Atos 2:18 - Tupàn zeꞌeg

¹⁸ Amono kar putar tuwe herekwe Puràg a'e 'ar mehe nehe, heremiruze'eg wanupe nehe, awa kwer wanupe nehe, kuzàgwer wanupe nehe no. Umume'u putar heze'eg wà nehe no.

Atos 2:18 ပူးပေါင်းရင်းမြစ်များ

Lucas 12:45

Aze a'e uma'ereko ma'e i'i uzeupe nehe: Kwa, iàrew tuwe hezar tur àwàm a'e, aze i'i uzeupe nehe, aze uzypyrog amo uma'ereko ma'e wapetek pà nehe, aze upetek awa wà nehe, aze upetek te kuzà wà nehe no, aze umai'u tetea'u nehe, aze u'u win uka'u pà nehe, a'e mehe nuàro kwaw uzar tur àwàm nehe.

Atos 2:17

— Ko ywy ipawete mehe nehe, Amono kar putar herekwe Puràg purupe nehe, i'i Tupàn: — A'e rupi pena'yr a'e wà nehe, Penazyr a'e wà nehe no, Umume'u putar heze'eg a'e wà nehe, Kwàkwàmo pepyr har a'e wà nehe, wexak putar hexak pyr 'ym a'e wà nehe, Awa kwer tua'uhez ma'e pepyr har a'e wà nehe no, wexak putar ma'e upuahu pe a'e wà nehe no.

Atos 2:19

Azapo putar ma'e ywak rehe nehe, Teko wanupe hexak kar pà nehe, Wamupytuhegatu kar pà nehe. Azapo putar ma'e ywy rehe nehe no. A'e mehe teko ukwaw putar hekàgaw wà nehe no. Wexak putar tuwy kwer wà nehe, Wexak putar tata wà nehe no, Wexak putar tàtàxin tetea'u wà nehe no.

Atos 21:10

Urumumaw màràn 'ar a'e pe urereko pà. Na'e Akapo uhem wà a'e pe a'e, Zutez ywy wi ur pà a'e. Tupàn ze'eg imume'u har romo hekon a'e.

Gálatas 3:28

A'e rupi zutew wà, zutew 'ym wà no, amo pe uma'ereko e ma'e wà, uzeupe uma'ereko ma'e wà no, awa kwer wà, kuzàgwer wà no, aze uzeruzar Zaneruwihawete Zezuz rehe wà nehe, uzemono'og putar inuromo wà nehe. — Zutew ikatu wera'u zutew 'ym wanuwi a'e wà, ni'i kwaw Tupàn ko 'ar rehe kury, ta'e Zaneruwihawete rehe uzeruzar ma'e paw rupi a'e wà kury xe, uzuawygatu huwa rupi a'e wà kury xe. Paw rupi ikatu izupe wà kury.

Colossences 3:11

A'e rupi zutew wà, zutew 'ym wà no, upirera'i imonohok kar har wà, imonohok kar har 'ym wà no, karaiw wà, tenetehar wà no, àwà wà no, amo pe uma'ereko e ma'e wà, uzeupe uma'ereko ma'e wà no, a'e paw upuner oho haw rehe Tupàn pyr wà nehe, aze uzeruzar Zezuz Zaneruwihawete rehe wà nehe. Zaneruwihawete wiko putar wyzài teko wainuromo nehe. Wiko putar uzehe uzeruzar ma'e wainuromo paw rupi katete nehe.