Amós 4:9 - Tupàn zeꞌeg

⁹ Amono kar ywytu haku ma'e tetea'u peme penehe hezepyk pà. Amono kar tukur tetea'u penemi'u ko pe har rehe wà no. Tukur umumaw ma'e ko pe itym pyrer paw wà. Umumaw uwà tyw wà no. Umumaw pi tyw wà no. Umumaw uri tyw wà no. Nezewe rehe we napezewyr kwaw ihewe.

Amós 4:9 ပူးပေါင်းရင်းမြစ်များ

1 Reis 8:37

Aze amo 'ar mehe nuhyk kwaw temi'u ko ywy rehe nehe, aze ur meru zàwenugar tetea'u ma'erahy ipuraraw kar pà ko ywy rehe har wanupe nehe, aze ywytu haku wera'u ma'e umuaiw wanemitygwer nehe, aze tukur tetea'u u'u wanemitygwer wà nehe, aze waàmàtyry'ymar ur wakutyr wà nehe, aze amo ma'eahy haw ur wainuinuromo nehe,

2 Crônicas 6:28

Aze temi'u nuhyk kwaw ko ywy rehe nehe, aze heta iaiw haw hehe nehe, aze ywytu hakuahy ma'e umuaiw arozràn itym pyrer hezuz ma'e kwer nehe, aze tukur tetea'u ur i'u pà wà nehe, aze waàmàtyry'ymar uzàmàtyry'ym neremiaihu wà wà nehe, aze teko tetea'u ima'eahy wà nehe, aze heta ma'eahy haw teko wainuromo nehe,

Isaías 1:5

Màràzàwe tuwe pezapo wiwi ikatu 'ym ma'e peiko. Aipo peputar wera'u penehe Tupàn izepyk àwàm. Heta peperew peàkàg rehe. Upaw rupi pezemumikahy.

Isaías 50:11

Pe tata imunykar wà, pe u'yw ukaz ma'e hereko har wà, pe'ar putar tata penemimunyk pupe nehe. U'yw penemimuàgy'ygwer pekutuk putar pezuka pà a'e wà nehe. Tupàn Tuweharupi Wiko Ma'e umur kar putar ko zepykaw penehe nehe. Ma'erahy iaiwahy ma'e ipuraraw pàwàm penàro iko a'e.

Isaías 9:12

Xir ywy kwarahy hemaw kutyr tuz a'e. Pirite ywy kwarahy heixe haw kutyr tuz a'e. Uzurupeka zàwàruhu ài teko Izaew wa'u pà wà. Nezewe rehe we nahakuir kwaw Tupàn ikwahy haw, upir wiwi opo wanehe uzepyk pà.

Jeremias 3:10

Ko ma'e iroahy wera'u ihewe. Zuta Izaew tyker umen 'ym ipuhe oho ma'e kwer a'e, uzewyr mua'u ihewe. Nuzewyr kwaw azeharomoete. Iro ihewe. Ihe Tupàn Tuweharupi Wiko Ma'e aze'eg kwez kury, i'i ihewe.

Jeremias 5:3

Tupàn uputar pezeruzar ire pepytu'u 'ymaw a'e. Uzepyk penehe. Nezewe rehe we napezekaiw kwaw hehe. Pekamikamik a'e. Nezewe rehe we napekwaw kwaw ikatu 'ymaw wi petyrykaw. Pezàmàtyry'ym heruzar 'ym pà. Napezewyr wer kwaw izupe.

Oséias 11:5

Na'izewyr wer kwaw ihewe wà kury. A'e rupi oho wi putar Ezit ywy rehe wà nehe. Zauxiapekwer Axir pe har weityk putar Izaew wà nehe no.

Joel 1:4

Ur tukur tetea'u xe wà. Waneta haw nuzawy kwaw ywàkun tetea'u wà. U'u ma'e itym pyrer ma'etymaw nànàn wà. Tukur izypy mehe ur ma'e kwer nu'u kwaw hezuz ma'e paw rupi wà. Na'e ur amo tukur ywàkun zàwenugar wà. U'u ikurer wà.

Joel 1:7

Umumaw uwà tyw zaneko pe har wà. Umumaw ma'e'yw pi her ma'e zaneko pe har wà no. O'ok ywyra ape kwer ywyra wi wà. Upyta xo hàkà xig ma'e zo.

Joel 2:25

Amuzewyr kar putar ma'e pewi ukàzym ma'e kwer paw ihe nehe. Amur kar tukur tetea'u ywàkun zàwenugar peiwy rehe ihe. Nuzawy kwaw zauxiapekwer tetea'u wà. Umuaiw arozràn paw uwà paw uri paw wà.

Amós 4:6

Amumaw temi'u tawhu nànàn ihe. Amuma'uhez kar teko paw ihe wà no. Nezewe rehe we napezewyr kwaw ihewe.

Amós 4:8

Teko wata oho taw nànàn 'y hekar pà wà. Xo pixika'i wexak wà. Iziwez wiwi wà. Nezewe rehe we napezewyr kwaw ihewe. Ihe Tupàn Tuweharupi Wiko Ma'e amume'u ko ma'e teko ihe kury.

Habacuque 3:17

Aze pi 'yw na'i'a kwaw nehe, aze uwà 'yw na'i'a kwaw nehe, aze naheta kwaw uri ipo'o pyràm nehe, Aze naheta kwaw arozràn ipo'o pyràm nehe, aze naheta kwaw àràpuhàràn ka'api'i pe wà nehe, aze naheta kwaw tapi'ak pari pupe wà nehe,

Ageu 2:17

Azepyk penehe ywytuaiw hakuahy ma'e pupe. Amono kar tukur penemitygwer imumaw pà wà no. Amugyr kar àmàntàtà penehe no. Nezewe amumaw peko pe har paw. Nezewe rehe we napezewyr kwaw ihewe.

Malaquias 3:11

Namumaw kar kwaw penemitygwer tukur wanupe nehe. Uwà tyw peiwy rehe har i'akatu tetea'u wà nehe no.

Deuteronômio 28:22

Uzepyk putar penehe ma'eahy uhàz katu ma'e pupe nehe. Hezun putar peperew nehe. Hahy putar penetekwer nehe. Penaku putar nehe. Umur putar àmàn ikyr 'ymaw peme nehe. Umur putar ywytu hakuahy ma'e penehe nehe no. U'u kar putar penemitygwer tukur zàwenugar wanupe nehe. Agwer iaiw haw nuhem kwaw pewi nehe. Xo pemàno re zo upaw putar nehe.

Deuteronômio 28:42

Tukur umumaw putar ywyra paw wà nehe. Umumaw putar peywy rehe hezuz ma'e kwer paw wà nehe no.