Cânticos dos Cânticos 2:3 - Tupàn zeꞌeg

³ Heremiamutar amogwer awa wainuinuromo a'e, nuzawy kwaw màxà 'yw amo ywyra ka'a pe har wainuinuromo a'e. Herurywete izywa rehe hereko mehe. Hemumuràgaw nuzawy kwaw hete katu ma'e ihewe.

Cânticos dos Cânticos 2:3 ပူးပေါင်းရင်းမြစ်များ

Salmos 45:2

O Tuwihawete, ereiko ipuràg eteahy wera'u ma'e amo awa paw wanuwi ne. Erekwaw neze'egatu haw teko wanuwa rupi no. Tuweharupi Tupàn omono uze'egatu nerehe a'e.

Salmos 45:3

Emono netakihepuku iapirer pupe neku'aw rehe nehe, O tuwihawete ikàg ma'e, upuner ma'e, ipuràg eteahy ma'e,

Salmos 57:1

Hepuhareko pe nehe, o Tupàn. Hepuhareko pe nehe, ta'e aikar hepyro àwàm nerehe ihe xe. Aexak hepyro haw nepepo i'àg rehe. Apyta a'e pe. Xo ikatu 'ymaw iho re zo ahem a'e wi.

Salmos 89:6

O Tuweharupi Wiko Ma'e, naheta kwaw amo nezàwenugar ywak rehe wà. Ywak rehe har paw neawy a'e wà.

Salmos 91:1

Aze amo wekar weko katu haw Tupàn Ywate Wera'u Har inuromo nehe, aze uzeàmim Tupàn Ikàg Wera'u Ma'e i'àg purumim ma'e iwy pe nehe,

Cânticos dos Cânticos 1:16

Nepuràg eteahy tuwe, heremiamutar. Hemurywete kar pe azeharomoete. Xiapo ka'api'i ikyr katu ma'e zaneker haw romo nehe.

Cânticos dos Cânticos 2:5

Perur uwà imuxinig pyrer ihewe nehe. Nezewe mehe hekàgaw uzewyr putar ihewe nehe. Perur màxà ihewe hekene'o haw ihewi imuhem kar pà nehe. Ta'e urezeamutar katu awer hemukàzym kar tària'i a'e.

Cânticos dos Cânticos 4:13

A'e ma'etymaw rehe hezuz katu ma'e. Aiha katu homà tyw ài. I'a katu. I'a kwer ikatu wera'u amo wanuwi wà. Heta ka'akyr hyàkwegatu ma'e ena her ma'e a'e pe. Heta narono kàpuhàg zàwenugar romo iapo pyr a'e pe no.

Cânticos dos Cânticos 4:16

— Epu'àm, ywytu kwarahy heixe haw awyze har wi ur ma'e. Ezur ywytu kwarahy ihemaw awyze har wi ur ma'e. Pezur hema'etymaw pe nehe. Pemynehem kàpuhàg zàwenugar pupe nehe. Tuwe heremiamutar katu ur uma'etymaw pupe nehe. Tuwe u'u ma'e'a kwer a'e pe har ikatu wera'u ma'e nehe.

Cânticos dos Cânticos 5:16

Nezuru hezurupyter mehe nuzawy kwaw hàir i'u haw ihewe. Hehe har paw ikatu ihewe. Nezewe heremiamutar katu hekon. Hemen ràm wiko nezewe, kuzà Zeruzarez pe har wà.

Cânticos dos Cânticos 7:13

Xitun putar ka'akyr manarakora her ma'e nehe. Hyàkwegatu ru'u aipo wà. Ma'e'a kwer hete katu ma'e paw xiriko zaneràpuz hukenaw pe zane wà. Heremiamutar katu, amonokatu ma'e 'a kwer uzuawyawy ma'e hexakaw newe ihe wà. Kutàri ipo'o pyrer wà. Amonokatu ma'e 'a kwer imuxinig pyrer newe wà no.

Cânticos dos Cânticos 8:11

Xàrumàw wereko amo uwà tyw Ma'aw-Amon tawhu pe. Wexaexak uma'ereko ma'e wà, hehe wamuzekaiw kar pà wà. — Emur miw temetarer tàtà parat iapo pyrer ihewe nehe, i'i wanupe pitàitàigatu.

Cânticos dos Cânticos 8:12

Ihe areko uwà tyw ihe no. Azapo heremimutar izupe. Xàrumàw, ezur miw neremetarer tàtà ipyhyk pà nehe. Uma'ereko ma'e wà, pezur 200 temetarer tàtà ipyhyk pà nehe, pema'ereko awer hekuzaromo nehe.

