2 Samuel 22:17 - Tupàn zeꞌeg

¹⁷ Tupàn Tuweharupi Wiko Ma'e upyho opo ywak wi hepyhyk pà, Hepyro yryhu iwy wi.

2 Samuel 22:17 ပူးပေါင်းရင်းမြစ်များ

2 Samuel 22:18

Umunàn Tupàn Tuweharupi Wiko Ma'e heàmàtyry'ymar ihewi wà. Umunàn herehe iakatuwawahy 'ym ma'e wà. Upaw rupi ikàg wera'u ihewi wà.

Salmos 130:1

O Tupàn Tuweharupi Wiko Ma'e, Ma'erahy iaiw ma'e ipuraraw mehe uruenoz ihe.

Salmos 144:7

Ereiko ywate. Epyho nepo nehe. Herenuhem pe yryhu ohoete ma'e wi hepyro pà nehe. Hepyro pe nerehe uzeruzar 'ym ma'e wapuner haw wi nehe,

Salmos 18:16

Tupàn ywak rehe har upyho opo ihewe. Hepyhyk a'e. Yryhu wi hepyro.

Salmos 32:6

Nezewe mehe, tuwe neamutar katu har paw uze'eg newe wà nehe, Ma'erahy ipuraraw mehe wà nehe. Nezewe mehe, ma'erahyhu ykotok ài tur mehe nehe, Nuhem kwaw a'e teko wanupe nehe.

Êxodo 2:10

Itua'u kury. Amo 'ar mehe weraha kuzà kwàkwàmo tuwihawete tazyr pe. Tuwihawete tazyr umuigo kar kwàkwàmo umemyragaw romo. — Apyro 'y wi ihe, i'i izupe. A'e rupi omono Moizez her romo. — Apyro, i'i her zaneze'eg rupi.

Isaías 43:2

'Y typy ma'e hahaw mehe nehe, aiko putar nerehe we nehe. Nerezeapypyk kwaw nehe. Tata myteromo neho mehe nehe, nanerapy kwaw nehe.

Lamentações de Jeremias 3:54

'Y uhem heàkàg pe. — Amàno putar kury, a'e hezeupe.

Apocalipse 17:15

— A'e yrykaw neremixak kwer a'e wà, a'e kuzà henaw a'e wà, teko tetea'u romo wanekon a'e wà. Teko tetea'u wiko a'e kuzà hemiruze'eg romo a'e wà. Ko ywy rehe har tetea'u a'e wà, amo ae ywy rehe har tetea'u a'e wà no, tenetehar tetea'u a'e wà no, àwà tetea'u a'e wà no, karaiw tetea'u a'e wà no, pàrànà tetea'u a'e wà no, izu ma'e tetea'u a'e wà no, ipihun wewer ma'e tetea'u a'e wà no, amo ae uzexak uzuawyawy ma'e tetea'u a'e wà no, ze'egete kwaw par tetea'u a'e wà no, àwà ze'eg kwaw par tetea'u a'e wà no, karaiw ze'eg kwaw par a'e wà no, amogwer ze'eg kwaw par tetea'u a'e wà no, a'e kuzà hemiruze'eg romo wanekon a'e wà.