Apocalipse 14:19 - Tupàn zeꞌeg

¹⁹ A'e rupi werupuzaz utakiheapar ywy reheahy imono pà kury, ma'ywa imonohok pà kury. Weityk iàmi haw pupe kury. Tupàn ikwahy haw nuzawy kwaw ma'ywa iàmi haw a'e. Teko nuzawy kwaw ma'ywa a'e wà. Iàmi haw uzàmi ma'ywa. Nezewegatete Tupàn uzepyk putar teko wanehe a'e nehe.

Apocalipse 14:19 ပူးပေါင်းရင်းမြစ်များ

Isaías 63:2

— Màràzàwe tuwe neropoz ipiràg a'e. Nuzawy kwaw uwà rehe win iapo pà upyropyrog ma'e wanopoz a'e.

Joel 3:13

A'e ywy rehe har uzapo ikatu 'ym ma'e tetea'u a'e wà. A'e rupi amonohok kar putar ihe wà nehe. Teko omonohok arozràn xirik ipo'o haw 'ar mehe wà. Nezewegatete amonohok putar a'e teko ihe wà nehe no. Teko upyropyrog uwà rehe zapepohu pupe itykwer imuy'e pà izuwi wà. Nezewegatete amupyropyrog kar putar a'e teko ihe wà nehe no, i'i Tupàn.

Apocalipse 14:18

Na'e amo Tupàn heko haw pe har a'e no, ur ma'ea'yr zuka haw wi a'e kury. (Tata rehe uzekaiw ma'e romo hekon a'e.) Uhapukaz takiheapar hereko har pe kury. — Ma'ywa ywy rehe har tyàro kury. Emonohok eho netakihe pupe nehe ty, i'i izupe uhapukaz pà.