Atos 2:20 - Tupàn zeꞌeg

²⁰ Kwarahy ipytunahy putar puruwi nehe Zahy nehe no, nuzawy kwaw ma'e huwykwer nehe no, Pezar Ikàg Ma'e Ipuràg eteahy Ma'e tur etea'i mehe nehe.

Atos 2:20 ပူးပေါင်းရင်းမြစ်များ

2 Pedro 3:10

Aze awa imunar wer zanema'e rehe pyhaw nehe, numume'u kwaw ur àwàm zanewe nehe. Nezewegatete Tupàn numume'u kwaw Zanezar 'ar zanewe nehe no. A'e 'ar mehe ywak ukàzym putar nehe, wànoànog pà nehe. Ma'e ukaz putar tata pupe nehe. Ywy no, ywy rehe har wà no, ukàzym putar tata pupe wà nehe no.

Amós 8:9

A'e 'ar mehe amuixe kar putar kwarahy wapyter pe hin mehe nehe. 'Ar romo ipytunahy putar nehe. Ihe Tupàn Tuweharupi Wiko Ma'e aze'eg teko ihe kury.

Mateus 24:29

Uze'eg wi Zezuz urewe. — A'e ma'erahy ipaw ire nehe, kwarahy uwew putar a'e nehe, zahy nuhyape kwaw a'e nehe no. Zahytata u'ar putar kwaw pà ywak wi a'e wà nehe no. Ma'e ywak rehe har uryryryryz putar a'e wà nehe no.

1 Tessalonicenses 5:2

Ma'e rehe imunar ma'e a'e, wixe amo hàpuz me pyhaw a'e, ma'e rehe imunar pà a'e. Nezewegatete Zanezar 'ar a'e nehe no, uhem putar wà a'e nehe, ur haw imume'u 'ym pà a'e nehe. Teko nukwaw kwaw tur àwàm a'e wà nehe.

Malaquias 4:5

A'e 'ar uhua'u ma'e iaiw ma'e ihem 'ym mehe we ihe Tupàn Tuweharupi Wiko Ma'e amono kar putar amo heze'eg imume'u har Eri her ma'e peme ihe nehe.

Joel 2:1

Pezupy pexi'àm ywytyr Xiàw her ma'e rehe nehe. Pehapukaz ywytyr Tupàn henaw rehe nehe. — Na'ikatuahy kwaw zanewe kury, peze nehe. Peryryryryz pekyze pà nehe, Zuta ywy rehe har wà. Ta'e uhem Tupàn Tuweharupi Wiko Ma'e 'ar wà iko a'e xe.

2 Pedro 3:7

Numumaw kwaw ywak ko 'ar rehe. Numumaw kwaw ywy ko 'ar rehe. — Amo 'ar mehe amumaw putar ihe wà nehe, i'i iko wanupe. — Amo 'ar mehe amume'u putar teko wanemiapo kwer ikatu 'ym ma'e ihe nehe. Azepyk putar ikatu 'ym ma'e iapo har wanehe nehe, tatahu pupe nehe, i'i iko wanupe.

Lucas 21:25

Uze'eg wiwi wanupe. — Teko ume'e putar kwarahy rehe zahy rehe zahytata rehe a'e wà nehe, wexak putar amo ae ma'e romo uzeapo mehe a'e wà nehe. — Kwa, uhem etea'i ywy iahykaw, i'i putar uzeupeupe wà nehe. Teko ywy rehe har uzemumikahy putar wà nehe, ukyze putar yryhu ànoànogaw wi wà nehe, 'y penopenogaw wi wà nehe no.

Marcos 13:24

Uze'eg wiwi Zezuz wemimu'e wanupe. — A'e 'ar mehe nehe, ma'erahyhu ipuraraw ire nehe, kwarahy ipytun putar a'e nehe. Zahy upytu'u putar uhyape re a'e nehe no.

Joel 3:14

Teko tetea'u ur putar ywyàpyznaw Zepykaw her ma'e pe wà nehe. A'e re amo ae teko ur putar a'e pe wà nehe no. Tupàn Tuweharupi Wiko Ma'e i'ar uhem etea'i. Ur putar ywyàpyznaw Zepykaw her ma'e pe nehe.

