2 Samuel 5:20 - Tupàn zeꞌeg

²⁰ A'e rupi oho Tawi Ma'aw Perazi pe kury. Weityk Piri ywy rehe har a'e pe wà. Na'e uze'eg kury. — Aze 'y tetea'u uhem tàrityka'i a'e, weityk ma'e wenataromo har paw a'e. Nezewegatete Tupàn umupe'a heàmàtyry'ymar wamyter pe a'e no, i'i. A'e rupi teko omono amo her a'e ywy pe wà. — Ma'aw Perazi, i'i uzeupe wà. — Zanezar umupe'a, i'i zaneze'eg rupi.

2 Samuel 5:20 ပူးပေါင်းရင်းမြစ်များ

2 Samuel 19:9

Na'e a'e ywy rehe har paw uzypyrog uzeàmàtyry'ym pà wà kury. Uze'eg nezewe wà. — Tuwihawete Tawi zanepyro zaneàmàtyry'ymar wanuwi a'e. Zanepyro Piri ywy rehe har wanuwi. Ko 'ar rehe uzàn oho Àmixàràw wi uiwy wi kury.

1 Crônicas 14:11

Tawi uzàmàtyry'ym Piri ywy rehe har oho Maw-Perazim pe a'e wà. Weityk wà. Uze'eg nezewe. — Aiko 'y tyhu haw zàwenugar ài ihe. Aityk ma'e paw ihe. Tupàn uzapo teixe haw zauxiapekwer heàmàtyry'ymar wamyteromo a'e, hepupe a'e, i'i. A'e rupi Maw-Perazim i'i teko a'e ywy pe wà. — Tupàn uzapo teixe haw, i'i zaneze'eg rupi.

Salmos 60:1

O Tupàn, eretyryk urewi ne. Urereityk pe ne. Erekwahy urewe a'e 'ar mehe. Ko 'ar rehe erezur wi urewe.

Isaías 28:21

Na'e Tupàn Tuweharupi Wiko Ma'e upu'àm putar a'e nehe, ywytyr Perazi her ma'e rehe upu'àm awer zàwe a'e nehe. Wikwahy putar nehe, ywyàpyznaw Zimeàw her ma'e rehe ukwahy awer zàwe nehe no. Uzapo putar wemiapo putar haw nehe. Teko nukwaw kwaw hemiapo ràm a'e wà. Uzapo putar uma'ereko haw nehe no. — Màràzàwe tuwen aipo pa, i'i putar teko ima'ereko haw hexak mehe wà nehe no.

Habacuque 3:13

Erehem eho nereko haw wi neremiaihu wapyro pà, tuwihawete neremixak kwer ipyro pà no. Erekutuk ikatu 'ym ma'e wanuwihawete. Eremumaw hehe we har zauxiapekwer paw wà no.