Cânticos dos Cânticos 2:10 - Tupàn zeꞌeg

¹⁰ Heremiamutar uze'eg iko ihewe. Ezur kury, heremiamutar. Ezur herupi nehe, heremiamutar.

Cânticos dos Cânticos 2:10 ပူးပေါင်းရင်းမြစ်များ

2 Samuel 23:3

Tupàn Izaew wazar uze'eg. Izaew wanehe uzekaiw ma'e uze'eg ihewe. Tuwihawete katu haw rupi pureruze'eg ma'e a'e, Tupàn hemimutar iapo pà pureruze'eg mehe a'e,

Salmos 85:8

Ihe ainu putar Tupàn Tuweharupi Wiko Ma'e ize'eg mehe ihe nehe. — Peneko haw ikatuahy putar nehe, Aze napezewyr kwaw pene'o haw pe nehe, I'i zanewe hemiaihu wanupe a'e, zanewe hehe uzeruzar ire upytu'u 'ym ma'e wanupe a'e.

Cânticos dos Cânticos 1:15

Nepuràg eteahy tuwe, heremiamutar. Nepuràg azeharomoete. Heamutar haw heny katu nereha rehe.

Cânticos dos Cânticos 1:9

Nepuràg eteahy, heremiamutar. Ereiko Tuihawete Parao heimaw ywyramawa heruata har wazàwe ne.

Cânticos dos Cânticos 2:11

Tuwixàgaw uhem oho. Àmàn upik oho.

Cânticos dos Cânticos 2:13

Pi 'yw i'a kwer uzypyrog iazu pà kury. Uwà 'yw rehe heta iputyr. Hyàkwegatu. A'e rupi, ezur nehe, heremiamutar. Ezur herupi nehe, heremiamutar.

Cânticos dos Cânticos 2:8

Aenu heremiamutar katu teko ize'eg mehe ihe. Ur iko na'arewahy a'e kury. Wezyw iko ywytyruhu wi. Uzàn wà iko ywytyr wanehe.

Cânticos dos Cânticos 5:2

Aker tupà. Nezewe rehe we ame'e tupà. Na'e ainu heremiamutar katu ukenaw rehe ikwaikwar mehe ihe. Hemuixe kar pe nehe, heremiamutar, heremiamutar katu. Ereiko pyku'i ikatu 'ymaw hereko 'ymar zàwe. Zuwiri umuàkym heàkàg. Àmàn pixika'i ma'e utyky'yr he'aw imuàkym pà.

Jeremias 31:3

azexak kar wanupe ihe. Teko Izaew izuapyapyr wà, tuweharupi apuamutar katu ihe. Apuamutar katu putar ihe nehe no. Tuweharupi aexak kar peamutar katu haw peme ihe.

Mateus 9:9

Na'e uhem Zezuz oho a'e wi a'e wà kury. Ihe Matew ihe. Apyk in pe izywyr a'e 'ar mehe ihe. Pe rupi wata mehe herexak a'e pe a'e wà. Tuwihaw hemetarer mono'ogar romo aiko a'e 'ar mehe ihe. Matew herer romo ihe. Apyk ywyrapew rehe tàpuz huwake. Na'e uze'eg Zezuz ihewe a'e kury. — Ezur herupi nehe ty, i'i ihewe. Na'e apu'àm ihe kury. Aha hupi.

2 Coríntios 11:2

Ta'e apuamutar katu ihe xe. Peiko kuzàwaza ài ihewe pe. Aiko penu ài ihe. Apumume'u amo awa pe hemireko ràm romo ihe. Zaneruwihawete Zezuz a'e, pemen ràm ài hekon a'e. Kuzà awa puhe oho pixik 'ym ma'e ài peiko. Heporomonokatu wer penehe Zaneruwihawete pe ihe. A'e rupi aze'eg nezewe agwer ma'e rehe ihe.

Apocalipse 22:17

Tupàn Hekwe a'e, Zezuz hemireko ràm zàwenugar a'e no, uze'eg nezewe a'e wà. — Ezur nehe, i'i waiko wà. Ko ze'eg henu har paw rupi katete uze'eg putar nezewe wà nehe no, — Ezur nehe, i'i putar izupe wà nehe. Aze teko iziwez wà nehe, tuwe ur wà nehe, 'y purumugweraw kar ma'e i'u pà wà nehe. Ta'e Tupàn umur e wanupe a'e xe.