1 Samuel 30:3 - Tupàn zeꞌeg

³ Tawi wemiruze'eg wanehe we a'e pe uhem mehe wexak tawhu ikaz awer a'e. — Weraha zaneànàm upaw rupi zanewi wà. Zaneremireko wà, zanera'yr wà no, zanerazyr wà no, i'i izupe wà.

1 Samuel 30:3 ပူးပေါင်းရင်းမြစ်များ

Salmos 34:19

Ikatu ma'e upuraraw ma'erahy tetea'u wà. Tuweharupi Wiko Ma'e upyro a'e teko ma'erahy nànàn wà.

Hebreus 12:6

Ta'e nezewe xe. Aze Zanezar uzamutar katu amo nehe, upuraraw kar putar ma'erahy izupe nehe, heruze'eg pà nehe. Aze — Hera'yr, i'i amo pe nehe, umume'u ahyahy hemiapo kwer ikatu 'ym ma'e izupe nehe no. Upuraraw kar ma'erahy izupe nehe. A'e rupi ta'yr upytu'u ikatu 'ym ma'e iapo re nehe.

Apocalipse 3:9

Peinu katu heze'eg nehe ty wà. Amo pepyr har a'e wà, Zurupari hemiruze'eg romo wanekon a'e wà. — Zutew romo uruiko ure, i'i mua'u waiko peme wà. Nuiko kwaw wà. Amono kar putar a'e awa penuwa rupi ihe wà nehe. Uzeamumew putar upenàràg rehe wapyk pà penuwa rupi wà nehe. Ta'e amuzeamumew kar putar ihe wà nehe xe. A'e rupi ukwaw putar heremiamutar romo peneko haw a'e wà nehe.

1 Samuel 27:3

Tawi a'e, hehe we har a'e wà no, upyta Kat tawhu pe wiko pà a'e wà kury, wànàm wanehe we a'e wà kury. Mokoz Tawi hemireko wiko ipyr a'e pe wà. Aenuà Zereew tawhu pe har tazyr. Amigaiw Namaw hemireko kwer Karamew parer.

1 Samuel 30:2

Upyhyk kuzàgwer paw wà. Nuzuka kwaw ni amo wà. Oho a'e wi a'e parer paw waneraha pà wà, wemipyhyk kwer romo wà.

1 Samuel 30:4

Na'e Tawi a'e, hehe we har a'e wà no, uzypyrog uzai'o pà a'e wà kury. Uzai'o tetea'u wà, te uhem wakàgaw wanuwi wà.