ZACARÍAS 9:14 - Biblia Guarani Tumpa Iñee

¹⁴ YandeYa oyekuaaukata jese reta, imbae vae reta rupi juvɨ oëta ama-vera rami. YandeYa Tumpa omoñeeta mimbɨguasu, jare ojota ɨvɨtuai arayevɨ pegua ndive.

ZACARÍAS 9:14 ပူးပေါင်းရင်းမြစ်များ

JOB 37:9

Arayevɨ kotɨ güi ou kusumirou, jare iroɨ ou ɨvɨtuguasu kotɨ güi.

SALMOS 18:14

Ojäa juvɨ jare opa omoai moai tovaicho reta, ombou ama-tiriri jare opa omokañɨtei.

SALMOS 18:15

Oyekuaa ɨguasu jugua, opɨta ikatu pe ɨvɨ iguapɨka reta, neñeengata rupi cheYa Tumpa, neäpɨgua rupi nepɨ̈túe remoë vae rupi.

ISAÍAS 18:3

Pe reta, opaete ɨvɨ pegua reta, bandera oñemopüa ɨvɨtɨ re yave pemae jese, jare mimbɨguasu oñemoñee yave peyeapɨsaka jese.

ISAÍAS 21:1

Ɨguasu iyɨ́vɨri ñuu oï vae maratuta vae regua: Kusumirou Neguev kotɨ güi ou vae rami, jökorai ou ñuu kotɨ güi ɨvɨ yavaete vae kotɨ güi.

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

ISAÍAS 31:5

Güɨra oveve jaitɨ iárambo rupi oyangareko vaerä, jökoraita yandeYa Imbaepuere yae ete vae oyangareko Jerusalén re, oñovatuta, güɨroasayepeta, oepɨta, oyorata.”

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

HABACUC 3:11

Kuaraɨ jare yasɨ opɨta jenda pe, nderuvɨ jembipe, jare nemii jembipe yae vae oecha reta yave.

HABACUC 3:14

Itenondegua reyuka imii raɨ pe ae, ama ɨvɨtuai reve rami yavaete oporepeña yave ikavayu regua reta opa vaerä omoai moai ipuerembae vae reta, omboai vaerä paravete vae reta oikuaambae reve.

ZACARÍAS 12:8

Jókuae ara rupi yandeYa oepɨta Jerusalén pegua; ipɨte pe oime yave kia nunga vae ipɨtu, jókuae ara ipɨ̈rata yaeta David rami; jare David iñemuña reta imbaepuereta Tumpa rami, yandeYa iaraɨgua ojo tenonde vae rami.

ZACARÍAS 14:3

Jaɨkue rupi yandeYa oëta jare oñerarota jókuae tëtaguasu reta ndive, ñeraro iara pe oñoraro rami.

ZACARÍAS 2:5

Ërei yandeYa jei: Che aïta chupe reta ikësearä tata rami, jare aïta ipɨte pe mbaemboetea peguarä.’ ”

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

Romanos 15:19

Espíritu Santo imbaepuere rupi ayapo mɨakañɨ reta. Jare kuae amboɨpɨ Jerusalén güi jare opaete iyɨvɨrigua reta güive Ilírico pe, amotɨnɨe ñee ikavi vae Cristo regua pe.

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

JOSUÉ 10:42

Opaete kuae mburuvicha guasu reta, jare iɨvɨ reta Josué opɨ̈ro opaete voi, echa yandeYa Israel iTumpa oñeraro Israel iñemuña reta jekovia pe.

Apocalipsis 6:2

Amae jare aecha metei kavayu tïi vae, jare opo kavayu re vae güɨnoi güɨrapa. Jare oñemee chupe äka-regua, oë oporomoamɨri vae oporomoamɨri vaerä.