Amós 9:11 - Tupàn zeꞌeg

¹¹ Tupàn Tuweharupi Wiko Ma'e uze'eg nezewe kury. — A'e 'ar mehe azapo wi putar Tawi tuwihawete romo heko haw ihe nehe. Nuzawy kwaw tàpuz u'ar ma'e kwer. Awàpytym putar ixorok awer ipàrirogaw aiha ma'e rehe ihe nehe. Azapo wi putar a'e tàpuz u'ar ma'e kwer nehe. Kwehe mehe ikatu tàpuz. Ikatu wi putar kwehe arer zàwegatete nehe.

Amós 9:11 ပူးပေါင်းရင်းမြစ်များ

Jó 1:10

Nerezapo pixik kar kwaw ikatu 'ym ma'e izupe, iànàm wanupe, ima'e pe. Eremono neze'egatu hemiapo nànàn. A'e ywy rehe a'e wereko tapi'ak tetea'u wera'u amo wanuwi upaw rupi a'e wà.

Salmos 143:5

'Ar upaw ma'e kwer wanehe hema'enukwaw. Hema'enukwaw neremiapo kwer paw wanehe. Nahereharaz kwaw neremiapo kwer wanuwi.

Salmos 80:12

Màràzàwe tuwe ereityk pari i'yw izywyr har. Ko 'ar rehe pe rupi wata ma'e upuner uwà rehe imunar haw rehe wà kury.

Salmos 89:40

Ereityk pàrirogawhu tawhu neremimonokatu kwer izywyr har. Erezuhazuhaw tàpuztàtà a'e pe har wà no.

Isaías 16:5

A'e 'ar mehe amo Tawi izuapyr wiko putar tuwihawete romo a'e nehe. Upureruze'eg putar wemiaihu wanuwi utyryk 'ym pà nehe. Weruze'eg putar teko ukatu haw rupi nehe. Uzeagaw putar tuwe ikatu ma'e iapo pà nehe.

Isaías 5:5

Amume'u putar heremitygwer uwà tyw pe heremiapo ràm ihe kury. — Azo'ok putar pari a'e wi nehe. Aityk putar pàrirogaw imunar ma'e wamunyryk kar haw nehe no. Amuixe kar putar ma'ea'yr heko pe wà nehe. Amumaw kar putar uwà rupaw nehe.

Isaías 58:12

Zauxiapekwer weityk tawhu tetea'u kwehe mehe wà. Pezapo wi putar a'e tawhu wawy pe har wa'aromo pe wà nehe, waneityk awer rehe pe wà nehe. — Teko pàrirogaw hupir wi har a'e wà, i'i putar teko peme wà nehe. — Tàpuz heityk pyrer iapo wi har a'e wà, i'i putar peme wà nehe no.

Isaías 63:11

Na'e ima'enukwaw weko awer rehe wà. Ima'enukwaw Moizez Tupàn hemiruze'eg kwehe arer rehe wà no. A'e rupi upuranu uzehezehe wà. — Ma'e pe hekon Tupàn Tuweharupi Wiko Ma'e a'e. Kwehe mehe upyro wemiaihu yryhu wi a'e wà. Nuzawy kwaw àràpuhàràn wamono'ogar wanupe a'e. Upyro wà. Moizez nuzawy kwaw wanehe uzekaiw ma'e a'e. Ma'e pe hekon Wekwe Moizez pe imono arer a'e.

Isaías 65:9

Amono putar wazuapyapyr tetea'u Zako izuapyapyr wanupe ihe wà nehe, Zuta izuapyapyr wanupe ihe wà nehe no. Amuigo kar putar a'e teko heywy izar romo ihe wà nehe no. Teko heremixamixak kwer wiko putar Ywy Heremimume'u kwer izar romo wà nehe. Wiko putar hehe tuweharupi wà nehe.

Jeremias 18:9

— Azapo putar amo teko amo ywy rehe har ihe wà nehe, apuner he'e haw rehe nehe. — Amuigo kar putar amo awa amo teko wanuwihawete romo ihe nehe, apuner he'e haw rehe nehe.

Jeremias 30:9

Wiko putar heremiruze'eg romo wà nehe. Aiko Tupàn Tuweharupi Wiko Ma'e romo ihe wazar romo ihe. Wiko putar Tawi izuapyr hemiruze'eg romo wà nehe no. Amono putar a'e awa heremiaihu wanupe wanuwihawete romo ihe nehe.

Jeremias 46:26

Mawiron wanuwihawete Namukononozor a'e, hemiruze'eg zauxiapekwer a'e wà no, ipuruzuka wer wanehe a'e wà. Amono putar wanupe ihe wà nehe. Nezewe rehe we amo 'ar pawire teko wiko putar Ezit ywy rehe wà nehe. Ihe Tupàn Tuweharupi Wiko Ma'e aze'eg kwez kury.

Lamentações de Jeremias 5:21

Uremuzewyr kar pe newe nehe, o Tupàn Tuweharupi Wiko Ma'e. Azeharomoete, uremuzewyr kar nehe. Ezapo urereko àwàm urereko awer zàwe nehe.

