ZACARÍAS 8:22 - Biblia Guarani Tumpa Iñee

²² Jare jeta vae jare tëtaguasu reta imbaepuere yae vae yogüɨrajata oeka yandeYa Imbaepuere yae ete vae Jerusalén pe, oiporu vaerä yandeYa iporerekua.

ZACARÍAS 8:22 ပူးပေါင်းရင်းမြစ်များ

SALMOS 68:30

Emokïrii, tembiporu ñeraro pegua ndive oyemboatɨ vae reta, jókuae toro jare toro taɨrusu vae reta jetagüe rami vae, yogüɨreko regua rerea re opaete imbaembae korepoti pegua ndive, opa emoai moai iñorarose vae reta.

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

ISAÍAS 25:7

Kuae ɨvɨtɨ re yandeYa opata omboai ñeapevaka rami vae, tëta guasu reta oñeapeva ñogüɨnoi pɨpe vae, tëtaguasu reta oyeasoi ñogüɨnoi pɨpe vae;

ISAÍAS 49:22

YandeYa jei: “Ayokuaita opaete vae tëtaguasu reta, güeru reta vaerä iyɨva re nemembɨ reta, jare nememɨkuña reta iyatiɨ re.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 55:5

Mase, reenɨita kuimbae reikuaambae reta, jare kuimbae ndekuaambae reta yogüeruta ndekotɨ, che ndeYa Tumpa jeko pegua, Iyoambae Israel pegua ndemboeteuka vae jeko pegua.

ISAÍAS 66:23

Yasɨ pɨau iarete ñavo pe, jare ara mbutuu iara ñavo yogüeruta opaete vae chemboete. Che peYa ko jae kuae.

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

MIQUEAS 4:2

Jeta vae tëtaguasu reta yogüeruta, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä jemimbota re, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

MIQUEAS 4:3

Jare oporojäata jeta vae tëta reta re, jare ombosɨmbita tëtaguasu reta imbaepuere yae vae jeko, mombɨrɨ ñogüɨnoi vae reta ave; jare opata oyapaso martillo pe ikɨsepuku reta, oyapo vaerä äsarourä jare imii reta oyapota tembiporu hozrä; tëtaguasu reta mbaetɨta ma oupi oyokotɨ kɨsepuku, jare ngaraa ye ma oime yemboe ñeraro peguarä.

HAGEO 2:7

Jare amborɨrɨita opaete tëtaguasu reta, jare yogüeruta opaete tëtaguasu reta kuae kotɨ imbaeyekou reta ndive; amotɨnɨeta mbae ikavigüe pe kuae o, jei yandeYa Imbaepuere yae ete vae.

ZACARÍAS 14:16

Jare opaete oikoveño yogüeru oporepeña Jerusalén re vae reta, oyeupita año ñavo omboete vaerä Mburuvicha guasu, yandeYa Imbaepuere yae ete vae jare omboareteta o ñairaka pegua.

ZACARÍAS 8:21

Jare metei tëta pegua reta yogüɨrajata ïru tëta pe jare jei retata: ‘Yaja yaiporu Tumpa ipɨakavi, jare yaeka yandeYa Imbaepuere yae ete vae.’ ‘¡Torojo vi ore!’ Jeita ïru reta.

Gálatas 3:8

Tumpa Iñee pe jei voi kërai Tumpa ombojupiukata iporogüɨrovia rupi judiombae vae reta ramo, omombeu voi ñee ikavi vae Abraham pe, jei reve: “Ndereko pegua opaete ɨvɨ pegua reta oyekouta.”

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”

Apocalipsis 21:24

Opaete tëtaguasu oyemboasauka vae oguatata jókuae tëta jembipe pe, jare ɨvɨ pegua mburuvicha guasu reta güeru retata imbaeyekou reta chupe.