1 Coríntios 13:9 - Tupàn zeꞌeg

⁹ Ma'e kwaw par a'e wà, nukwaw katu kwaw ma'e paw a'e wà. Ze'eg imume'u har a'e wà, numume'u katu kwaw ze'eg paw a'e wà.

1 Coríntios 13:9 ပူးပေါင်းရင်းမြစ်များ

Jó 26:14

Tupàn upuner ma'e tetea'u iapo haw rehe, wyzài ikàg ma'e iapo haw rehe. Xo màràn zo amume'u kwez xe peme. Mo upuner ipuner haw uhua'u haw ikwaw paw rehe wà.

Salmos 139:6

Màràzàwe tuwe hekwaw katu pe nezewe. Nakwaw kwaw ihe. Nema'ekwaw paw uhua'u a'e. Napuner kwaw ikwaw paw rehe ihe.

Salmos 40:5

O Tupàn Tuweharupi Wiko Ma'e urezar. Erezapo ma'e uhua'u ma'e urewe ne wà. Naheta kwaw amo nezàwenugar wà. Eremume'u ikatuahy ma'e urewe neremiapo ràm. Aze mo heze'eg wer a'e ma'e nànàn, Napuner iwer mo, ta'e heta tetea'u a'e wà xe. Teko nupuner kwaw wapapar haw rehe wà.

Provérbios 30:4

Mo ukwaw ywak rehe har paw rupi. Mo upyhyk ywytu opo pupe. Mo uwàuwàn 'y pàn pupe. Mo omono ita ywyzaw muite wera'u har rehe. Aipo erekwaw a'e awa. Aipo erekwaw ta'yr.

Mateus 11:27

— Heru a'e. Umur ma'e ihewe paw rupi a'e. Ihe ta'yr romo aiko ihe. Ni amo nahekwaw kwaw a'e wà. Xo heru zo hekwaw a'e. Ni amo nukwaw kwaw heru a'e wà. Xo ihe zo akwaw ihe. Aze hepurexak kar wer hehe amo pe nehe, aexak kar putar izupe nehe. Na'e uze'eg teko wanupe kury.

Romanos 11:34

Nezewe i'i ze'eg kwehe arer a'e. — Ni amo nukwaw kwaw Tupàn ima'enukwaw paw a'e wà. Ni amo nupuner kwaw Tupàn heruze'egaw rehe a'e wà.

1 Coríntios 13:10

Ur putar ikatu 'ygwer iapo 'ymar a'e nehe, ikatuahy a'e. Tur mehe zapytu'u putar agwer ma'e iapo re zane nehe. Ta'e agwer ma'e nuhyk kwaw zanewe a'e wà xe. Ta'e Zaneruwihawete uhyk putar zanewe a'e 'ar mehe nehe xe.

1 Coríntios 13:12

Aze zame'e waruwa izipiw ma'e rehe nehe, nazazexak katu kwaw nehe. Aze zame'e tuwe ma'e rehe nehe, xixak katu nehe. Nezewegatete naxikwaw katu kwaw Zezuz ko 'ar rehe zane kury. Tur mehe xikwaw katu putar nehe. Xo màràn ma'e akwaw kury. Nakwaw katu kwaw ma'e tetea'u. Tur mehe hexak mehe akwaw katu putar ma'e paw rupi nehe. Tupàn hekwaw katu tuwe a'e. Heremigwaw ràm nuzawy kwaw a'e Tupàn hemigwaw ihe nehe.

1 Coríntios 2:9

Nezewe i'i ze'eg kwehe arer a'e. Ma'e hexak pyr 'ym, Ma'e henu pyr 'ym, Ma'e ikwaw pyr 'ym, A'e ma'e Tupàn umuhyk iko wemiamutar wanupe kury.

1 Coríntios 8:2

— Akwaw ikatu ma'e ihe, aze amo i'i nehe, nuiko kwaw ma'e kwaw katu har romo a'e nehe.

Efésios 3:8

Ihe naiko wera'u kwaw amogwer wanuwi ihe, amogwer Tupàn hemiruze'eg wanuwi ihe. Tupàn umur uze'eg ihewe a'e, zutew 'ym wanupe hemono kar pà a'e. Zaiko putar hemetarer katu ma'e ài Zaneruwihawete inuromo zane nehe. Tupàn umume'u kar nezewe haw kwez zutew 'ym wanupe kury.

1 João 3:2

Hemyrypar heremiamutar wà. Zaiko Tupàn purumuzàmuzàg ài zane kury. Zaiko putar amo ae ma'e romo zane nehe no. Naxikwaw katu kwaw a'e ma'e romo zanereko àwàm. Xo ko ma'e zo xikwaw katu kury. Zaneruwihawete tur mehe nehe, zaiko putar izàwe nehe, ta'e xixak putar tuwe zane nehe xe. Xixak putar hexakaw nehe. Xixak putar ikàgaw nehe no.