1 Coríntios 13:10 - Tupàn zeꞌeg

¹⁰ Ur putar ikatu 'ygwer iapo 'ymar a'e nehe, ikatuahy a'e. Tur mehe zapytu'u putar agwer ma'e iapo re zane nehe. Ta'e agwer ma'e nuhyk kwaw zanewe a'e wà xe. Ta'e Zaneruwihawete uhyk putar zanewe a'e 'ar mehe nehe xe.

1 Coríntios 13:10 ပူးပေါင်းရင်းမြစ်များ

Isaías 24:23

Zahy upytu'u putar uhyape re nehe, ta'e imaranugar putar nehe xe. Kwarahy hakuir putar ukyze haw wi nehe, ta'e Tupàn Tuweharupi Wiko Ma'e Ikàg Wera'u Ma'e wiko putar tuwihawete Xiàw ywytyr rehe nehe xe, Zeruzarez tawhu pe nehe xe. Wemiaihu wanuwihaw wanenataromo wexak kar putar ukàgaw nehe. Wexak kar putar upuràg eteahy haw nehe no.

1 Coríntios 13:11

Hekwarer mehe aze'eg kwarer ài ihe, hema'enukwaw ma'e rehe kwarer ài ihe, pixika'i heremigwaw ihe. Kwarer ài aiko a'e mehe. Ko 'ar rehe awa romo aiko kury. A'e rupi nazapo kwaw ma'e hekwarer mehe arer zàwenugar ihe kury. Naiko kwaw kwarer ài kury. (Nezewegatete naxikwaw katu kwaw ma'e ko 'ar rehe zane. Zezuz tur mehe xikwaw katu putar nehe.)

1 Coríntios 13:12

Aze zame'e waruwa izipiw ma'e rehe nehe, nazazexak katu kwaw nehe. Aze zame'e tuwe ma'e rehe nehe, xixak katu nehe. Nezewegatete naxikwaw katu kwaw Zezuz ko 'ar rehe zane kury. Tur mehe xikwaw katu putar nehe. Xo màràn ma'e akwaw kury. Nakwaw katu kwaw ma'e tetea'u. Tur mehe hexak mehe akwaw katu putar ma'e paw rupi nehe. Tupàn hekwaw katu tuwe a'e. Heremigwaw ràm nuzawy kwaw a'e Tupàn hemigwaw ihe nehe.

1 Coríntios 13:9

Ma'e kwaw par a'e wà, nukwaw katu kwaw ma'e paw a'e wà. Ze'eg imume'u har a'e wà, numume'u katu kwaw ze'eg paw a'e wà.

Filipenses 3:12

— Aiko Zaneruwihawete zàwegatete ihe kury, nazapo pixik kwaw ikatu 'ym ma'e ihe kury, na'e kwaw peme. Zaneruwihawete Zezuz hepyro ikatu 'ym ma'e wi a'e, ikatuahy ma'e romo hemuigo kar pà a'e, ikatuahy ma'e iapo har romo hemuigo kar pà a'e. Tuweharupi azeagaw izàwe hereko pà.