Amós 9:5 - Tupàn zeꞌeg

⁵ Tupàn Tuweharupi Wiko Ma'e Zanezar ikàg wera'u ma'e opokok ywy rehe. Ywy uryryryryz ipokok mehe. Ywy rehe har paw uzai'o uzemumikahy haw rehe wà. Uzeupir ywy. Wezyw no. Nuzawy kwaw 'y penopenogaw Niru yrykaw pe har.

Amós 9:5 ပူးပေါင်းရင်းမြစ်များ

Salmos 104:32

Tupàn Tuweharupi Wiko Ma'e ume'e ywy rehe. Ywy uryryryryz a'e. Opokok ywytyr wanehe. Uhem tàtàxiner wanuwi.

Salmos 144:5

O Tuweharupi Wiko Ma'e, ewàpytymawok ywak newezyw pà nehe. Epokok ywytyruhu wanehe nehe. A'e mehe ywàtàxiner uhem putar wanuwi nehe.

Salmos 32:6

Nezewe mehe, tuwe neamutar katu har paw uze'eg newe wà nehe, Ma'erahy ipuraraw mehe wà nehe. Nezewe mehe, ma'erahyhu ykotok ài tur mehe nehe, Nuhem kwaw a'e teko wanupe nehe.

Salmos 46:6

Amo ae ywy rehe har ukyze tuwe wà. Tuwihawete wanemiaihu uzemumaw wà. Wànoànog Tupàn, ywy upaw no.

Salmos 97:5

Ywytyr typyràn iraity ài Tupàn Tuweharupi Wiko Ma'e henataromo wà, Ywy paw izar henataromo wà.

Isaías 64:1

Aze mo eremu'i ywak, aze mo erewezyw, ikatuahy mo urewe. Aze mo eremuryryryryz kar ywytyruhu nerenataromo, ikatu mo urewe.

Jeremias 12:4

Màràn 'ar ureywy upyta typaw haw romo nehe. Màràn zahy ka'api'i umumaw putar uxinig pà urereimaw wanuwi nehe. Ma'ea'yr a'e wà, wiràmiri a'e wà no, umàno oho waiko wà. Ta'e ko ywy rehe har uzapo ikatu 'ym ma'e waiko wà xe. — Tupàn nuexak kwaw wanemiapo a'e, i'i uzeupeupe wà, a'e Tupàn pe.

Oséias 4:3

A'e rupi uxinig putar ywy nehe. A'e rupi a'e ywy rehe har paw umàno putar wà nehe. Ma'ea'yr umàno putar wà nehe. Wiràmiri umàno putar wà nehe no. Pira umàno putar wà nehe no.

Amós 8:8

A'e rupi ywy uryryryryz putar nehe. Ywy rehe har paw uzai'o putar uzemumikahy haw rehe wà. Ywy uzeupir putar nehe. A'e re wezyw putar nehe. Nuzawy kwaw 'y penopenogaw yrykaw Niru rehe har.

Naum 1:5

Ywytyruhu uryryryryz henataromo wà. Ywytyra'i uzekazeka wà. Izexak kar mehe ywy a'e, hehe har paw a'e wà no, uryryryryz a'e wà no.

Naum 1:6

Tupàn Tuweharupi Wiko Ma'e ikwahy mehe, ni amo nupuner kwaw upu'àmaw rehe wà. Mo upuner ikwahy haw ipuraraw paw rehe wà. Ikwahy haw uwyryk oho iko tata yrykawhu romo uzeapo ma'e kwer ài. Henataromo itahu uzekazeka wà.

Habacuque 3:10

Ywytyruhu nerexak wà. Na'e uryryryryz wà. U'ar amo 'y tyapu ma'e ywak wi. 'Y ywy iwype har okororo wà. 'Ykotok aiha katu ma'e upu'àm wà.

Mateus 7:27

Ukyr tuwe àmàn tetea'u. Tyhu yrykaw. Ywytuaiw oho hàpuz rehe heityk pà kury. Wànoànog tàpuz u'ar mehe, ta'e uhua'u a'e xe. Nezewegatete heze'eg heruzar 'ymar a'e wà nehe no, oho putar tatahu pe a'e wà nehe no.

Apocalipse 20:11

Na'e aexak tuwihaw henaw uhua'u ma'e xig ma'e ihe kury. Aexak hehe wapyk ma'e ihe no. Na'e ywy a'e, ywak a'e no, ukàzym oho a'e wi izuwi a'e wà. Ni amo nuexak pixik kwaw waho haw wà. Ni amo nuexak kwaw a'e re wà.