1 Samuel 28:16 - Tupàn zeꞌeg

¹⁶ — Tupàn Tuweharupi Wiko Ma'e utyryk newi. Neàmàtyry'ymar romo hekon a'e kury. Màràzàwe tuwe herenoz pe ne.

1 Samuel 28:16 ပူးပေါင်းရင်းမြစ်များ

2 Reis 6:27

Uwazar tuwihawete ize'eg izupe. — Aze Tupàn Tuweharupi Wiko Ma'e nanepytywà kwaw nehe, napuner kwaw nepytywà haw rehe ihe nehe. Naheta kwaw ni arozràn ni win ihewe.

Lamentações de Jeremias 2:4

Wagaw u'yw zanekutyr zaneàmàtyry'ymar ài. Ukàgaw rupi uzuka zaneànàm zaneremiamutar upuner wera'u ma'e wà. Uzakook wekwahy haw Zeruzarez pupe har wanehe tata ài.

Lamentações de Jeremias 2:5

Zanezar nuzawy kwaw zaneàmàtyry'ymar. Umumaw Izaew wà. Weityk wanàpuztàtà paw. Umuaiw wanàpuzuhu paw no. Nezewe mehe werur zemumikahy haw upaw 'ym ma'e teko Zuta ywy rehe har wanupe. Werur zai'o haw upaw 'ym ma'e wanupe no.

Apocalipse 18:20

Pe ywak rehe har pe, penurywete nehe, ta'e Tupàn uzepyk hehe kury xe. Pe Tupàn hemiruze'eg pe, penurywete nehe no. Pe Tupàn hemimono karer pe, penurywete nehe no. Pe Tupàn ze'eg imume'u har pe, penurywete nehe no. Ta'e Tupàn uzepyk tawhu rehe kury xe, ta'e kwehe mehe a'e taw pe har upuraraw kar ma'erahy peme a'e wà xe.

Apocalipse 18:24

Tupàn wexak uze'eg imume'u har umàno ma'e kwer wanuwy kwer a'e taw pe har a'e, wexak wemiruze'eg umàno ma'e kwer wanuwy kwer a'e no. A'e pe har uzuka kar Tupàn hemiruze'eg amo taw pe har wanupe a'e wà no. A'e rupi Tupàn uzepyk a'e taw rehe a'e, a'e pe har wanehe a'e.

Juízes 5:31

Ne Tupàn Tuweharupi Wiko Ma'e ne. Neàmàtyry'ymar umàno nezewe wà. Neamutar har nemyrypar a'e wà, uhyape katu kwarahy heny kwer ihem mehe har ài a'e wà. A'e re upaw zeàmàtyry'ymaw kury. Umumaw 40 kwarahy katu haw rupi zeàmàtyry'ym 'ym pà wà.

1 Samuel 28:15

Na'e uze'eg Xamuew Xau pe kury. — Màràzàwe tuwe heputupyk ezuwà nezewe ne. Màràzàwe tuwe hemuzewyr kar nezewe, i'i izupe. Uwazar Xau izupe. — Zawaiw katu hereko haw ihewe kury. Piri ywy rehe har heàmàtyry'ym wà a'e wà. Tupàn utyryk ihewi. Nuwazar kwaw heze'eg ihewe, ni nuze'eg kwaw uze'eg imume'u har wanupi, ni hepuahu pe. A'e rupi urenoz xe ihe. Ma'e azapo putar nehe, i'i izupe.

1 Samuel 28:17

Umume'u Tupàn amo ma'e newe wemiapo ràm. Uzapo kar a'e ma'e ihewe. Azapo ihe. Upyro tuwihawete romo nereko haw newi. Omono amo ae awa pe. Omono Tawi pe.