2 Samuel 4:1 - Tupàn zeꞌeg

¹ Amo umume'u Aminer Emerom pe izuka awer oho Izimozet Xau ta'yr pe wà. Henu mehe ikàgaw uhem izuwi. Izaew izuapyapyr paw ukyze a'e wà no.

2 Samuel 4:1 ပူးပေါင်းရင်းမြစ်များ

2 Samuel 17:2

Àzàmàtyry'ym putar Tawi ikene'o mehe izemumikahy mehe nehe. Ukyze putar urewi wà nehe. Zauxiapekwer hehe we har paw uzàn putar izuwi upuir pà wà nehe. Nezewe mehe xo tuwihawete zo azuka putar nehe.

2 Samuel 2:8

A'e 'ym mehe Aminer Ner ta'yr a'e, zauxiapekwer Xau hemiruze'eg wanuwihaw a'e, uzàn oho Izimozet Xau ta'yr rupi a'e, Mànài tawhu pe uzeàmim pà a'e. (Ukyze Tawi wi wà.) Yrykaw Zotàw ywaz rehe tuz a'e tawhu.

2 Samuel 3:27

Tawhu pe ihem mehe weraha Zoaw Aminer ukenawhu huwake kury. — Heze'eg wer newe, i'i mua'u Zoaw izupe. Na'e ukutuk hie pe takihe pupe. Nezewe Zoaw uzuka Aminer Ner ta'yr a'e kury. Ta'e a'e 'ym mehe Aminer uzuka Azaew Zoaw ryky'yr a'e xe.

Esdras 4:4

Na'e teko a'e ywy rehe har uzapo ma'e tetea'u Izaew wamuzemumikahy kar pà wà kury, wamukyze kar pà wà no. Ta'e ipurumupytu'u kar wer wanehe tàpuzuhu iapo re wà xe.

Neemias 6:9

Ipurumukyze kar wer urerehe urema'ereko haw imumaw kar pà urewe wà. O Tupàn hemukàg wera'u kar pe nehe kury.

Isaías 13:7

Teko paw wazywa upytu'u ukàg ire wà nehe. Wàzà'à ututututuk putar na'arewahy wera'u ukyze haw rehe wà nehe no.

Isaías 35:3

Pemukàg pepo ikene'o ma'e nehe. Pemukàg pepenàràg ikàg 'ym ma'e nehe no.

Jeremias 50:43

Amo umume'u uzeapo ma'e kwer Mawiron wanuwihawete pe wà. Izywa ipyw henu mehe. Ma'erahy a'e, ma'eahy haw a'e no, wiko tuwihawete izar romo kury. Nuzawy kwaw kuzà umemyr izexak kar haw 'ar mehe.

Jeremias 6:24

Zeruzarez pe har uze'eg nezewe wà. — Urenu wanur haw imume'u haw ure. Na'e urepo ipyw. Urekyze haw wiko urezar romo. Hahy haw wiko kuzà izar romo imemyr zexak kar mehe. Nezewegatete urekyze haw wiko urezar romo.

Sofonias 3:16

Uhem putar amo 'ar nehe. A'e 'ar mehe teko uze'eg putar Zeruzarez pe wà nehe. — Pekyze zo nehe, teko Xiàw rehe har wà. Pezemumikahy zo nehe. Peityk zo pekàgaw pezewi nehe no.