Amós 5:18 - Tupàn zeꞌeg

¹⁸ Tupàn Tuweharupi Wiko Ma'e i'ar tur àwàm iputar har uzemumikahy putar wà nehe. Màràzàwe tuwe peputar i'ar tur àwàm. Ipytun putar a'e 'ar mehe nehe. Kwarahy nuhyape kwaw a'e 'ar mehe nehe.

Amós 5:18 ပူးပေါင်းရင်းမြစ်များ

Isaías 13:6

Pezai'o nehe. Pehapukaz nehe. Ta'e Tupàn Tuweharupi Wiko Ma'e i'ar uhem iko kury xe. Purumumaw pàwàm pureityk àwàm Tupàn Ikàg Wera'u Ma'e hemimur kar a'e, namuite kwaw a'e.

Isaías 24:18

Uzemi'ikar ma'e wanuwi uhem ma'e kwer u'ar putar ywykwar pupe nehe. Ywykwar wi uhem ma'e kwer uzepyhyk kar putar miar izepyhykaw zàwenugar pupe nehe. Ukyr etea'u putar àmàn nehe. Nuzawy kwaw ypaw wanehe izakookaw nehe. Uryryryryz putar ywy uwy pe har rehe nehe no.

Isaías 5:19

Uze'eg nezewe wà. — Tuwe Tupàn uzapo wemiapo ràm na'arewahy nehe. Nezewe mehe xikwaw putar hemiapo ràm nehe. Tuwe Tupàn Izaew Wazar Ikatuahy Ma'e uzapo wemiapo putar haw nehe. A'e rupi xikwaw putar nehe, i'i wà.

Isaías 5:30

A'e 'ar ihem mehe a'e teko wànoànog putar yryhu ài Izaew wanehe ipuràmàtyry'ym wer pà wà nehe. Aze amo ume'e ywy rehe wà nehe, xo ipytunahy haw zo wexak putar wà nehe. Wexak putar zemumikahy haw wà nehe. Wexak putar ywàkun ipihun ma'e tatainy ipykaw wà nehe.

Isaías 58:2

Azeharomoete hemuwete katu tuweharupi a'e wà. — Urepurukwaw wer neremiapo putar haw rehe ure, i'i ihewe wà. Uze'eg waiko teko ikatu ma'e iapo har ài wà, heze'eg ihaw 'ymar ài wà. — Emur neze'eg ikatu ma'e urewe nehe, i'i ihewe wà. Ipurumuwete wer herehe tuweharupi wà, i'i Tupàn.

Isaías 8:22

A'e re ume'e putar ywy rehe wà nehe no. Xo ma'erahy ipuraraw paw zo wexak putar wà nehe. Xo ipytunahy haw zo wexak putar wà nehe. Xo zemumikahy haw zo wexak putar wà nehe. Nupuner kwaw a'e iaiw paw wi uhemaw rehe wà nehe.

Isaías 9:19

Tupàn Tuweharupi Wiko Ma'e Ikàg Wera'u Ma'e wikwahy a'e kury. A'e rupi umumaw a'e ywy hereko tata pupe imunykaw ài. Umumaw teko wanereko zepe'aw tata rehe heityk pyr zàwe wà. Ni amo nupuhareko kwaw amogwer wà.

Jeremias 13:16

Pemume'u penemiapo kwer ikatu 'ym ma'e Tupàn Tuweharupi Wiko Ma'e pezar pe nehe, pytunahy haw imur 'ym mehe we nehe. Aze ipytunahy nehe, pezepyapi putar ywytyruhu rehe nehe. Peàro tatainy peiko. Nezewe rehe we uzapo putar tatainy ma'e'àgaw ipytun ma'e romo nehe. Uzapo putar ipytunahy haw romo nehe.

Jeremias 17:15

Amogwer uze'eg nezewe ihewe wà. — Tupàn Tuweharupi Wiko Ma'e umume'u ikatu 'ym ma'e urewe wemiapo ràm a'e. Màràzàwe tuwe nuzapo kwaw. Tuwe uzapo na'arewahy nehe kury, i'i wà.

Jeremias 30:7

Amo 'ar iaiw ma'e uhem iko kury. Ni amo 'ar nahexakaw kwaw a'e 'ar ài a'e. Zako izuapyapyr upuraraw putar ma'erahy a'e 'ar mehe wà nehe. Nezewe rehe we apyro putar a'e 'ar wi ihe wà nehe.

Ezequiel 12:22

— Awa ta'yr, màràzàwe tuwe Izaew umume'u ko ze'eg xirogatu ma'e wà. — 'Ar upaw oho waiko a'e wà. Amo umume'u uzeapo ma'e ràm wà. Nuzeapo kwaw ma'e waze'eg rupi, i'i teko wà.

