2 Samuel 4:9 - Tupàn zeꞌeg

^9-11 Uwazar Tawi waze'eg wanupe. — Amo awa umume'u Xau izuka awer ihewe. Oho heruwàxi pà Zikirak taw pe ihewe imume'u pà a'e. Apyhyk kar a'e awa ihe. Azuka kar no. — Amume'u putar heremiapo kwer Xau zuka haw Tawi pe ihe nehe. Hurywete putar a'e nehe, i'i uzeupe herexak 'ym mehe we. Naherurywete kwaw ihewe imume'u mehe ihe. Azuka kar ihe. Amume'uahy putar heze'egaiw peme nehe kury. Tupàn Tuweharupi Wiko Ma'e wenu putar heze'eg àwàm nehe kury. Hepyro ikatu 'ymaw wi upaw rupi a'e. Pezuka amo awa ikatu 'ym ma'e iapo 'ymar. Wàpuz me uker iko a'e. Pezuka iker mehe. Azepyk putar wera'u penehe ihe nehe kury. Iaiw ma'e romo peiko. Ta'e pezuka Izimozet pe xe. Apumunàn putar ywy wi ihe nehe kury, i'i wanupe.

2 Samuel 4:9 ပူးပေါင်းရင်းမြစ်များ

Gênesis 48:16

Amo nereko haw pe har hepyro ikatu 'ymaw paw wi a'e. A'e ae nehe, tuwe uzapo ikatu ma'e wanupe nehe no. Tuwe hezuapyapyr umume'u herer uzeupeupe wà nehe. Tuwe ima'enukwaw heràmuz Àmàrààw her rehe wà nehe. Tuwe ima'enukwaw heru Izak her rehe wà nehe no. Tuwe heta tetea'u wana'yr wanupe wà nehe. Tuwe heta tetea'u wazuapyapyr wanupe wà nehe no, i'i Zako Tupàn pe.

2 Samuel 4:2

Heta mokoz zauxiapekwer wanuwihaw Izimozet rehe we wà. Tuweharupi weruzàn wemiruze'eg zauxiapekwer wà, waàmàtyry'ymar waiwy rehe wà. Na'arewahy uzuka amo wà, wama'e ipyhyk pà wanuwi wà. Na'aw tuwihaw waner xe wà: Mana, Hekaw. Himom ta'yr romo Meerot tawhu pe har romo Mezàmi izuapyapyr romo wanekon wà. Tawhu Meerot, Mezàmi izuapyapyr waiwy rehe tuz a'e.

1 Reis 1:29

— Amume'u putar ko ma'e Tupàn Tuweharupi Wiko Ma'e ma'erahy heremipuraraw kwer paw wanuwi hepyro arer henataromo ihe nehe kury.

Salmos 103:4

Hepyro hemàno haw wi. Umur uze'egatu herehe heamutar katu pà, ikatu ma'e ihewe imur pà no.

Salmos 106:10

Upyro wemiaihu wà, wanehe iakatuwawahy 'ym ma'e wapo wi wà. Upyro waàmàtyry'ymar wanuwi wà.

Salmos 107:2

Tuwe hemipyro kwer paw Umume'u Tuweharupi Wiko Ma'e ikatu haw wà nehe. Upyro waàmàtyry'ymar wapo wanuwi a'e wà.

Salmos 34:17

Amo teko weruzar Tupàn Tuweharupi Wiko Ma'e wà. Aze a'e teko wenoz Tupàn a'e wà, a'e wenu waze'eg mehe wà. Upyro ma'erahy paw wi wà.

Salmos 34:22

Tupàn Tuweharupi Wiko Ma'e upyro wemiruze'eg wamàno haw wi wà. — Hepyro pe nehe, aze amo i'i izupe wà nehe, Tupàn nuzepyk kwaw a'e teko wanehe nehe.

Salmos 69:18

Ezur hepyro pà nehe. Hepyro heàmàtyry'ymar wanuwi nehe.

Salmos 71:23

Zegar haw rehe newe hewioràwiràn imupu mehe, Azegar putar herurywete romo nehe. Azeharomoete azegar putar wahy haw rupi nehe, ta'e hepyro pe ne xe.

1 Samuel 26:24

Amuwete katu nerekuwe haw kwez ihe. Tuwe Tupàn Tuweharupi Wiko Ma'e uzapo nezewegatete haw ihewe nehe no. Tuwe hepyro zawaiw katu haw nànàn nehe, i'i Tawi Xau pe.