Apocalipse 18:10 - Tupàn zeꞌeg

¹⁰ U'àm putar oho muite izuwi wà nehe, ta'e ukyze putar izuwi wà nehe xe. Ikaz taw hexak mehe ma'erahy hemipuraraw hexak mehe oho putar izuwi wà nehe. — Az, Az, i'i putar izupe wà nehe. — Ne Mawiron tawhu ne, nekàg tuwe ne. Tàrityka'i Tupàn uzepyk nerehe a'e, i'i putar izupe wà nehe.

Apocalipse 18:10 ပူးပေါင်းရင်းမြစ်များ

Isaías 21:9

— Peme'egatu kury. Na pe ur kawaru ku'az har waiko mokomokogatu wà kury, i'i. A'e re uze'eg wi. — U'ar a'e. U'ar Mawiron a'e. Tupàn a'ua'u hagapaw uzekazeka ywy rehe wà kury, i'i.

Isaías 47:9

Pekwaw tekwe ikatu 'ym ma'e wanupe ma'e henoz taw. Pekwaw ikatu 'ym ma'e iapo kar haw wanupe. Akwaw penemigwaw ihe. Nezewe rehe we pezemumaw putar nehe. Na'arewahy, pitài 'ar mehe, peiko putar kuzà imen umàno ma'e kwer ài nehe. Pena'yr umàno putar wà nehe no.

Jeremias 30:7

Amo 'ar iaiw ma'e uhem iko kury. Ni amo 'ar nahexakaw kwaw a'e 'ar ài a'e. Zako izuapyapyr upuraraw putar ma'erahy a'e 'ar mehe wà nehe. Nezewe rehe we apyro putar a'e 'ar wi ihe wà nehe.

Ezequiel 32:9

Urumumaw putar nehe. Amuhàmuhàz putar ko ze'eg ywy nànàn nehe. Te ywy neremigwaw 'ym nànàn nehe. — Màràzàwe tuwen aipo pa, i'i putar ywy tetea'u wanehe har wà nehe.

Joel 1:15

Kwa. Tupàn Tuweharupi Wiko Ma'e i'ar uhem wà iko. A'e 'ar mehe Tupàn Ikàg Wera'u Ma'e werur putar ma'emumaw haw nehe. Teko ukyze katu putar a'e 'ar mehe nehe.

Amós 5:16

Tupàn Tuweharupi Wiko Ma'e Zanezar ikàg wera'u ma'e uze'eg nezewe. — Teko heiheihem putar wahy haw rehe tawhu nànàn wà nehe. Pe tawhu myter pe har tynehem putar teko uzai'o ma'e pupe wà nehe. Wenoz putar ko pe uma'ereko ma'e wà nehe. Umuzai'o kar putar umàno ma'e kwer wanehe wà nehe. Omono putar temetarer amo wanupe wà nehe no, umàno ma'e kwer wanehe wazai'o haw imekuzar pà wà nehe no.

Números 16:34

Wanehapukaz haw henu mehe Izaew a'e pe wiko ma'e uzàn oho a'e wi uhapukaz pà wà. Ywy zanemukun putar a'e nehe no, i'i wà.

Apocalipse 11:8

Wanetekwer umàno ma'e kwer upyta putar taw mytepe wà nehe, (Zezuz Zanezar zuka awer pe wà nehe). Namume'u kwaw tawhu herete peme kury. Amo ae her ua'u heta a'e pe kury. Xotom her romo a'e, Ezit amo her romo no. Namume'u kwaw herete peme.

Apocalipse 14:8

Amo Tupàn heko haw pe har oho haikweromo no, uze'eg pà no. — Mawiron tawhu upaw a'e kury, i'i oho iko. — A'e pe har a'e wà, tuweharupi uzapo kar ikatu 'ym ma'e amo teko wanupe a'e wà, amo ae taw pe har wanupe a'e wà, i'i oho iko.

Apocalipse 16:19

Tawhu uzepei'àg na'iruz ipehegwer romo a'e kury. Amogwer taw amogwer ywy rehe har paw uzemumaw a'e wà. Tupàn ima'enukwaw Mawiron tawhu rehe. Uzepyk tuwe hehe kury.

Apocalipse 17:12

— A'e 10 i'ak neremixak kwer a'e wà, 10 tuwihaw romo wanekon a'e wà. Nuzypyrog kwaw upureruze'eg pà a'e wà. Àzàguhu omono putar ukàgaw a'e tuwihaw wanupe a'e nehe. Pitàitàigatu upureruze'eg putar àzàguhu huwake a'e wà nehe. Umumaw putar pitài 'ar upureruze'eg pà wà nehe, i'i ihewe.

Apocalipse 18:19

A'e teko tawhu rehe ume'e ma'e a'e wà, omono ywy iku'i kwer wàkàg rehe uzai'o pà uzemumikahy pà wà. — Az, Az, tawhu, i'i izupe wà. — Kanuhu imuata kar har paw hemetarer katu ma'e romo uzemuigo kar a'e wà, ma'e ime'eg pà a'e tawhu pe har wanupe a'e wà, i'i izupe wà. Tàrityka'i a'e ma'e paw uhem izuwi wà kury. Ikàzymaw umumaw xo pitài 'ar zo a'e, i'i izupe wà.

Apocalipse 18:21

Na'e Tupàn heko haw pe har ikàg ma'e a'e kury, upyhyk itahu hupir pà a'e kury. Weityk heraha yryhu pupe. — Nezewegatete aityk putar Mawiron tawhu imugwaw pà ihe nehe, i'i ihewe. — A'e mehe ni amo nuexak wi pixik kwaw tawhu a'e wà nehe, i'i ihewe.

Apocalipse 18:8

A'e rupi amo 'ar mehe ma'erahy u'ar putar tàrityka'i hehe a'e nehe. Ma'eahy haw uhem putar izupe nehe no. Uzemumikahy putar nehe no. Ima'uhez putar nehe no. Tupàn umunyk putar tata hehe nehe, ta'e Tupàn Zanezar a'e xe, a'e kuzà hemiapo kwer ikwaw par a'e xe, ikàg wera'u teko paw wanuwi a'e xe, i'i ihewe.