ZACARÍAS 9:9 - Biblia Guarani Tumpa Iñee

⁹ ¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

ZACARÍAS 9:9 ပူးပေါင်းရင်းမြစ်များ

1 REYES 1:38

Jayave sacerdote Sadoc, jare ñeemombeúa Natán, jare Benaía, Joiada taɨ, jare cereteo reta jare peleteo reta yogüɨraja, ombopo Salomón, David imburika guasu re, jare güɨraja reta Gihón pe.

SALMOS 149:2

Israel iñemuña reta, peyerovia peApoa re; Sión pegua reta, peyerovia peRuvicha guasu re.

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

SALMOS 45:1

Tɨnɨeasɨ ñee kavi chepɨa; chekü ombaekuatía vae ilapi isɨrɨkɨ yae rami. ¡Amondota chetairari mburuvicha guasu pe!

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 30:6

Ɨvɨ Neguev pegua mbaeporou reta maratuta vae regua: Ɨvɨ jeta mbaesusere pɨpe vae rupi, jeta pɨpe yaguapope reta, mboi jare mboi oveve vae, jokoropi güɨraja reta imbaembae ikavigüe jare jepɨ vae mburika re jare camello re, güɨraja reta omboepɨ yemborɨ Egipto pe, tëta mbaetɨta ipuere omborɨ vae pe,

ISAÍAS 33:22

Echa yandeYa ko jae oporojäa vae yandevegua, jae ko omee yandeve mborookuai vae, jae ko yandeRuvicha guasu, jae etei ko yandereepɨta.

ISAÍAS 40:9

Eyeupi ɨvɨtɨ ɨvate vae re, esapúkai täta emombeu ñee kavi reru Sión peguarä vae, ñee kavi reru Jerusalén peguarä vae, esapúkai rekɨɨyembae reve, ere Judá pegua tëta guasu reta pe: “¡Ko oï peTumpa!”

ISAÍAS 43:11

Che ko peYa, mbaetɨ yé ko oime chegüi ïru ipuere oporoepɨ vae.”

ISAÍAS 43:3

Echa, che ndeYa Tumpa ndereroasayepe vae ko, Tumpa Iyoambae Israel pegua. Che ko rogua; amee ko nderekovia pe Egipto, Etiopía jare Sabá.

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

ISAÍAS 52:7

¡Ipöra yae ko ɨvɨtɨ reta re oyekuaa ou, ñee ikavigüe yerovia pegua omoërakua vae, mbɨakatu omoërakua vae, mbae ipɨau ikavigüe omoërakua vae, yereroasayepe omoërakua vae, Sión pe jei vae: “NeTumpa oï mburuvicha guasurä”!

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 62:11

Mase, yandeYa omoërakuauka opaete ɨvɨ iyapɨ rupi ave körai: “Pere tëta guasu Sión pegua reta pe, ou ma oväe Jeroasayepea. YandeYa güeru imbae vae reta, opa opɨ̈ro güire.”

JEREMÍAS 30:9

Oyeokuai retata che iYa, Tumpa pe, jare David iñemuña amopüata juvicha guasurä vae pe.”

EZEQUIEL 21:32

Peyeapɨukata, perugüɨ oyepɨyereta kuae ɨvɨ pe, ngaraa ye ma kia imaendúa peré, echa che peYa jae jökorai.”

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

MIQUEAS 4:8

Nde Jerusalén, jae ko Sión pegua reta imaeka jare ikësea; renoi yeta mbaepuere tenonde yave rami, ndegüi mburuvicha guasu reta oporookuai yeta.”

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

ZACARÍAS 2:10

YandeYa jei: “Petairari jare peyerovia Sión pegua reta, echa ko ayu, jare aikota pepɨte pe.”

San Mateo 1:21

María imembɨta metei kuimbae raɨ, jare rembojeeta Jesús. Echa jae omboasata imbae vae reta imbaeyoa reta güi.”

San Mateo 11:29

Peiko cheré, jare peyemboe che añemomichi ko vae re. Jare peväeta perekove oputuu vaerä.

San Mateo 2:2

Jare oparandu reta: —¿Kia pe pa oime oï michia judío reta juvicha guasurä oikota vae? Echa roecha iyasɨtata kuaraɨ oëa kotɨ güi. Jáeramo royu romboete vaerä.

San Marcos 11:7

Jayave güeru mburika kuimbae taɨrusu vae Jesús oïa pe. Jare Jesús jemimboe reta oñono iñeapevaka mburika ikupe re, jare Jesús opo jese.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Juan 1:49

Jayave Natanael jei chupe: —Oporomboe vae. ¡Nde ko jae Tumpa Taɨ. Nde ko jae Israel pegua reta Juvicha guasu!

San Juan 19:15

Jayave jae reta osapúkai reve jei: —¡Tomano, tomano! ¡Eikutuuka kurusu re! Pilato oparandu chupe reta: —¿Aikutuukata pa peruvicha guasu kurusu re? Jayave sacerdote reta itenondegua reta jei: —Jaeño ko César oreruvicha guasu.

JUECES 10:4

Jair güɨnoi treinta taɨ, mburika re opo vae reta, jare güɨnoi treinta tëta guasu; kuae tëta guasu reta jee “Jair jëta guasu reta”. Kuae reta ñogüɨnoi ɨvɨ Galaad pe.