Amós 5:7 - Tupàn zeꞌeg

⁷ Napepurereko katu kwaw. Ikatu 'ym ma'e pezapo teko wanupe. A'e rupi waneko haw iro wanupe. Aze heta amo teko wanemetarer pepo pe, napemono kwaw a'e teko wanupe. Pepyhyk wama'e wanuwi no. Nuzeruze'eg kwaw amo waneko haw rehe, a'e rupi peneko haw iro wanupe.

Amós 5:7 ပူးပေါင်းရင်းမြစ်များ

Salmos 125:5

Ikatu 'ym ma'e wanehe nezepyk mehe nehe, Ezepyk nerape wi utyryk ma'e kwer wanehe nehe no. Tuwe zeàmàtyry'ym 'ymaw tuz teko Izaew wanehe nehe.

Salmos 36:3

Ize'egaw na'ikatu kwaw a'e. Tynehem temu'emaw pupe. Nukwaw katu kwaw ma'e a'e. Na'ipurapo wer kwaw ikatu ma'e rehe.

Provérbios 21:7

Wapuruzuka haw umumaw ikatu 'ym ma'e wà. Ta'e hekyty'ym ikatu ma'e iapo pà wà xe.

Isaías 1:23

Tuwihaw wiko iaiw ma'e romo wà. Uzemuryparypar ma'e rehe imunar ma'e wanehe we wà. Tuweharupi teko omono temetarer a'e tuwihaw wanupe wà. Omono ma'e wanupe wà no. Nezewe mehe tuwihaw numume'u kwaw a'e teko wanehe uzepyk àwàm wà. Nuzekaiw kwaw tu 'ym ma'e wanehe wà. Na'ima'enukwaw kwaw kuzà imen umàno ma'e kwer ma'erahy wanemipuraraw rehe wà.

Isaías 10:1

Amo tuwihaw uzapo kar ikatu 'ym ma'e teko wanupe wà. Tupàn uzepyk putar wanehe nehe. Pemunar teko wama'e rehe ta'e peiko wanuwihaw romo pe xe.

Isaías 46:12

Teko Tupàn heruzar 'ymar wà, pezeapyaka katu xe nehe. — Urepyro àwàm iàrew putar nehe, peze peiko.

Isaías 5:20

— Na'ikatu kwaw a'e, aze amo i'i ikatu ma'e rehe nehe, Tupàn uzepyk putar hehe nehe. — Ikatu a'e, aze amo i'i ikatu 'ym ma'e rehe nehe, Tupàn uzepyk putar hehe nehe no. Agwer teko uzapo tatainy ipytunahy haw romo wà, uzapo ipytunahy haw tatainy romo wà no. Uzapo iro ma'e hete katu ma'e romo wà, uzapo hete katu ma'e iro ma'e romo wà no.

Isaías 5:7

Tupàn Tuweharupi Wiko Ma'e Ikàg Wera'u Ma'e iko uwà tyw izar ài, uwà Tupàn hemimutar a'e, wiko Izaew romo teko Zuta ywy rehe har romo a'e. Tupàn weruzar kar uze'eg wanupe. Nuweruzar kwaw wà. Iaiw ma'e uzapo upuruzuka pà wà. Wàro ikatu ma'e wanemiapo, nuexak kwaw. Xo umàno etea'i ma'e wanehapukaz taw zo wenu a'e. — Urepytywà pe nehe, i'i wà.

Ezequiel 18:24

Aze awa ikatu ma'e upytu'u ikatu ma'e iapo re nehe, Aze uzypyrog ikatu 'ym ma'e purumumaranugar kar ma'e paw iapo pà nehe, amogwer awa ikatu 'ym ma'e wazàwe nehe, aipo wiko wiwi putar nehe. Nan. Nahema'enukwaw kwaw hemiapo kwer ikatu ma'e rehe nehe. Umàno putar hereruzar 'ym awer hekuzaromo nehe, wemiapo kwer ikatu 'ym ma'e hekuzaromo nehe.

Ezequiel 3:20

Aze amo awa ikatu ma'e uzypyrog ikatu 'ym ma'e iapo pà nehe, aze amono kar a'e awa umàno àwàm huwake nehe, umàno putar a'e nehe, aze neremume'u kwaw a'e ma'e izupe nehe, umàno putar wemiapo kwer ikatu 'ym ma'e hekuzaromo a'e nehe. Nahema'enukwaw kwaw hemiapo kwer ikatu ma'e rehe ihe nehe. Ereiko putar izuka har zàwenugar romo nehe.

Ezequiel 33:18

Aze awa ikatu ma'e upytu'u ikatu ma'e iapo re nehe, aze uzypyrog ikatu 'ym ma'e iapo pà nehe, umàno putar a'e ma'e hekuzaromo nehe.

Oséias 10:4

Hemu'em wà. Numume'u kwaw ze'eg azeharomoete har wà. — Xo ze'eg azeharomoete har amume'u putar ihe nehe kury, i'i mua'u upaw rupi wà. Upaw rupi uzapokatu uze'egaw wà. Na'e, — Nazapo kwaw a'e ma'e heremimume'u kwer nehe, i'i wà. Aze — Ikatu ma'e, i'i amo ma'e pe wà nehe, a'e ma'e nuzawy kwaw ka'a puruzuka ma'e ma'etymaw pe arozràn inuinuromo hezuz ma'e a'e.

Amós 2:3

Azuka kar putar Moaw wanuwihawete nehe. Azuka kar putar amogwer tuwihaw wà nehe no. Ihe Tupàn Tuweharupi Wiko Ma'e amume'u ko ma'e kwez ihe kury.

Amós 3:10

Nezewe i'i Tupàn Tuweharupi Wiko Ma'e kury. — Teko Xamari tawhu pe har nukwaw kwaw ma'e iapo haw umunar 'ym pà wà. Imunar ma'e tetea'u rehe wà. Wàpuzuhu umynehem a'e ma'e pupe wà.

Amós 6:12

Aipo kawaru upuner itahu 'aromo uzànaw rehe wà. Nan. Aipo mokoz tapi'ak upuner ywy heruwakaw imuàzànaw rehe yryhu pupe wà. Nupuner kwaw wà. Nezewe rehe we — Puruzuka haw, peze ma'e rehe imunar 'ymaw rehe. — Purereko katu 'ymaw, peze purereko katu haw pe.

Miquéias 3:9

Peinu katu nehe Izaew wanuwihaw wà. Izaew waneruze'egar wà. Napeakatuwawahy kwaw ikatu ma'e rehe. Penemu'em teko wama'e ipyhyk e pà wanuwi.

Habacuque 1:4

A'e rupi ni amo teko nuweruzar kwaw neze'eg wà. Ikatu haw nuweityk pixik kwaw ikatu 'ymaw. Ikatu 'ym ma'e ikàg wera'u ikatu ma'e wanuwi wà. Umuaiw ikatu haw wà.

Sofonias 1:6

Amumaw putar ihewi utyryk ma'e kwer paw wà nehe. A'e teko nuekar kwaw hepurupytywà haw wà. Na'ipureruzar wer kwaw heze'eg rehe wà no, i'i Tupàn.

Deuteronômio 29:18

Pe nehe, awa, kuzà, uzeànàànàm ma'e wà, Izaew ta'yr izuapyapyr wà. Tuwe ni amo nuityk kwaw Tupàn Tuweharupi Wiko Ma'e Zanezar tupàn a'ua'u a'e ywy rehe har wazar wamuwete pà wà nehe. Nezewe penemiapo nuzawy kwaw ma'eà'yz. Hezuz a'e. I'a no. I'a kwer iro. Upuruzuka no.