Ezequiel 12:27

— Awa ta'yr, — Ezekiew hemixak nuzeapo kwaw ko 'ar rehe nehe, i'i teko Izaew wà. — Hemimume'u uzeapo putar amo 'ar kwehe har a'e nehe, i'i wà.

Joel 1:15

Kwa. Tupàn Tuweharupi Wiko Ma'e i'ar uhem wà iko. A'e 'ar mehe Tupàn Ikàg Wera'u Ma'e werur putar ma'emumaw haw nehe. Teko ukyze katu putar a'e 'ar mehe nehe.

Joel 2:10

Wata oho waiko upytu'u 'ym pà wà. Ywy uryryryryz iko a'e. Ywak uryryryryz iko a'e no. Kwarahy upytu'u uhyape katu re. Zahy upytu'u uhyape katu re. Zahytata upytu'u uhyape katu re wà no.

Joel 2:11

Tupàn Tuweharupi Wiko Ma'e uze'egahy wahyhaw rupi wemiruze'eg zauxiapekwer wanupe kury. Umume'u katu wanemiapo ràm wanupe. Heta tetea'u zauxiapekwer wà. Nukyze kwaw ma'e wi wà. Iaiw tuwe Tupàn Tuweharupi Wiko Ma'e i'ar a'e. Ni amo nupuner kwaw hehe wà nehe.

Joel 2:31

Kwarahy upytu'u putar uhyape katu re nehe. Zahy uzexak kar putar tuwykwer ài nehe. A'e ma'e paw uzeapo putar nehe, Tupàn Tuweharupi Wiko Ma'e i'ar iaiw ma'e ihem 'ym mehe nehe, i'i Tupàn.

Obadias 1:15

Nezewe uze'eg Tupàn Tuweharupi Wiko Ma'e. — Amo 'ar mehe amume'u putar teko paw wanemiapo kwer ihe nehe. Azepyk putar ikatu 'ym ma'e wanehe nehe. A'e 'ar uhem etea'i. Pe Enom izuapyapyr wà. Pemekuzar putar iaiw ma'e penemiapo kwer nehe. Pezapo iaiw ma'e amo wanupe. A'e rupi amo teko uzapo putar iaiw ma'e peme nezewegatete a'e wà nehe no.

Malaquias 4:1

Uze'eg wi Tupàn Ikàg Wera'u Ma'e kury. — Uhem putar amo 'ar nehe. A'e 'ar mehe wiko wera'u ma'e paw a'e wà nehe, ikatu 'ym ma'e paw a'e wà nehe no, ukaz putar ka'akyr tata pupe ukaz paw ma'e ài a'e wà nehe. Ukaz putar a'e 'ar mehe wà nehe. Upaw putar wà nehe.

Deuteronômio 32:24

Ma'uhez haw uzuka putar a'e wà nehe. Taku haw umumaw putar wà nehe. Ma'eahy haw umumaw putar wà nehe. Ni amo numukatu kwaw a'e ma'eahy haw wi wà nehe. Amono kar putar miar hehaite ma'e wakutyr ihe wà nehe. Uzàmàtyry'ym putar oho wà nehe. Amono kar putar mozaiw wakutyr ihe wà nehe no. Uxi'u putar wà nehe.

2 Pedro 3:10

Aze awa imunar wer zanema'e rehe pyhaw nehe, numume'u kwaw ur àwàm zanewe nehe. Nezewegatete Tupàn numume'u kwaw Zanezar 'ar zanewe nehe no. A'e 'ar mehe ywak ukàzym putar nehe, wànoànog pà nehe. Ma'e ukaz putar tata pupe nehe. Ywy no, ywy rehe har wà no, ukàzym putar tata pupe wà nehe no.

2 Pedro 3:4

— Zezuz umume'u uzewyr àwàm a'e, i'i putar peme wà nehe. — Ma'e pe hekon a'e, màràzàwe tuwe naxixak kwaw zane, màràzàwe tuwe nuzewyr kwaw a'e, i'i putar peme wà nehe, uze'eg urywahy pà penehe wà nehe. — Zaneipy umàno paw rupi wà. Zanereko haw ko 'ar rehe har nuzawy kwaw waneko awer izypy mehe arer. Nuzeapo kwaw ipyahu ma'e romo. Naxixak pixik kwaw ipyahu ma'e, i'i putar peme wà nehe. — Màràzàwe tuwe nuzewyr kwaw a'e, i'i putar peme wà nehe, penehe uze'eg urywahy pà wà nehe.