Cânticos dos Cânticos 8:5

Mo ur waiko ywyxiguhu wi a'e wà. Upyhyk hemiamutar katu izywa uzywa pupe a'e. Màxà 'yw iwy pe urumume'e kar ihe. A'e pe, nezexak kar awer pe. Nehy nemuzexak kar a'e pe a'e.

Isaías 25:4

Ta'e ereiko hemetarer 'ym ma'e wanehe uzekaiw ma'e romo ne xe. Ereiko ma'e hereko 'ymar wapyro har romo no. Ereiko ywytuàiw wi teko wazeàmimaw ài no. Kwarahy haku mehe ereiko ma'e i'àgaw teko wamimaw ài no. Awa ipuruzukaiw ma'e wakwahy haw nuzawy kwaw ywytuaiw àmàkymehe har.

Isaías 32:2

A'e paw uzekaiw putar teko wanehe wà nehe. Nuzawy kwaw ywytuaiw wi àmànuhu wi purupykaw wà nehe. Nuzawy kwaw yrykawhu ywy uxinig ma'e rupi uwyryk ma'e wà nehe. Nuzawy kwaw itahu i'àgaw ywyxiguhu rehe har wà nehe.

Isaías 4:2

Tupàn Tuweharupi Wiko Ma'e utym putar Ywyra Hàkàgwer Ipyahu Ma'e a'e nehe. A'e 'ar mehe a'e hàkàgwer hezuz katu putar ikàg ma'e romo ipuràg eteahy ma'e romo wiko pà nehe. Izaew ywy rehe har wikuwe ma'e hurywete putar wà nehe. Wiko wera'u putar wà nehe, ta'e Tupàn omono putar ikatuahy ma'e tetea'u wanupe nehe xe.

Isaías 4:6

'Aromo wiko putar i'àgaw zàwenugar romo wanupe nehe, kwarahy haku haw wi wapyk pà nehe. Àmàn ikyr mehe ywytu tur mehe teko uhem putar àmàn wi iwype wà nehe.

Ezequiel 47:12

Yrykaw iwyr mokoz ipehegwer rehe ma'ywa'yw tetea'u hezuz putar wà nehe. Hexakaw tetea'u hereko har itua'u putar hehe wà nehe. Huwer nuxinig pixik kwaw nehe. Nupytu'u pixik kwaw u'a katu re wà nehe. I'a wi zahy nànàn wà nehe. Ta'e 'y tàpuzuhu wi uhem ma'e kwer umuàkym putar a'e wà nehe xe. Teko u'u putar wa'a kwer wà nehe. Teko omono'og putar huwer muhàg romo wà nehe no.

Joel 1:12

Uxinig uwà 'yw wà. Uxinig pi 'yw wà no. Uxinig homà 'yw wà no. Uxinig inàzàràn 'yw wà no. Uxinig maxà 'yw wà no. Ma'e'yw paw uxinig wà. Teko uzemumikahy wà.

Hebreus 12:2

Ximonokatu zanereha xo Zezuz rehe zo nehe. Nezewegatete zanema'enukwaw katu Zezuz rehe no, ta'e zanepyro a'e xe. — Pezeruzar herehe nehe, i'i Zezuz zanewe izypy mehe. — Pezeruzar herehe te iahykaw rehe nehe, i'i zanewe. Zanemuzeruzar kar har ipy romo hekon a'e, iahykaw rehe har romo hekon a'e no. Naheta kwaw amo. Umàno ywyra kanetar rehe. — Nazemono kwaw hezezuka kar pà ywyra kanetar rehe nehe, ni'i pixik kwaw Tupàn pe. Nan. — Hekweraw ire herurywete putar ihe nehe, i'i izupe. A'e rupi nuzekaiw kwaw teko waze'eg rehe. Imaranugar izuwi wà. Nuzekaiw kwaw wanehe. Uzemono uzezuka kar pà ywyra kanetar rehe. Wapyk in Tupàn henaw iawyze har rehe har rehe kury. Tuwihaw romo hekon ipyr kury.

Juízes 9:15

Uze'eg xu ma'ywa 'yw wanupe. — Aze pepurumuigo kar wer herehe penuwihawete romo azeharomoete nehe, pezur xe heruwake nehe. Pepyta he'àg rehe nehe. Aze napezapo kwaw nezewe nehe, uhem putar tata xu wi nehe. A'e tata wapy putar ma'e'yw ywyràkàxigyw her ma'e Irimano ywy rehe har wà nehe, i'i wanupe, i'i Zotàw Xikez pe har wanupe.