2 Coríntios 5:4 - Tupàn zeꞌeg

⁴ Ko tàpuz pupe zanereko mehe xipuraraw ma'erahy. Zanema'eahy no. Nazanepureityk wer kwaw zaneretekwer rehe. Nan. Xiputar zaneretekwer ipyahu ma'e ràm zane. Zaneretekwer ipyahu ma'e hereko mehe nehe, zaikuwe putar tuweharupi nehe, zanemàno pixik 'ym pà nehe.

2 Coríntios 5:4 ပူးပေါင်းရင်းမြစ်များ

Isaías 25:8

Tupàn Tuweharupi Wiko Ma'e umumaw putar tuwe màno haw nehe. Nezewe mehe teko numàno kwaw wà nehe. Umuxinig putar teko paw wanehay kwer nehe, uzemumikahy ma'e wamurywete kar pà nehe. Umukàzym kar putar wemiaihu wamaranugar haw nehe. Tupàn Tuweharupi Wiko Ma'e umume'u ko ze'eg kwez kury.

Isaías 38:12

Umuaikwera'i kar hereko haw imumaw pà a'e. Nuzawy kwaw àràpuhàràn mono'ogar wanàpuzràn. Na'arewahy umuezyw imukanaw pà imuàgà'ym pà muite heraha pà wà, a'e hezeupe. Kamir iapo har omonohok pàn ipehegwer a'e. Hereko haw nuzawy kwaw pàn ipehegwer, a'e hezeupe. — Tupàn hemumaw putar na'arewahy kury, a'e hezeupe 'aromo ihe, pyhaw ihe no.

Romanos 8:23

Zane zane no, zazai'o zaiko zane no. Ta'e zawaiw katu zanereko haw zanewe no xe. Ta'e xiàro Tupàn ta'yr zàwenugar romo zanemuigo kar àwàm zaiko zane xe. Ta'e xiàro ikatu 'ym ma'e wi zanepyro àwàm zaiko zane no xe. Tupàn umur Wekwe purupe a'e. Hemimur kwer ipy romo hekon a'e.

1 Coríntios 15:51

Pezeapyaka katu ko ze'eg ikwaw pyr 'ym rehe nehe. Nazamàno kwaw paw rupi zane nehe. (Uzeruzar ma'e tetea'u umàno putar a'e wà nehe. Amo numàno kwaw wà nehe.) Amo 'ar mehe nehe, na'arewahy Tupàn zaneapo putar amo ae romo a'e nehe.

2 Coríntios 5:2

Ko 'ar rehe kury, zaneho wer tuwe zepe zaneràpuz ràm me kury. A'e tàpuz a'e, zaneretekwer ywate àràm romo hekon a'e.

2 Coríntios 5:3

Aze ximunehew zaneretekwer ràm ipyahu ma'e ràm nehe, zanekamir ài nehe. A'e rupi nazaiko kwaw hetekwer 'ym ma'e romo ywate nehe.

2 Pedro 1:13

Apumuma'enukwaw kar a'e ma'e rehe ihe, ta'e ikatuahy nezewe xe. Aze amumaw amo 'ar hemàno 'ym pà nehe, apumuma'enukwaw kar wiwi putar hehe ihe nehe.