ZACARÍAS 8:23 - Biblia Guarani Tumpa Iñee

²³ YandeYa Imbaepuere yae ete vae jei körai: Jókuae ara payandepo kuimbae reta ïru tëtaguasu pegua reta oipɨɨ retata metei judío jemimonde, jei reve: ‘¡Torojo perupíe, echa roendu Tumpa oiko pe ndive!’ ”

ZACARÍAS 8:23 ပူးပေါင်းရင်းမြစ်များ

GÉNESIS 31:41

Jökorai aiko veinte año ndero pe; catorce año aparavɨkɨ ndeve kuae mókoi nderayɨ re, jare ova año nderɨmba reta re, jare cheparavɨkɨ jepɨ reipoepɨ avei chegüi.

GÉNESIS 31:7

jare peru chembotavɨ; cheparavɨkɨ jepɨ oipoepɨ avei chegüi, ërei ngatu, Tumpa mbaetɨ omaeño jese oyapo vaerä cheve ikavimbae;

2 REYES 2:6

Javoi Elías jei chupe: —Romoñera repɨta vaerä kuae pe, echa yandeYa chemondo ɨ̈aka Jordán kotɨ. Ërei Eliseo jei chupe: —YandeYa jee re jare nderee re, ¡ngaraa roeya! Jare yogüɨraja päve reta.

1 CRÓNICAS 12:18

Jayave Tumpa iEspíritu ou Amasai re, jae ko treinta vae reta itenondegua, jare jei: “¡Mbɨakatu toime ndeve David, Isaí taɨ! ¡Mbɨakatu toiko nde ndive! ¡Mbɨakatu toime ndeve jare ndemborɨ vae reta pe, echa neTumpa ndemborɨ!” David omboresive jare oñono reta isundaro ruvicha reta ipɨte pe.

2 CRÓNICAS 15:9

Kuae jaɨkue rupi omboatɨ opaete Judá jare Benjamín pegua reta jare ketɨ güi yogüeru yogüɨreko jae reta ndive vae, jae ko: Efraín, Manasés jare Simeón iñemuña pegua reta, echa jeta ɨvɨ Israel pegua reta oasa Asa oïa kotɨ, echa oecha reta yandeYa Tumpa oï jae ndive.

ESTER 8:17

Opaete tëta ñavo mburuvicha guasu iporookuai ojoa rupi, Judáɨgua reta oyerovia yae jare ipɨakatu, jare oyapo reta arete okaru vaerä jókuae ara. Jare jeta jókuae tëtaɨgua reta oyeapo Judaɨguarä, echa okɨɨye reta Judáɨgua reta güi.

JOB 19:3

Jeta yae ma peiporarauka cheve; ¿mbaetɨ pa pemara peñee rasɨ cheve?

ECLESIASTÉS 11:2

Renoigüe emboyao ïru vae pe, oime renoi rupi, echa mbaetɨ reikuaa ikavimbae outa kuae tëtaguasu re vae.

ISAÍAS 3:6

Amogüe oipɨɨta jëtara jare jeita chupe: “Nde oime vɨteriño nderemimonde; eiko oreruvicharä, ndepo pe toï opaete kuae oikomegua oï vae.”

ISAÍAS 4:1

Jókuae ara mbovɨ yae kuimbae jembɨre jeko pegua, chiu kuña oñomoatata metei kuimbae re, jei retata chupe: “Ore aeño royemongaruta jare ore aeño royembotɨruta, jaeño roipota romenda nde ndive, orereepɨ ñemomarai güi.”

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 45:24

jare jei retata: ‘YandeYa reño ko oime jupi vae jare mbaepuere.’ Jare opaete oyemboyovaicho chekotɨ vae reta, oñemomaraiukata ko.

ISAÍAS 55:5

Mase, reenɨita kuimbae reikuaambae reta, jare kuimbae ndekuaambae reta yogüeruta ndekotɨ, che ndeYa Tumpa jeko pegua, Iyoambae Israel pegua ndemboeteuka vae jeko pegua.

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

ISAÍAS 60:3

Jare nderembipe kotɨ yogüeruta tëtaguasu reta, mburuvicha guasu reta yogüeruta vi nderembipe kotɨ.

ISAÍAS 66:18

“Echa che aikuaa nderembiapo reta, jare ndeyemongeta reta. Oväeta ara, amboatɨ vaerä opaete tëtaguasu jare ñee ambuae mbuae pe imiari vae reta, yogüeruta jare oecha retata cheyemboetea.

MIQUEAS 5:5

Jae oikota yandemombutuu vaerä, Asiriaɨgua reta yogüeru yave yandeɨvɨ pe, jare opɨ̈ro reta yave yanderuvicha guasu jo, jayave yamboyovaichota ikotɨ reta, chiu omaangareko vae reta, jare juri kuimbae tuichagüe tëta ruvicha.

SOFONÍAS 3:19

Jókuae ara che, añemopüata opaete oiporarauka ndeve vae reta kotɨ. Amborɨta vecha iköcho vae, aru yeta okañɨgüe; amboeteukata jare jërakua yaeta opaete ɨvɨ rupi.

NÚMEROS 14:22

Opaete oecha reta cheyemboetea vae, mɨakañɨ ayapo Egipto pe vae, ñuu rupi vae, jare ojäa reta tëi chepɨaguasu payandepo ye ma vae, jare mbaetɨ oendu reta cheñee vae,

San Lucas 8:44

Jae oya Jesús re ikupe kotɨ rupi jare opoko jemimonde jembeɨ re. Jare jupivei jugüɨ guasu opɨta chugüi.

Hechos 19:12

Echa ïru vae reta güɨraja yave Pablo ipañuera ani mbae nunga jemimonde omboya imbaerasɨ vae reta re yave okuera, jare aña reta osɨrɨ oya jese vae reta güi.

1 Corintios 14:25

jökorai oyekuaata chupe opaete ipɨa pe oï vae, jare oyetavatɨkata omboete reve Tumpa, jare jeita kërai añetete Tumpa oiko pepɨte pe.

JOSUÉ 8:35

Opaete Moisés iporookuai güi, Josué mbaetɨ metei ave ñee omongetaukambae opaete Israel iñemuña reta pe vae, kuña reta, michia reta jare ketɨgua reta yogüɨreko jae reta ipɨte pe vae pe.