Cânticos dos Cânticos 1:2 - Tupàn zeꞌeg

² Tuwe nereme hepyk zurupyter haw pupe nehe. Heamutar katu pe ne. Heamutar katu haw ikatu wera'u win wi a'e.

Cânticos dos Cânticos 1:2 ပူးပေါင်းရင်းမြစ်များ

Gênesis 29:11

A'e re uzurupyter Zako Hakew kury. Hurywete a'e. A'e rupi uzypyrog uzai'oahy pà.

Gênesis 45:15

Na'e uzai'o wiwi mehe Zuze uzàzuwàn wyky'yr pitàitàigatu a'e wà no. A'e re tyky'yr uze'eg izupe wà.

Salmos 2:12

Aze napezapo kwaw a'e ma'e nehe, wikwahy putar na'arewahy nehe. A'e rupi pemàno putar nehe. — Urepyro pe nehe, aze amo i'i Tupàn pe wà nehe, hurywete putar wà nehe.

Salmos 36:7

Ikatuahy nepuruamutar haw. Nepepo iwype uruexak urepyro haw.

Cânticos dos Cânticos 1:4

Hereraha pe nezeupi nehe 'y. Zaha na'arewahy nehe 'y. Eiko heruwihawete romo nehe. Hereraha pe neker haw pe nehe. O tuwihawete, urerurywete nerehe ure nehe. Uruzegar putar neamutar katu haw rehe nehe, neremiamutar haw rehe nehe. Ikatu wera'u win wi a'e. Neamutar katu teko a'e wà, o tuwihawete.

Cânticos dos Cânticos 2:4

Hereraha ipupyaikaw pyrer pupe mynykawhu iapo haw pe. A'e pe uruzemono urezeamutar katu haw pe.

Cânticos dos Cânticos 4:10

Hemumuràgaw hete katu ihewe, heremireko ràm heremimutar katu. Heamutar katu haw ikatu wera'u win wi a'e. Nekàpuhàg zàwenugar hyàkwegatu wera'u amo kàpuhàg heta ma'e wanuwi.

Cânticos dos Cânticos 5:16

Nezuru hezurupyter mehe nuzawy kwaw hàir i'u haw ihewe. Hehe har paw ikatu ihewe. Nezewe heremiamutar katu hekon. Hemen ràm wiko nezewe, kuzà Zeruzarez pe har wà.

Cânticos dos Cânticos 7:12

Zapu'àm izi'itahy uwà 'yw wanehe zaneme'e pà nehe. Huwer ru'u aipo. Zame'e ma'e'yw rehe nehe. Iputyr ru'u aipo wà. Homà 'yw iputyr ru'u aipo wà. A'e pe uruamutar katu putar ihe nehe.

Cânticos dos Cânticos 7:6

Nepuràg eteahy, heremiamutar katu. Hemurywete kar pe azeharomoete. Herehe we nereko haw hemurywete kar a'e.

Cânticos dos Cânticos 7:9

Zanezurupyter haw nuzawy kwaw win hete katu ma'e. Tuwe heremiamutar katu u'u a'e win mewe katu a'e nehe. Tuwe uwyryk heme wamyteromo nehe, hàz wamyteromo nehe no.

Isaías 25:6

Xiàw ywytyr rehe Tupàn Tuweharupi Wiko Ma'e uzapo putar mai'u hawhu ywy nànànar wanupe nehe. Werur putar temi'u ikatu wera'u ma'e a'e pe nehe. Werur putar win ikatu wera'u ma'e a'e pe nehe no.

Mateus 26:26

Umai'u mehe Zezuz upyhyk typy'ak imuwà kury. Uze'eg Tupàn pe. Na'e upei'ài'àg typy'ak kury, ipegegwer imuimur pà urewe pitàitàigatu kury. Pepyhyk ko typy'ak nehe kury, pe'u nehe kury, ta'e nuzawy kwaw heretekwer a'e xe, i'i urewe. (Aze xi'u typy'ak nezewe zane nehe, zanema'enukwaw putar hetekwer izuka pyrer rehe zane nehe.)

Lucas 15:20

Uzypyrog oho pà u ipyr. Wata oho iko, te uhem etea'i u heko haw pe kury. Muite tur mehe we tu wexak wa'yr a'e. Upuhareko katu wa'yr. Uzàn oho ikutyr kury. Uzàzuwàn. Uzurupyter no.

Atos 21:7

Uruata wi oroho Xir taw wi kury. Te uruhem Pituremaz taw pe kury. Uruexak uzeruzar ma'e a'e pe har ure wà. Pitài 'ar urumumaw a'e pe har wapyr urereko pà.

1 Pedro 5:14

— Nekatu pa, peze pezeupeupe nehe, — Nekatu ma, peze pezeupe nehe. Ta'e pezeamutamutar katu peiko xe, ta'e pezamutar katu Zaneruwihawete Zezuz pe no xe, ta'e peamutar katu a'e no xe. Tuwe Tupàn pemupytu'u kar ma'e wi pekyze re nehe, ta'e Zaneruwihawete hemiruze'eg romo peiko pe no xe. Upaw kury. Pet.