1 Samuel 18:22 - Tupàn zeꞌeg

²² Uze'eg amogwer tuwihaw wanupe. — Peze'eg peho Tawi pe zutyka'i nehe. — Nekatuahy tuwihawete pe, amogwer tuwihaw paw wanupe no, ere izupe nehe. — A'e rupi ikatu Xau tazyr hereko haw nehe, ko 'ar rehe nehe, ere izupe nehe, i'i wanupe.

1 Samuel 18:22 ပူးပေါင်းရင်းမြစ်များ

Salmos 55:21

Ize'eg ikatu wera'u tapi'ak kamykwer ikawer wi a'e. Nezewe rehe we ipy'a pe heta purehe iakatuwawahy 'ymaw. Ize'eg ihym wera'u ma'e kawer wi a'e. Nezewe rehe we omonohok ma'e takihe haime katu ma'e ài.

Provérbios 29:12

Aze tuwihaw uzekaiw temu'emaw rehe, ipytywà har paw uzeapo ikatu 'ym ma'e romo wà.

1 Samuel 18:21

Nezewe i'i uzeupe. — Amono putar Mikaw Tawi pe hemireko romo ihe nehe. Wiko putar puruzuka haw zàwenugar romo izupe nehe. Aze ru'u Piri ywy rehe har uzuka putar wà nehe kury, i'i uzeupe. A'e rupi uze'eg wi Tawi pe kury. — Ereiko putar herazywen romo nehe, i'i izupe.

1 Samuel 18:23

Uze'eg oho Tawi pe wà. Uwazar Tawi wanupe. — Hemetarer 'ym ma'e romo aiko ihe. Ikàg 'ym ma'e romo no. Na'ikatu kwaw ikàg 'ym ma'e tuwihawete tazywen romo heko haw a'e, i'i Tawi tuwihaw wanupe.