2 Samuel 22:32 - Tupàn zeꞌeg

³² Tupàn Tuweharupi Wiko Ma'e a'e zutyka'i wiko Zanezar romo. A'e zutyka'i zanepyro ikatu 'ymaw wi.

2 Samuel 22:32 ပူးပေါင်းရင်းမြစ်များ

2 Samuel 23:3

Tupàn Izaew wazar uze'eg. Izaew wanehe uzekaiw ma'e uze'eg ihewe. Tuwihawete katu haw rupi pureruze'eg ma'e a'e, Tupàn hemimutar iapo pà pureruze'eg mehe a'e,

2 Samuel 7:22

Azeharomoete nekàg tuwe ne, Tupàn Tuweharupi Wiko Ma'e. Naheta kwaw amo nezàwenugar wà. Urenu teko nekatu haw imume'u mehe ure. — Xo ne zo ereiko urezar romo ne, i'i wà. — Naheta kwaw amo, i'i wà.

Isaías 44:6

Tupàn Tuweharupi Wiko Ma'e Izaew wanuwihawete, Izaew wapyro har Tupàn Ikàg Wera'u Ma'e uze'eg a'e. — Izypy mehe arer romo aiko ihe. Iahykaw rehe àràm romo aiko ihe no. Xo ihe zo aiko Tupàn romo. Naheta kwaw amo.

Isaías 44:8

Heremiaihu wà, pekyze zo nehe. Pekyze wera'u zo nehe. Izypy mehe arer we amume'u uzeapo ma'e ràm paw peme. Pekwaw heremimume'u kwer. Aipo heta amo tupàn ikàg ma'e hezàwenugar. Nan. Naheta kwaw amo purehe uzekaiw ma'e. Nakwaw kwaw ni pitài ihe.

Isaías 45:21

Peze'eg na'arewahy nehe. Pemume'u penemiapo kwer. Peze'eg pezeupeupe nehe, aze peze'eg wer nehe. Mo umume'u ma'e uzeapo ma'e ràm kwehe mehe wà. Ihe Tupàn Tuweharupi Wiko Ma'e amume'u ihe. Naheta kwaw amo tupàn. Tupàn pitài romo aiko. Wemiaihu wanuwi utyryk 'ym ma'e romo aiko. Wemiaihu wapyro har romo aiko.

Jeremias 10:16

Tupàn Zako izar nuiko kwaw wazàwe a'e. A'e ae uzapo ma'e paw rupi a'e. Wexaexak Izaew izuapyapyr wemiaihu romo wamuigo kar pà a'e. Tupàn Tuweharupi Wiko Ma'e Upuner Wera'u Ma'e her romo a'e.

Deuteronômio 32:31

Zaneàmàtyry'ymar wazar tupàn wà, na'ikàg kwaw Tupàn Zanezar zàwe wà. Te zaneàmàtyry'ymar umume'u ikàg wera'u haw wà.

Deuteronômio 32:39

Pe paw rupi nehe, pekwaw ko ma'e nehe. Xo ihe zo aiko Tupàn romo ihe. Naheta kwaw amo tupàn wà. Apuruzuka ihe. Apurumuigo kar ihe no. Apurukutuk no. Apurumukatu no. Aze hepurapo wer amo ma'e rehe nehe, ni amo nupuner kwaw hemupytu'u kar haw rehe iapo re wà nehe.

Deuteronômio 4:35

Tupàn wexak kar a'e ma'e paw a'e, Tupàn Tuweharupi Wiko Ma'e pezar romo heko haw ikwaw kar pà peme a'e. Naheta kwaw amo tupàn. Xo a'e zo.

1 Samuel 2:2

Ni amo na'ikatu kwaw Tupàn Tuweharupi Wiko Ma'e zàwe a'e wà. Naheta kwaw amo Tupàn. Xo a'e zo. Naheta kwaw amo purehe uzekaiw ma'e Zanezar zàwe a'e wà.