Apocalipse 16:8

Na'e amo Tupàn heko haw pe har uzakook ukawaw por oho kwarahy rehe kury. A'e rupi kwarahy heny kwer wapy teko a'e wà, ta'e hakuahy a'e xe.

Apocalipse 6:12

Na'e Àràpuhàràna'yr zàwenugar wexak kar amo pape pehegwer ihewe kury. 6 haw ma'erexak kar haw a'e pehegwer her romo a'e. Na'e ywy uryryryryz tuwe a'e kury. Kwarahy uwew a'e no. Ipytunahy pàn ipihun ma'e ài. Zahy ipiràg ma'eruwy kwer ài paw rupi a'e no.

1 Coríntios 5:5

pemono a'e awa Zurupari pe nehe. Tuwe Zurupari uzuka hetekwer nehe. A'e rupi Tupàn upyro putar hekwe Zanezar tur mehe nehe.

Mateus 27:45

Kwarahy wapytepe hin mehe. Na'e ipytunahy kury. Ywy rehe ipytunahy paw rupi kury. Ipytunahy te karuk etea'u mehe.

Jeremias 4:23

Na'e ame'e kury. Naheta kwaw ma'e iapo katu haw ywy rehe. Naheta kwaw wikuwe ma'e wà no. Naheta kwaw tatainy ywak rehe.

Isaías 34:8

A'e 'ar uzeapo putar Tupàn izepykaw 'ar mehe nehe. A'e 'ar mehe uzepyk putar Xiàw iàmàtyry'ymar wanehe wanemiapo kwer ikatu 'ym ma'e hekuzaromo nehe.

Isaías 24:23

Zahy upytu'u putar uhyape re nehe, ta'e imaranugar putar nehe xe. Kwarahy hakuir putar ukyze haw wi nehe, ta'e Tupàn Tuweharupi Wiko Ma'e Ikàg Wera'u Ma'e wiko putar tuwihawete Xiàw ywytyr rehe nehe xe, Zeruzarez tawhu pe nehe xe. Wemiaihu wanuwihaw wanenataromo wexak kar putar ukàgaw nehe. Wexak kar putar upuràg eteahy haw nehe no.

Isaías 13:15

Waàmàtyry'ymar zauxiapekwer upyhyk putar amo wà nehe, waàpixipixi pà kyhàhàmtàtà pupe wà nehe. Na'e zauxiapekwer uzuka putar a'e teko utakihepuku pupe wà nehe.

Isaías 13:9

Tupàn Tuweharupi Wiko Ma'e i'ar uhem wà iko a'e kury. Iaiw putar a'e 'ar ikwahy haw ipuruzukaiw ma'e herur har nehe. Umuaiw putar ko ywy nehe. Uzuka putar ikatu 'ym ma'e iapo har wà nehe.

Isaías 13:10

Zahytata paw upytu'u putar weny katu re wà nehe. Uhem ire na'arewahy kwarahy ipihun putar nehe. Zahy upytu'u weny katu re a'e nehe no.

Joel 2:31

Kwarahy upytu'u putar uhyape katu re nehe. Zahy uzexak kar putar tuwykwer ài nehe. A'e ma'e paw uzeapo putar nehe, Tupàn Tuweharupi Wiko Ma'e i'ar iaiw ma'e ihem 'ym mehe nehe, i'i Tupàn.

Atos 2:19

Azapo putar ma'e ywak rehe nehe, Teko wanupe hexak kar pà nehe, Wamupytuhegatu kar pà nehe. Azapo putar ma'e ywy rehe nehe no. A'e mehe teko ukwaw putar hekàgaw wà nehe no. Wexak putar tuwy kwer wà nehe, Wexak putar tata wà nehe no, Wexak putar tàtàxin tetea'u wà nehe no.

Atos 2:21

Aze uze'eg ihewe wà nehe, — Hepyro pe, hezar, Aze i'i ihewe wà nehe, Apyro putar wyzài teko a'e 'ar mehe ihe wà nehe, i'i Tupàn a'e, uze'eg imuapyk kar pà pape rehe a'e, Zuew pe a'e.