2 Samuel 22:3 - Tupàn zeꞌeg

³ Nuzawy kwaw itahu hezeàmimaw ihewe. Ni amo nahezuka kwaw hehe we hereko mehe wà. Hepyro u'yw wi purumimaw ài a'e. Uzuka heàmàtyry'ymar hepyro pà. Hepyro har romo hekon. Uzekaiw katu herehe ma'erahy wi hepyro pà.

2 Samuel 22:3 ပူးပေါင်းရင်းမြစ်များ

Gênesis 15:1

Amo 'ar rehe Àmàràw wexak amo ma'e upuahu pe har zàwenugar a'e kury. Hexak mehe Tupàn Tuweharupi Wiko Ma'e uze'eg wà izupe. — Ekyze zo nehe, Àmàràw. Urupyro putar ikatu 'ymaw paw wi ihe nehe. Amono putar ma'e tetea'u newe nehe, neremiapo kwer hekuzaromo nehe, i'i izupe.

2 Samuel 22:31

Xo ikatuahy ma'e xo Tupàn uzapo a'e. Uzapo wemimume'u kwer. Nuzawy kwaw u'yw wi purupyro ma'e, Ikàgaw hekar har wanupe.

2 Samuel 22:47

Tuwe Tupàn Tuweharupi Wiko Ma'e wiko teko paw wazar romo nehe. Pemume'u hepyro har ikatu haw nehe. Tupàn wiko hepyro har romo a'e. Pemume'u ikàgaw uhua'u haw nehe.

2 Samuel 22:49

Hepyro heàmàtyry'ymar wanuwi. Ne, Tupàn, eremur heàmàtyry'ymar wanetykaw ihewe. Hepyk pe ne, awa puruzuka ma'e wanuwi ne.

2 Samuel 22:51

Tupàn umur tuwihawete iàmàtyry'ymar wanetykaw a'e, wemixak kwer pe a'e. Tupàn wexak kar upuruamutar haw wemixak kwer pe a'e, Tawi pe a'e. Wexak kar putar izuapyapyr wanupe a'e nehe no, awyzeharupi a'e nehe no.

2 Samuel 23:3

Tupàn Izaew wazar uze'eg. Izaew wanehe uzekaiw ma'e uze'eg ihewe. Tuwihawete katu haw rupi pureruze'eg ma'e a'e, Tupàn hemimutar iapo pà pureruze'eg mehe a'e,

Salmos 14:6

Ma'e hereko 'ymar wàro ikatu ma'e wà. Ikatu 'ym ma'e umuaiw wanemiàro wà. Tupàn Tuweharupi Wiko Ma'e upyro teko ikatu ma'e a'e wà, katu 'ymaw wi a'e wà.

Salmos 140:1

O Tupàn Tuweharupi Wiko Ma'e, hepyro pe ikatu 'ym ma'e wanuwi nehe. Hemunyryk kar pe awa upuruzuka ma'e wanuwi nehe.

Salmos 140:11

Tuwe hemu'em ma'e nuiko kwaw ikàg ma'e romo wà nehe. Tuwe ikatu 'ymaw wekar awa ipuruzukaiw ma'e oho wà nehe. Tuwe umumaw a'e awa wà nehe.

Salmos 140:4

O Tupàn Tuweharupi Wiko Ma'e, hepyro pe teko ikatu 'ym ma'e wakàgaw wi nehe. Hemunyryk kar pe awa ipuruzukaiw ma'e wanuwi nehe. Umume'u hereityk àwàm waiko tuweharupi wà.

Salmos 142:4

Ame'e hezeake. Naexak kwaw hepytywà har. Naheta kwaw hepyro har wà. Naheta kwaw herehe uzekaiw ma'e wà.

Salmos 144:2

Itahu zàwenugar hemimaw romo hekon a'e. Tàpuz imuàtà pyrer hepyro har romo no. Hemim ikatu 'ymaw wi. Hemunyryk kar zemunehew paw zàwenugar wi no. Hemim u'yw wi purumimaw zàwe. Azeruzar hehe ihe, herehe izekaiw haw rehe ihe. Omono ywy nànànar hepuner haw iwy pe wà.

