2 Samuel 22:22 - Tupàn zeꞌeg

²² Tuweharupi aruzar Tupàn Tuweharupi Wiko Ma'e ize'eg ihe. Napuir pixik kwaw hezar wi.

2 Samuel 22:22 ပူးပေါင်းရင်းမြစ်များ

Gênesis 18:19

Aexak Àmàrààw hezeupe ihe. A'e rupi uzapo kar heremimume'u ràm wa'yr wanupe nehe, uzuapyapyr wanupe nehe no. A'e rupi izuapyapyr uzapo putar ikatuahy ma'e wà nehe, heze'eg iawy 'ym pà wà nehe. Aze weruzar tuwe heze'eg wà nehe, azapo putar heremimume'u kwer upaw rupi katete ihe nehe, ikatuahy ma'e purupe iapo pà Àmàrààw rehe ihe nehe, i'i uzeupe.

1 Reis 9:4

Aze ereiko tuwe heremiruze'eg romo nepy'a pe neremu'em 'ym pà nehe, neru Tawi zàwe nehe, aze ereruzar heze'eg nehe, aze erezapo heremiapo kar paw nehe,

Salmos 119:1

Hurywete teko a'e wà, Aze ni amo nupuner kwaw wanemiapo kwer ikatu 'ym ma'e imume'u haw rehe wà. Hurywete Tupàn Tuweharupi Wiko Ma'e ze'eg heruzar har wà.

Salmos 125:5

Ikatu 'ym ma'e wanehe nezepyk mehe nehe, Ezepyk nerape wi utyryk ma'e kwer wanehe nehe no. Tuwe zeàmàtyry'ym 'ymaw tuz teko Izaew wanehe nehe.

Salmos 128:1

Hurywete Tupàn Tuweharupi Wiko Ma'e wi ukyze ma'e a'e, Hemimutar rupi wiko ma'e a'e.

Salmos 18:1

O Tupàn Tuweharupi Wiko Ma'e uruamutar katu tuwe ihe. Ereiko hekàgaw romo ne.

Salmos 36:3

Ize'egaw na'ikatu kwaw a'e. Tynehem temu'emaw pupe. Nukwaw katu kwaw ma'e a'e. Na'ipurapo wer kwaw ikatu ma'e rehe.

Provérbios 8:32

Pezeapyaka katu kury, kwàkwàmo wà. Pezapo ma'e heremimume'u kwer rupi nehe. Nezewe mehe penurywete putar nehe.

Sofonias 1:6

Amumaw putar ihewi utyryk ma'e kwer paw wà nehe. A'e teko nuekar kwaw hepurupytywà haw wà. Na'ipureruzar wer kwaw heze'eg rehe wà no, i'i Tupàn.

Números 16:15

Moizez wikwahy wanupe kury. Uze'eg Tupàn Tuweharupi Wiko Ma'e pe. Emuawyze kar zo 'aw awa wanemimur ràm nehe. Nazapo pixik kwaw ikatu 'ym ma'e wanupe. Nazo'ok kwaw ma'e wanuwi. Ni zumeta'i nazo'ok kwaw wanuwi.

João 15:10

Aruzar heru ze'eg ihe. A'e rupi heamutar katu a'e. Nezewegatete peruzar heze'eg nehe. A'e mehe napytu'u kwaw peamutar katu re ihe nehe.

2 Coríntios 1:12

Urumume'u putar amo ma'e ureremiapo kwer peme xe ure nehe kury. A'e ureremiapo kwer ikatu urewe. Ko ywy rehe urereko mehe ure, pepyr urereko mehe ure, Tupàn wiko urepy'a pe a'e, ma'e imume'u kar pà urewe tuweharupi a'e. A'e rupi xo ikatu ma'e zo uruzapo peme ure. (— Ikatuahy Pawru a'e, peze ihewe.) A'e rupi na'ureremu'em kwaw peme ure. Nuruze'eg kwaw ureremigwaw rupi peme ure. Tupàn urepuhareko a'e. A'e rupi umur ukàgaw urewe. A'e rupi hemigwaw rupi uruze'eg uruiko peme ure kury, ta'e ukwaw kar urewe a'e no xe.

1 Samuel 12:3

Aiko xe ihe kury. Aze azapo amo ma'e ikatu 'ym ma'e, aze azawy, pemume'u tàrityka'i Tupàn henataromo nehe, tuwihawete Tupàn hemixak kwer henataromo nehe no. Aipo hemunar amo heimaw tapi'ak rehe ihe. Aipo hemunar amo heimaw zumen rehe ihe. Aipo heremu'em amo pe. Aipo azapo iaiw ma'e amo pe. Aipo apyhyk temetarer amo wi heremu'emaw hekuzaromo tuwihaw romo hereko mehe. Aze apyhyk ma'e amo wi, amuzewyr putar ihe nehe. Amekuzar putar wyzài heremiapo kwer ikatu 'ym ma'e ihe nehe kury, i'i wanupe.