Apocalipse 18:11 - Tupàn zeꞌeg

¹¹ Ma'e me'egar ko ywy rehe har paw rupi a'e wà nehe no, uzai'o putar hehe uzemumikahy pà a'e wà nehe no, ta'e naheta kwaw ma'e me'eg kar har a'e pe a'e wà nehe xe.

Apocalipse 18:11 ပူးပေါင်းရင်းမြစ်များ

Provérbios 3:14

Ma'e kwaw katu haw ikatu wera'u itaxig parat wi a'e. Hekuzar katu wera'u itazu or wi a'e no.

Isaías 13:19

— Ikatuahy Mawiron tawhu a'e, i'i a'e pe har wà. — Ipuràg eteahy zanereko haw a'e, i'i wà. Waneko haw uzeapo putar imumaw pyrer Xotom tawhu zàwenugar romo nehe, Komor tawhu zàwenugar romo nehe no: ta'e amumaw putar ihe wà nehe xe a'e tawhu wamumaw pawer zàwegatete ihe wà nehe.

Isaías 47:15

Nezewe haw uzeapo putar uzeapo ma'e ràm imume'u har pepyr har wanupe nehe. Izypy mehe arer we pepuranu wanehe. A'e paw oho putar pewi wà nehe. Pitàitàigatu oho putar wape rupi wà nehe, iapo pyràm hekar pà wà. Ni amo a'e teko nupuner kwaw pepyro haw rehe wà nehe.

Ezequiel 27:9

Awa Mirimo tawhu pe har wiko ywyrapinar a'e kanuhu pupe har romo wà. Amo umu'e katu a'e awa ywyrapinaw rehe wà. Kanuhu heruata har kanuhu yryhu rehe har nànànar ume'eg kar ma'e ime'egaw pe wà.

Sofonias 1:11

Pezai'o nehe, tawhu ywytyr ipy pe har wà. Ta'e ma'eme'egar paw umàno putar wà nehe xe.

Sofonias 1:18

A'e 'ar mehe aze heta parat teko wanupe nehe, aze heta or wanupe nehe, wanemetarer nupyro kwaw a'e teko Tupàn Tuweharupi Wiko Ma'e ikwahy haw wi wà nehe. Ikwahy haw nuzawy kwaw tata. Wapy ywy nànàn. Ukaz paw putar wà nehe. Ni amo nuhem kwaw izuwi wà nehe. Ta'e Tupàn umumaw putar teko ywy rehe har paw na'arewahy pitài 'ar mehe wà nehe xe.

Mateus 22:5

Henoz pyrer nuzekaiw kwaw waze'eg rehe wà. Amo uma'e wiwi uma'e oho wà. Amo ae oho oko pe wà. Amo ume'eg uma'e oho wà.

João 2:16

Uze'eg pykahu me'egar wanupe no. — Peraha pykahu xe wi nehe ty wà. — Peme'eg ma'e peiko xe. Heru hàpuzuhu nuzawy kwaw ma'e me'egaw peme. Pepytu'u ma'e ime'eg ire xe nehe, i'i wanupe.

2 Pedro 2:3

A'e awa a'e wà, iporomono'og wer temetarer tetea'u rehe a'e wà, a'e rupi umume'u putar wemu'emaw peme wà nehe, penemetarer ipyhyk pà pewi wà nehe. Umume'u putar wyzài ma'emume'u haw peme wà nehe, hemetarer katu ma'e romo uzemuigo kar pà wà nehe. Wanehe uzepyk ma'e ràm a'e, wanemiapo kwer ikatu 'ym ma'e imume'u àràm a'e, kwehe ume'e iko wanehe a'e. Nuker kwaw. Omono kar putar tuwe tatahu pe wà nehe.

Apocalipse 18:15

Na'e a'e ma'e me'egar a'e wà nehe, u'àm putar oho muitea'u taw wi a'e wà nehe, ta'e ukyze putar ma'erahy ipuraraw pyràm wi a'e wà nehe xe. Uzai'o putar uzemumikahy pà hehe wà nehe.

Apocalipse 18:20

Pe ywak rehe har pe, penurywete nehe, ta'e Tupàn uzepyk hehe kury xe. Pe Tupàn hemiruze'eg pe, penurywete nehe no. Pe Tupàn hemimono karer pe, penurywete nehe no. Pe Tupàn ze'eg imume'u har pe, penurywete nehe no. Ta'e Tupàn uzepyk tawhu rehe kury xe, ta'e kwehe mehe a'e taw pe har upuraraw kar ma'erahy peme a'e wà xe.

Apocalipse 18:23

Ni amo nuexak kwaw tatainy a'e pe wà nehe. Ni amo awa nuze'eg kwaw wemireko pe a'e pe wà nehe. Ma'e me'egar a'e pe har a'e wà, hemetarer katu wera'u amo taw pe har wanuwi a'e wà. Paze ma'e a'e pe har uzapo purumupytuhegatu kar haw ua'u teko ywy nànànar wanupe wemu'em pà a'e wà no, i'i ihewe.

Apocalipse 18:3

— Ta'e a'e kuzà omono wemi'u ukàwiahy teko nànàn a'e xe, i'u kar pà wanupe a'e xe, ikatu 'ym ma'e iapo kar pà wanupe a'e xe, i'i ihewe. — Tuwihaw ko ywy rehe har uzapo ma'e oho ipuhe a'e wà kury. Ma'e me'egar ko ywy rehe har hemetarer katu ma'e romo uzemuigo kar a'e wà no, ma'e tetea'u ime'eg pà izupe a'e wà no, i'i ihewe.

Apocalipse 18:9

Tuwihaw ko ywy rehe har a'e wà, ikatu 'ym ma'e a'e kuzà puhe iapo har a'e wà nehe, uhapukaz putar uzai'o pà taw ikaz mehe a'e wà nehe.