ra'yra'i. Heremiamutar wiko pe pe katu pe ureràpuz huwake. Ume'e iko ipupe ukenaw rupi. Ume'e iko herehe ipari haw rupi.

Cânticos dos Cânticos 2:9 ပူးပေါင်းရင်းမြစ်များ

2 Samuel 2:18

Na'iruz Zeruz imemyr wiko a'e pe wà. Zoaw, Amizaz, Azaew waner romo wà. Azaew uzàn katu arapuha hehaite ma'e zàwe a'e.

Provérbios 5:19

Ipuràgeteahy a'e. Hexakaw ipuràgeteahy arapuha hexakaw ài. Tuwe umàmàn neywyr neamutar katu haw rehe we nehe. Tuwe ipuràgeteahy haw nemurywete kar tuweharupi nehe no.

Provérbios 6:5

Ezàn nehem pà a'e arapuk wi nehe. Wiràmiri uwewe oho uzemi'ikar ma'e wi wà. Arapuha uzàn izuwi wà no. Nezewegatete ehem eho a'e teko wanuwi nehe no.

Provérbios 7:6

Amo 'ar mehe ame'e heràpuz hukenaw ywate har rupi ihe.

Cânticos dos Cânticos 1:16

Nepuràg eteahy tuwe, heremiamutar. Hemurywete kar pe azeharomoete. Xiapo ka'api'i ikyr katu ma'e zaneker haw romo nehe.

Cânticos dos Cânticos 2:17

ku'em mehe we ipytunaw iho 'ym mehe we a'e. Heremiamutar, ezewyr na'arewahy nehe. Ezàn ezuwà kazer ài nehe, arapuha kor ra'yra'i Meter ywytyr rehe har ài nehe.

Cânticos dos Cânticos 2:7

Kuzà Zeruzarez pe har wà, pemume'u ko ma'e ihewe nehe. Pemume'uahy ko ma'e ihewe nehe. Pemume'u arapuha hehaite ma'e kor zàwenugar her ma'e nehe. Pemume'u arapuha kazer her ma'e rehe nehe. — Nuruzapo kwaw ma'e pemupytu'u kar pà pezeamutar katu re nehe, peze nehe.

Cânticos dos Cânticos 3:5

Kuzà Zeruzarez pe har wà, pemume'u ko ma'e ihewe nehe. Pemume'uahy ko ma'e ihewe nehe. Pemume'u arapuha hehaite ma'e kor her rehe nehe. Pemume'u arapuha kazer her rehe nehe no. — Nuruzapo kwaw ma'e pemupytu'u kar pà pezeamutar katu re nehe, peze nehe.

Cânticos dos Cânticos 8:14

Ezur na'arewahy nehe, heremiamutar katu. Ezàn arapuha kazer ài nehe, àràpuhàrànete hehaite ma'e kor ma'e ài nehe. Opoopor ywytyr hyàkwegatu ma'e i'aromo a'e. Upaw kwez kury.

Lucas 24:35

Na'e a'e awa a'e wà no, Zezuz pe rupi hexak arer a'e wà no, umume'u hexak awer amogwer wanupe a'e wà no. — Typy'ak iaikaikaw mehe, urukwaw tuwe ure, i'i wanupe wà.

João 12:41

Nezewe i'i Izai a'e, ta'e wexak Zezuz ikàgaw ipuràg eteahy haw a'e xe, (upuahu pe a'e xe). Umume'u a'e ma'e pape rehe imuapyk pà a'e.

João 5:39

Tuweharupi pemugeta Tupàn ze'eg kwehe arer. — Aze ximugeta Tupàn ze'eg nehe, zaiko putar ipyr tuweharupi nehe, peze zepe peiko pezeupeupe. Tupàn ze'eg kwehe arer umume'u ta'yr romo hereko haw a'e.

João 5:46

Ta'e ize'eg umume'u Tupàn ta'yr romo Tuwihawete romo purupyro ma'e romo hereko haw a'e xe. Aze mo pezeruzar katu ize'eg rehe, a'e mehe mo pezeruzar mo herehe no.

1 Coríntios 13:12

Aze zame'e waruwa izipiw ma'e rehe nehe, nazazexak katu kwaw nehe. Aze zame'e tuwe ma'e rehe nehe, xixak katu nehe. Nezewegatete naxikwaw katu kwaw Zezuz ko 'ar rehe zane kury. Tur mehe xikwaw katu putar nehe. Xo màràn ma'e akwaw kury. Nakwaw katu kwaw ma'e tetea'u. Tur mehe hexak mehe akwaw katu putar ma'e paw rupi nehe. Tupàn hekwaw katu tuwe a'e. Heremigwaw ràm nuzawy kwaw a'e Tupàn hemigwaw ihe nehe.

Colossences 2:17

Agwer ma'e paw rupi a'e, xo ur ma'e ràm i'àgaw zo a'e, Zaneruwihawete zo wiko azeharomoete har romo a'e.

Hebreus 10:1

Aze ywyra ikàg a'e nehe, i'àg uzawy wewer a'e ywyra a'e. Nezewegatete zutew ukwaw ze'eg kwehe arer a'e wà, a'e rupi ukwaw wewer Tupàn hemiapo kwer a'e wà, hemiapo ràm a'e wà no. Ikatu wewer Tupàn pe wà. Kwarahy nànàn uzuka ma'ea'yr wà, wemiapo kwer ikatu 'ym ma'e hekuzaromo wà. Ze'eg kwehe arer numukatu kwaw Tupàn hemiruze'eg a'e wà.

Apocalipse 19:10

Na'e azeamumew a'e Tupàn heko haw pe har ipy huwake ihe kury, imuwete katu pà ihe kury. Na'e uze'eg ihewe kury. — Nan kwaw ty, ezeamumew zo heruwa rupi nehe ty, i'i ihewe. — Aiko Tupàn hemiruze'eg romo ne ài ihe, aiko nemyrypar uzeruzar ma'e wazàwe ihe. Aiko ze'eg Zezuz hemixak karer rehe uzeruzar ma'e wazàwe ihe, i'i ihewe. — Xo Tupàn zutyka'i emuwete katu nehe ty, i'i ihewe. Tupàn ze'eg imume'u har kwehe arer a'e wà, umume'u ize'eg oho waiko purupe a'e wà, ta'e ukwaw Tupàn ta'yr Purupyro Ma'e tur àwàm a'e wà xe, ta'e ukwaw Zanezar romo heko àwàm a'e wà xe. Zezuz umume'u a'e ma'e paw teko wanupe a'e, ywy rehe wiko mehe a'e.

Juízes 5:28

Xi ihy ume'e wàpuz ukenaw rupi a'e. Ume'egatu ukenaw rupi a'e. Màràzàwe tuwe ywyramawa hememyr herur har nuhem kwaw a'e. Màràzàwe tuwe iàrew iko a'e. Màràzàwe tuwe heimaw kawaru wata waiko mewe katu a'e wà, i'i ihy uzeupe.