Salmos 18:2

Tupàn Tuweharupi Wiko Ma'e wiko hepyro har romo. Tupàn Tuweharupi Wiko Ma'e wiko hemukàg kar har romo no. Tupàn hezar wiko itahu hemimaw romo. Ni amo nupuner kwaw ikatu 'ym ma'e iapo haw rehe ihewe wà nehe, ta'e aiko hehe we ihe xe. Hepyk u'yw wi purupykaw ài a'e. Uzàmàtyry'ym heàmàtyry'ymar hepyro pà.

Salmos 27:5

Aze zawaiw katu hereko haw nehe, hemim putar uzeàmimaw pe nehe. Hemonokatu wàpuzuhu pupe nehe. Ita 'aromo hemono putar ikatu 'ymaw wi hepyro pà nehe.

Salmos 28:7

Tuweharupi Wiko Ma'e wiko hekàgaw romo a'e. Wiko u'yw wi hemimaw ài no. Azeruzar katu tuwe hehe ihe. Tuweharupi Wiko Ma'e hepytywà a'e. A'e rupi hepy'a hurywete a'e. A'e rupi amuzàg zegar haw ikatu haw rehe izupe ihe.

Salmos 3:3

U'yw wi purumimaw upyro zauxiapekwer màno haw wi a'e wà. Nezewegatete, ne Tupàn Tuweharupi Wiko Ma'e, hepyro katu 'ymaw wi ne. Ereityk heàmàtyry'ymar ne wà. Hemukàg wi pe ne no.

Salmos 32:7

Ereiko hemimaw romo ne. Hepyro ma'erahy wi. Azegar tuwe nepurupyro haw rehe ihe, Ta'e hepyk heàmàtyry'ymar wanuwi ne xe.

Salmos 46:1

Tupàn wiko uremimaw romo a'e. Wiko urekàgaw romo no. Zanepytywà putar tuwe ma'erahy ipuraraw mehe nehe.

Salmos 46:11

Tupàn Ikàg Wera'u Ma'e wiko zanemyrypar romo. Zako izar wiko zanemimaw romo.

Salmos 46:2

A'e rupi nazakyze kwaw nehe. Aze ywy uryryryryz nehe, aze yryhu pupe ywytyruhu u'ar nehe, iwy pe oho pà nehe, Nezewe rehe we nazakyze kwaw nehe.

Salmos 46:7

Tupàn Ikàg Wera'u Ma'e wiko zanemyrypar romo a'e. Tupàn Zako izar wiko zanemimaw romo a'e.

Salmos 5:12

Ne, o Tupàn Tuweharupi Wiko Ma'e ne, eremono neze'egatu teko nereruzar har wanehe ne. Nekatu haw nuzawy kwaw u'yw wi wamimaw wanupe.

Salmos 55:9

Hezar, emumaw a'e teko wanemiapo putar haw nehe. Emuaiw uzeupeupe waze'egaw nehe no, Ta'e aexak puruzuka haw tawhu pe ihe xe. Aexak zeàmàtyry'ymaw a'e pe ihe no.

Salmos 59:16

Nezewe rehe we ihe azegar putar nekàgaw rehe ihe nehe. Ku'em mehe amume'u putar nepuruamutar katu haw wahy haw rupi nehe, Ta'e ereiko hemimaw romo ne xe. Ma'erahy ipuraraw mehe apuner hezeàmimaw rehe nerehe ihe.

Salmos 61:3

Ta'e ereiko herehe uzekaiw ma'e romo ne xe. Ereiko hepyro har ikàg ma'e heàmàtyry'ymar wanuwi.

Salmos 71:7

Teko tetea'u wexak hereko haw wà. Hekatu. A'e rupi wiko hezàwe wà no. Ta'e ereiko hepyro har ikàg ma'e romo heàmàtyry'ymar wanuwi ne xe.

Salmos 72:14

Upyro imunar ma'e wanuwi wà. Puruzuka ma'e wanuwi upyro wà no. Tuwihawete uzamutar katu a'e teko a'e wà.

