2 Samuel 3:32 - Tupàn zeꞌeg

³² Utym hetekwer Emerom pe wà. Uzai'oahy tuwihawete hehe itym awer huwake wà. Teko paw uzai'o hehe we wà no.

2 Samuel 3:32 ပူးပေါင်းရင်းမြစ်များ

2 Samuel 1:12

Uzai'o wà. Uzegar uzemumikahy haw rehe wà. Uzekwaku umai'u 'ym pà wà no. Xo kwarahy heixe etea'i mehe zo umumaw wà. Uzai'o Xau imàno awer rehe wà, Zonata rehe wà no, Izaew Tupàn Tuweharupi Wiko Ma'e hemiruze'eg wanehe wà no, ta'e umàno teko tetea'u zeàmàtyry'ymawhu pe wà xe.

2 Samuel 18:33

Na'e uzemumikahy tuwe tuwihawete kury. Heta amo ipupyaikaw pyrer pàrirogaw ukenaw 'aromo. Uzeupir Tawi a'e pe. Uzypyrog uzai'o pà. Wata ko rupi uhapukaz tà. Wata kwe rupi uzai'o pà. — O hera'yr. Hera'yr Àmixàràw. Aze mo àmàno nerekuzaromo, ikatu wera'u mo ihewe, hera'yr, i'i iko.

2 Samuel 4:12

A'e rupi uzuka kar Tawi a'e mokoz awa wà kury, zauxiapekwer wanupe kury. Uzuka wà. Wazuka re omonohok wapo kwer wapy kwer wanuwi wà. Umuzaiko wanetekwer ypawhu Emerom huwake har huwake wà. Utym Izimozet iàkàgwer heraha Aminer itym awer huwake wà, Emerom pe wà.

Jó 31:28

Aze mo azapo a'e iaiw ma'e, Apytu'u mo Tupàn ywate har heruzar ire. Tàmuz uzepyk mo herehe wà.

Jó 31:29

Naherurywete pixik kwaw heàmàtyry'ymar ma'erahy ipuraraw mehe ihe. Iaiw haw wanupe ihem mehe naherurywete kwaw.

Provérbios 24:17

Aze neàmàtyry'ymar u'ar iaiw paw pupe nehe, nerurywete zo nehe.

1 Samuel 30:4

Na'e Tawi a'e, hehe we har a'e wà no, uzypyrog uzai'o pà a'e wà kury. Uzai'o tetea'u wà, te uhem wakàgaw wanuwi wà.