ZACARÍAS 8:8 - Biblia Guarani Tumpa Iñee

⁸ jare aruta yogüɨreko ye Jerusalén pe; joko pe jae reta yogüɨrekota chembaerä, jare che aikota jae reta iTumparä añete pegua jare jupi rupi.”

ZACARÍAS 8:8 ပူးပေါင်းရင်းမြစ်များ

GÉNESIS 17:8

Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua; jare aikota jae reta iTumparä.

JEREMÍAS 11:4

Jae ko jókuae morogüɨrökuavee päve ayapo peñemuñagüe reta ndive vae, anoe reta yave Egipto güi, jókuae horno jiero oyemondɨkui pɨpe rami chupe reta vae güi. Jae chupe reta: Peendu cheñee reta, jare peyapo cheporookuai. Jayave peikota chembaerä jare che aikota peTumparä.

JEREMÍAS 23:8

Jaeño jei retata: ‘YandeYa oikove avei vae jee re Israel iñemuña reta güɨnoe ɨvɨtuguasu kotɨgua ɨvɨ güi vae jare opaete ïru tëtaguasu reta rupi jae opa omoai moaia kotɨ güi vae.’ Jare yogüɨreko retata iɨvɨ ae pe.”

JEREMÍAS 24:7

Ameeta chupe reta kɨ̈reɨ ngatu, chekuaa reta vaerä che ko jae iYa, jare yogüɨrekota chembae retarä, jare che aikota iTumparä, echa oyerova reta yeta chekotɨ opaete ipɨa ndive.

JEREMÍAS 30:22

Yogüɨrekota chembae retarä jare che aikota iTumparä. Che peYa ko jae kuae.”

JEREMÍAS 31:1

YandeYa jei: “Jókuae ara rupi che aikota opaete ñemuña reta Israel pegua iTumparä, jare jae reta yogüɨrekota chembaerä.”

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

JEREMÍAS 32:41

Che ayerovia yaeta ayapo vaerä ikavi vae chupe reta, jare opaete chepɨa-kɨ̈reɨ ngatu reve ameeta yogüɨreko avei vaerä kuae ɨvɨ pe.”

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

EZEQUIEL 11:20

Yogüɨreko reta vaerä cheporookuai reta rupi, jare oyapo retata mborookuai jei vae. Jae reta yogüɨrekota chembaerä jare che aikota iTumparä.

EZEQUIEL 36:28

Peikota ɨvɨ amee peñemuñagüe reta pe vae pe, peikota chembaerä, jare che aikota peTumparä.

EZEQUIEL 36:33

Che peYa Tumpa jae körai: Jókuae ara potɨo opaete peyoa güi yave, ameeta vi peiko vaerä perëta guasu reta pe, jare pemopüa pɨau yeta perëta guasugüe reta.

EZEQUIEL 37:25

Yogüɨreko retata jókuae ɨvɨ amee cherembiokuai Jacob pe vae pe, joko pe yogüɨrekose peñemuñagüe reta. Joko pe yogüɨrekota jae reta, taɨ reta jare iñemuña reta jekuae avei pegua; jare cherembiokuai David rami vae oikota juvicharä jekuae avei pegua.

EZEQUIEL 37:27

Chero mbaemboetea pegua añonota jae reta ipɨte pe, che aikota iTumparä jare jae reta yogüɨrekota chembaerä.

OSEAS 11:11

“Güɨra reta iñäkua oveve rami yogüeruta Egipto kotɨ güi; yogüeruta Asiria güi, pɨkasu rami; jare ameeta yogüɨreko pɨau ye jo ae rupi. Che ndeYa ko jae kuae.

JOEL 3:20

Che ayepɨta jekombae imano re; mbaetɨta cheïro jeko vae pe. Ërei Judá oimeta ipo jekuae avei pegua, jare Jerusalén jae nunga vi. Jare che aikota ɨvɨtɨ Sión pe.

LEVÍTICO 26:12

pepɨte rupi aguatata, che aikota peTumparä, jare pe reta peikota chembaerä.

ZACARÍAS 10:10

Echa che aru yeta Egipto güi; aru yeta Asiria güi. Arajata Galaad jare Líbano pe oata yeta jendarä.

ZACARÍAS 10:6

YandeYa jei: “Che amomɨ̈ratata Judá iñemuña reta, José iñemuña reta ayorata jare amboyerova yeta. Echa aɨu yae reta, jare ñogüɨnoita mbaetɨ etei aröɨro rami. Echa che ko jae iYa Tumpa, aenduta iyerure reta.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

Apocalipsis 21:3

Jare aendu metei ñee tätagüe ara güi jei: “Mase, Tumpa oikoa ko oï ɨvɨ pegua reta ndive. Jae oikota jae reta ndive; ɨvɨ pegua reta yogüɨrekota Tumpa imbaerä, jare Tumpa etei oikota jae reta iTumparä.

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.