Salmos 84:11

Tupàn Tuweharupi Wiko Ma'e wiko tatainy romo zanewe. Wiko Zanemimaw romo. Uzamutar katu ikatu ma'e iapo har wà. Umuwete ikatu ma'e iapo har wà no. Omono ikatu ma'e paw wanupe a'e.

Salmos 84:9

O Tupàn, emono neze'egatu nehe, urerehe uzekaiw ma'e rehe nehe, Tuwihawete neremixak kwer rehe nehe.

Salmos 86:14

O Tupàn, teko amo wanuwi wiko wera'u ma'e heàmàtyry'ym waiko wà. Teko purupe ma'erahy ipuraraw kar har wà, Nerehe uzekaiw 'ym ma'e wà, ipuruzuka wer herehe wà.

Salmos 9:10

O Tupàn Tuweharupi Wiko Ma'e. Nekwaw har uzeruzar nerehe wà. — Hepytywà pe nehe, aze amo i'i newe, nereityk kwaw ne wà xe.

Salmos 9:9

Tupàn Tuweharupi Wiko Ma'e wiko purumimaw romo teko wanupe a'e, aze amo upuraraw kar ma'erahy wanupe a'e wà. Uzekaiw wanehe ma'erahy ipuraraw mehe wà.

Êxodo 15:2

Tupàn Tuweharupi Wiko Ma'e wiko hepytywà har ikàg ma'e romo. Wiko hepyro har romo. Hezar romo hekon. Amume'u putar ikatu haw nehe. Heru izar romo hekon. Amume'u putar ikàgaw hezegar pà nehe.

Provérbios 18:10

Tupàn Tuweharupi Wiko Ma'e her nuzawy kwaw tàpuz iaiha ma'e zauxiapekwer imimaw a'e. Teko ikatu ma'e upuner ipupe uzepyro haw rehe wà.

Provérbios 30:5

Tupàn hemimume'u kwer paw azeharomoete har romo a'e. Aze teko uzepyro kar izupe wà, wiko wamimaw romo a'e.

Isaías 12:2

Tupàn wiko hepyro har romo. Azeruzar hehe. Nakyze kwaw nehe ta'e Tupàn Tuweharupi Wiko Ma'e umur ukàgaw ihewe a'e xe. Hepyro har romo hekon.

Isaías 32:2

A'e paw uzekaiw putar teko wanehe wà nehe. Nuzawy kwaw ywytuaiw wi àmànuhu wi purupykaw wà nehe. Nuzawy kwaw yrykawhu ywy uxinig ma'e rupi uwyryk ma'e wà nehe. Nuzawy kwaw itahu i'àgaw ywyxiguhu rehe har wà nehe.

Isaías 45:21

Peze'eg na'arewahy nehe. Pemume'u penemiapo kwer. Peze'eg pezeupeupe nehe, aze peze'eg wer nehe. Mo umume'u ma'e uzeapo ma'e ràm kwehe mehe wà. Ihe Tupàn Tuweharupi Wiko Ma'e amume'u ihe. Naheta kwaw amo tupàn. Tupàn pitài romo aiko. Wemiaihu wanuwi utyryk 'ym ma'e romo aiko. Wemiaihu wapyro har romo aiko.

Jeremias 16:19

Na'e aze'eg Tupàn pe kury. — O Tupàn Tuweharupi Wiko Ma'e, hepyro pe ne. Eremur nekàgaw ihewe no. Hepytywà pe ma'erahy ipuraraw mehe. Ywy muite wera'u har nànànar ur putar newe uze'eg pà wà nehe. — Xo tupàn a'ua'u zo ureipy wereko wà. Xo tupàn ikatu 'ym ma'e zo wereko wà.

Jeremias 16:9

Ihe Tupàn Tuweharupi Wiko Ma'e Upuner Ma'e Izaew wazar amume'u ma'e teko newe. Einu katu nehe. Teko uhapukaz urywete pà zereko haw pe wà. Urywete mehe heiheihem wà. Amumaw putar wanehapukaz haw nehe, wanurywete haw heiheihem mehe har nehe no. Pexak putar a'e ma'e paw izeapo mehe xe nehe.

