2 Coríntios 10:17 - Tupàn zeꞌeg

¹⁷ Nezewe i'i Tupàn ze'eg kwehe arer a'e, pape rehe imuapyk pyrer a'e. — Aze awa ipurumume'u wer ma'e rehe nehe, tuwe umume'u Zanezar hemiapo kwer nehe, i'i Tupàn ze'eg kwehe arer.

2 Coríntios 10:17 ပူးပေါင်းရင်းမြစ်များ

Salmos 105:3

Penurywete her ikatu ma'e rehe nehe. Tuwe Tupàn Tuweharupi Wiko Ma'e imuwete katu har paw hurywete wà nehe.

Salmos 106:5

Tuwe aexak neremiaihu waneko katu mehe ihe wà nehe. Tuwe herurywete neremiruze'eg wainuinuromo wanurywete mehe ihe nehe. Hurywete a'e wà, ta'e neremiaihu romo wanekon wà xe.

Isaías 41:16

Pemomor putar ywate pe nehe. Ywytu weraha putar wà nehe. Ywytu ikàg wera'u ma'e umuhàmuhàz putar wà nehe. Na'e penurywete putar nehe, ta'e ihe Tupàn Tuweharupi Wiko Ma'e aiko pezar romo ihe xe. Hemuwete katu putar pe nehe. Aiko Tupàn Izaew wazar Ikatuahy Ma'e romo ihe.

Isaías 45:25

Ihe Tupàn Tuweharupi Wiko Ma'e aityk kar putar waàmàtyry'ymar heremiaihu wanupe ihe wà nehe. Heremiaihu umume'u putar hekatu haw wà nehe.

Isaías 65:16

Wyzài teko Ywy Imume'u Pyrer rehe har nehe, aze ze'egatu wenoz nehe, Tupàn puruwi utyryk 'ym ma'e pe wenoz putar nehe. Aze umume'u wemiapo ràm nehe, Tupàn Puruwi utyryk 'ym ma'e her rehe umume'u putar nehe, i'i Tupàn. Tupàn Tuweharupi Wiko Ma'e uze'eg wemiaihu wanupe. — Peneharaz putar iaiw pawer penemipuraraw kwer wi nehe. Ihe ihe nehe no, nahema'enukwaw kwaw a'e ma'e rehe ihe nehe no,

Jeremias 4:2

Xo nezewe haw iapo mehe peiko putar azeharomoete har romo ikatu ma'e romo imunar 'ym ma'e romo nehe, herer rehe ma'e imume'uahy mehe nehe. Teko ywy nànànar wenoz putar heze'egatu wà nehe. Umume'u putar hekatu haw wà nehe no.

Romanos 5:11

Amo ma'e amume'u putar peme ihe kury. Zezuz Zaneruwihawete Zanezar a'e, zanemuigo kar Tupàn imyrypar romo a'e, a'e rupi zanerurywete Zezuz rehe kury, Tupàn rehe kury. Ximume'u wakatuahy haw zaha zaiko purupe zane kury.

1 Coríntios 1:29

A'e rupi ni amo teko nupuner kwaw nezewe u'e haw rehe Tupàn huwa rupi wà nehe. — Aiko wera'u amogwer wanuwi ihe, nupuner kwaw u'e haw rehe wà nehe.

1 Coríntios 1:31

Nezewe i'i ze'eg kwehe arer a'e. — Aze amo ize'egatu wer amo rehe nehe, tuwe uze'egatu Zanezar hemiapo kwer rehe nehe, i'i ze'eg kwehe arer.

Filipenses 3:3

Izypy mehe aze awa heko wer Tupàn hemiruze'eg romo a'e, omonohok kar upirera'i a'e. Ko 'ar rehe nan kwaw nezewe kury. Ko 'ar rehe aze ximuwete katu tuwe Tupàn zane nehe, zanepy'a pe zane nehe, a'e mehe zaiko putar hemiruze'eg romo zane nehe. Zaneruwihawete Zezuz umàno zanerekuzaromo. Zanerurywete a'e rupi zane, imàno awer imume'u pà teko wanupe zane. Nazapuner kwaw ma'e iapo haw rehe zanezepyro pà tatahu wi. Nazapuner kwaw nezewe zaneze'egaw rehe. — O, aze amonohok kar hepirera'i ihe nehe, Tupàn hepyro putar tatahu wi a'e nehe, nazapuner kwaw zane'e haw rehe kury.