Ezequiel 17:24

Ywyra kaiwer pe har paw ukwaw putar Tupàn Tuweharupi Wiko Ma'e romo herekuwe haw wà nehe. Aeityk ywyra aiha ma'e ihe. Amutua'u kar ywyra pixika'i ma'e no. Amuxinig kar ywyra ikyr katu ma'e. Amukyr katu wi ywyra uxinig ma'e kwer no. Ihe Tupàn Tuweharupi Wiko Ma'e aze'eg kwez kury. Azapo putar heremimume'u kwer nehe no.

Ezequiel 36:11

Amueta tetea'u kar putar teko xe ihe wà nehe. Amueta tetea'u kar putar tapi'ak xe ihe wà nehe no. Peneta wera'u putar nehe. Pena'yr tetea'u putar nehe no. Amuigo kar wi putar a'e pe wà nehe. Penemetarer katu wera'u putar nehe no. Nezewe mehe pekwaw putar Tupàn Tuweharupi Wiko Ma'e romo herekuwe haw nehe.

Oséias 3:5

Amo 'ar uhem putar nehe. A'e 'ar mehe teko Izaew uzewyr putar Tupàn Tuweharupi Wiko Ma'e uzar pe wà nehe. Umuwete katu wi putar wà nehe. Amo tuwihawete Tawi zuapyr wiko putar wanuwihawete romo nehe. A'e 'ar mehe umuwete katu putar Tupàn Tuweharupi Wiko Ma'e ukyze haw rupi wà nehe. A'e ae umur putar uze'egatu tetea'u wanupe nehe no.

Obadias 1:17

Uze'eg Tupàn Tuweharupi Wiko Ma'e kury. — Ywytyr Xiàw ihewe imonokatu pyrer rehe amo teko uzepyro putar wà nehe. Teko Izaew ywy rehe har upyhyk wi putar ywy heremimono kwer wà nehe.

Miquéias 5:2

Tupàn Tuweharupi Wiko Ma'e uze'eg kury. — Merez-Eparat, taw Zuta ywy rehe har pixika'i wera'i ma'e romo ereiko ne. Nemyter pe Izaew wanuwihawete ràm uzexak kar putar nehe. Kwehe mehe iànàm waipy uzypyrog a'e taw pupe wiko pà wà.

Miquéias 7:11

Teko Zeruzarez pe har wà. Uhem tawhu pàrirogaw iapo katu wi haw 'ar iko kury. Uhem zaneiwy zaw imunyrykaw 'ar iko no. Ximuhua'u wera'u zaneiwy nehe kury.

Miquéias 7:14

O Tupàn, ereiko àràpuhàràn wanehe uzekaiw ma'e ài urewe ne. Ezekaiw katu urerehe nehe. Ta'e uruiko àràpuhàràn ài newe ure xe. Ta'e ure zutyka'i uruiko ka'a pupe ure xe. Heta tetea'u ywy ikatu ma'e ureiwy izywyr. Kwehe mehe urereraha pe ka'api'i ikatu ma'e Màxà pe har pe ne, Zireaz pe har pe ne no. Urereraha wi pe a'e pe nehe no.

Miquéias 7:8

Pe ureàmàtyry'ymar pe. Peze'eg urywahyahy zo urerehe nehe. Uru'ar azeharomoete. Urupu'àm wi putar nehe. Ko 'ar rehe uruiko pytunaw pe. Tupàn Tuweharupi Wiko Ma'e wiko putar tatainy zàwenugar romo urewe nehe.

Zacarias 12:7

— Ihe Tupàn Tuweharupi Wiko Ma'e amono putar waàmàtyry'ymar waneityk àwàm ràgypy zauxiapekwer Zuta rehe har wanupe ihe nehe. Nezewe mehe Tawi izuapyapyr wamuwete haw Zeruzarez pe har wamuwete haw na'uhua'u wera'u kwaw amogwer Zuta rehe har wamuwete haw wi nehe.

Zacarias 14:10

Ko ywy paw uzeapo putar ywytyr heta 'ymaw romo nehe. Uzypyrog putar Zema kwarahy heixe haw awyze har kutyr har pe nehe. Oho putar Himon Zeruzarez huwake har pe kwarahy ihemaw awyze har kutyr har pe nehe. Zeruzarez uzeapo putar tawhu aiha katu wera'u ma'e romo ko ywy rehe har nehe. Heta putar teko a'e pe wiko ma'e wà nehe. Ukenawhu Mezàmi her ma'e heta putar wà nehe. Te Ukenawhu Izekanaw her ma'e heta putar wà nehe no. Kwehe mehe — Ukenawhu Kwehe Arer, i'i teko izupe wà. Heta putar teko tàpuzaiha Ananew her ma'e a'e pe wà. Te heta putar teko tuwihawete win iapo haw pe wà no.

Zacarias 6:12

— Tupàn Ikàg Wera'u Ma'e umume'u ko ma'e iko kury. — Awa Hàkà Ipyahu Ma'e her ma'e heta hapo. Hezuz wi putar ma'e'yw imonohok pyrer ài nehe. Uzapo wi putar Tupàn Tuweharupi Wiko Ma'e hàpuzuhu nehe.

Números 24:18

Weityk putar Izaew waàmàtyry'ymar Enom izuapyapyr wà nehe. Upyhyk putar waiwy wà nehe. Wiko putar waiwy izar romo wà nehe no. Teko Izaew izuapyapyr wexak kar putar ukàgaw wà nehe.