Lucas 1:47

— Amume'u putar hezar ikàgaw ihe kury. Tupàn hepyro har hemurywete kar kwez a'e.

Lucas 1:69

Umur kar zanepyro har ikàg ma'e a'e kury. Zanepyro har a'e, wemiruze'eg Tawi zuapyr romo hekon a'e.

Lucas 1:71

— Kwehe mehe umume'u zaneàmàtyry'ymar wanuwi zanepyro àwàm a'e, zanerehe iakatuwaw 'ym ma'e wakàgaw wi zanerenuhem àwàm a'e no, zanepyro pà wanuwi no.

Deuteronômio 32:37

Na'e upuranu putar wemiaihu wanehe nehe. — Ma'e pe tupàn a'ua'u pezar wanekon wà kury, i'i putar wanupe nehe. Pezeruzar amo penehe uzekaiw ma'e rehe. Ma'e pe hekon kury.

Deuteronômio 32:4

Tupàn Tuweharupi Wiko Ma'e wiko zanepyro har romo. Ikatuahy a'e. Hemiapo ikatuahy no. Nuityk kwaw umyrypar wà. Hemiapo ikatu a'e. Umuàgy'ygatu ikatu 'ymaw. Na'imunar kwaw imuàgà'ym mehe.

Deuteronômio 33:29

Teko Izaew izuapyapyr wà. Penurywete tuwe peiko. Naheta kwaw amo teko pezàwenugar wà. Peiko teko Tupàn Tuweharupi Wiko Ma'e hemipyro kwer romo. Wiko u'yw wi pezemimaw romo a'e. Wiko petakihe puku romo no. Pezeàmim puruzuka haw wi. Weityk peàmàtyry'ymar penenataromo wà no. Izaew, peàmàtyry'ymar wapyk putar upenàràg rehe penenataromo wà nehe. — Urepuhareko pe nehe, i'i putar peme wà nehe. Pepyhyk putar waiwy nehe. Peiko putar waiwy izar romo nehe.

Tito 3:4

Na'e amo 'ar mehe xikwaw Tupàn kury. A'e ikatuahy a'e, ta'e zanepuhareko katu a'e xe, ta'e zaneamutar katu a'e xe. Ipurumuigo kar wer zanerehe uzepyr, zanepyro pà ikatu 'ym ma'e wi tatahu wi.

Tito 3:6

Umur tuwe Tupàn Wekwe Puràg zanewe. Uhyk zanewe kury. Zezuz Zaneruwihawete a'e, zanemuigo kar har romo hekon a'e. A'e rupi Tupàn umur kar Wekwe Puràg zanewe, ta'e zazeruzar hehe zane xe.

Hebreus 2:13

Nezewe i'i Zezuz purupe. — Azeruzar katu Tupàn rehe ihe. Uzapo putar ikatu ma'e ihewe nehe, i'i wanupe. Amo ae ma'e umume'u wanupe no. — Aiko xe hepurumuzàmuzàg zàwenugar wapyr ihe, ta'e Tupàn umur ihewe a'e wà xe, i'i wanupe.

1 Samuel 2:1

Na'e Àn uze'eg Tupàn pe kury. — Tupàn Tuweharupi Wiko Ma'e umynehem hepy'a herurywete haw pupe a'e. Apuner heata haw rehe amogwer wanuwake ihe kury, ta'e uzapo a'e ikatu ma'e ihewe a'e 'y. Apuka iteko heàmàtyry'ymar wanehe. Herurywete tuwe no. Ta'e Tupàn hepytywà a'e 'y.

1 Samuel 2:2

Ni amo na'ikatu kwaw Tupàn Tuweharupi Wiko Ma'e zàwe a'e wà. Naheta kwaw amo Tupàn. Xo a'e zo. Naheta kwaw amo purehe uzekaiw ma'e Zanezar zàwe a'e wà.