Cânticos dos Cânticos 2:12 - Tupàn zeꞌeg

¹² Ma'eputyr uzexak kar kaiwer pe. Zanezegar haw 'ar uhem kwez kury. Teko wenu pyku'i kaiwer rehe waze'eg mehe wà.

Cânticos dos Cânticos 2:12 ပူးပေါင်းရင်းမြစ်များ

Gênesis 15:9

Uwazar Tupàn Tuweharupi Wiko Ma'e ize'eg izupe. — Erur amo tapi'ak kuzà xe ihewe nehe kury. Erur amo àràpuhàrànete amo àràpuhàràn hawitu ma'e rehe we nehe no, paw rupi na'iruz kwarahy hereko har wà nehe. Erur amo pyku'i nehe no, amo pykahu nehe no, i'i Tupàn izupe.

Salmos 74:19

Imunar neremiaihu wama'e rehe wà. Emono zo neremiaihu a'e teko wanupe ne wà nehe. Upuraraw kar ma'erahy neremiaihu wanupe wà. Nereharaz zo neremiaihu ipetepetek pyrer wanuwi nehe.

Salmos 89:15

Hurywete teko zegar haw pupe nemuwete katu har wà. Hurywete nepyr wiko ma'e wà. Nuzuawy kwaw tatainy rehe wiko ma'e wà.

Cânticos dos Cânticos 2:11

Tuwixàgaw uhem oho. Àmàn upik oho.

Cânticos dos Cânticos 6:11

Aha amen tyw pe ihe, ma'e hezuz romo ma'e kwer ywyàpyznaw rehe har wanexak pà. — Uwà 'yw huwer aipo, a'e hezeupe. — Homà 'yw iputyr aipo, a'e hezeupe.

Cânticos dos Cânticos 6:2

Heremiamutar katu oho ma'etymaw pe. Oho ma'etymaw hyàkwegatu ma'e pe. Wiko a'e pe weimaw àràpuhàràn hawitu ma'e wapoz pà. Opo'o ma'eputyr iri her ma'e iko a'e pe no.

Isaías 55:12

Pehem putar Mawiron wi penurywete romo nehe. Apueraha putar peywy rehe nehe. Zauxiapekwer napeàmàtyry'ym kwaw peata mehe wà nehe. Ywytyruhu uzegar putar urywete romo wà. Ywytyr hurywete putar uzegar pà wà. Ywyra paw uzepopetepetek putar wà nehe.

Jeremias 8:7

Pykahu wà, hoko wà no, wiriri wà no, ukwaw amo ywy kutyr uwewe haw 'ar wà. Hokoxig ukwaw uzewyr haw 'ar wà no. Pe heremiaihu wà, naperuzar kwaw heze'eg peme heremimono kwer.

Colossences 3:16

Zaneruwihawete ze'eg a'e, ikatuahy a'e. Tuwe wapyk pepy'a pe a'e nehe. Pezemu'emu'e peiko nehe, Tupàn ze'eg rehe paw rupi nehe. A'e rupi pekwaw putar ima'enukwaw paw nehe. Pezegar Tupàn pe nehe. Pemuzàg Tupàn pe zegar haw nehe. Pezegar ikatu haw rehe nehe. Pemume'u ikatu haw izupe pepy'a pe nehe, pezegar mehe nehe.