1 Coríntios 7:30 - Tupàn zeꞌeg

³⁰ Aze uzai'o ma'e wiko hurywete ma'e ài wà nehe, ikatu wera'u wà nehe. Upukapuka ma'e wà, tuwe wiko uzemumikahy ma'e ài wà nehe no. Ma'e ime'eg kar har wà nehe, tuwe wiko a'e ma'e izar 'ym ài wà nehe no.

1 Coríntios 7:30 ပူးပေါင်းရင်းမြစ်များ

Salmos 30:5

Neremumaw kwaw 'ar tetea'u nekwahy pà ne. Nekatu haw nupytu'u pixik kwaw. Amo upuner pytun gatu imumaw paw rehe uzai'o pà ma'e rehe a'e wà. Iku'em mehe ur wi hurywete haw.

Eclesiastes 3:4

Zazemumikahy zanezemumikahy haw 'ar mehe. Zanerurywete zanerurywete haw 'ar mehe no. Zazai'o zanezai'o haw 'ar mehe. Zapynyk zanepynykaw 'ar mehe no.

Isaías 25:8

Tupàn Tuweharupi Wiko Ma'e umumaw putar tuwe màno haw nehe. Nezewe mehe teko numàno kwaw wà nehe. Umuxinig putar teko paw wanehay kwer nehe, uzemumikahy ma'e wamurywete kar pà nehe. Umukàzym kar putar wemiaihu wamaranugar haw nehe. Tupàn Tuweharupi Wiko Ma'e umume'u ko ze'eg kwez kury.

Isaías 30:19

Teko Zeruzarez pe har wà, Xiàw rehe har wà, pepytu'u putar pezai'o re nehe. Penoz putar pepytywà àwàm nehe. Tupàn Tuweharupi Wiko Ma'e pepuhareko putar nehe. Wenu putar peze'eg nehe. Pepytywà putar nehe.

Ezequiel 7:12

Uhem amo 'ar iko. Na'iàrew kwaw kury. A'e 'ar mehe teko ume'eg e ma'e wà nehe, ume'eg kar e ma'e wà nehe no. Ta'e Tupàn Tuweharupi Wiko Ma'e ikwahy haw u'ar wanehe paw rupi nehe xe, ikàg ma'e wanehe nehe, ikàg 'ym ma'e wanehe nehe no.

Lucas 16:25

Uze'eg Àmàrààw izupe kury. — Nema'enukwaw ywy rehe nereko awer rehe nehe ty, hera'yr. A'e pe nereko mehe erereko ma'e ikatuahy ma'e paw rupi ne. Ikatu 'ym ma'e iaiw ma'e zutyka'i Arazar wereko a'e. Xe hekon kury, ikatu haw rehe hekon. Ma'erahy ipuraraw paw rehe ereiko ne kury.

Lucas 6:21

Pema'uhez peiko no, penurywete nehe no, ta'e amo 'ar rehe penewykàtà putar nehe xe, penurywete putar nehe xe. Pezemumikahy peiko pezai'o pà, pepuka putar nehe no.

Lucas 6:25

Pe temi'u tetea'u hereko har pe ty wà, pezemumikahy putar nehe, ta'e pema'uhez putar nehe xe. Pe ko 'ar rehe upuka ma'e pe ty wà, pezai'o putar nehe, pezemumikahy putar nehe.

João 16:22

Nezewegatete peiko putar nehe no. Pezemumikahy kury. Apuexak wi putar ihe nehe. Penurywete putar tuwe nehe. Ni amo nupuner kwaw pemuzemumikahy kar wi haw rehe a'e wà nehe.

1 Coríntios 7:29

Na'arewahy teko upuraraw putar ma'erahy kwer tetea'u a'e wà nehe. A'e rupi aze awa hemireko ma'e wiko awa hemireko 'ym ma'e ài a'e wà nehe, waneko haw ikatu wera'u wanupe nehe.

1 Coríntios 7:31

Ma'e ko ywy rehe har hereko har wà nehe, tuwe wiko hereko 'ymar ài wà nehe. Ta'e na'arewahy ko ywy uzeapo putar amo ae ma'e romo a'e nehe xe.

Apocalipse 18:7

Umur ma'e tetea'u uzeupe a'e, hemetarer katu ma'e romo hekon a'e. Nezewegatete pepuraraw kar ma'erahy tetea'u izupe nehe no. Ta'e nezewe i'i uzeupe a'e xe, — Aiko xe ihe, aiko tuwihaw kuzà romo ihe. Naiko kwaw kuzà imen umàno ma'e kwer romo ihe. Nazemumikahy pixik kwaw ihe nehe, i'i mua'u iko uzeupe.

Apocalipse 7:17

— Ta'e Àràpuhàràna'yr zàwenugar a'e nehe xe, tuwihaw henaw mytepe har a'e nehe xe, wiko putar wanehe uzekaiw ma'e romo a'e nehe xe, i'i ihewe. — Weraha putar wemiaihu ytyzuzàmaw pe a'e wà nehe, wamui'u kar pà a'e pe a'e wà nehe, 'y purumuigo kar har i'u kar pà wanupe a'e wà nehe, i'i ihewe. — Na'e Tupàn uhyuhyw putar wanehay kwer wanuwi a'e nehe, i'i ihewe.