ZACARÍAS 8:21 - Biblia Guarani Tumpa Iñee

²¹ Jare metei tëta pegua reta yogüɨrajata ïru tëta pe jare jei retata: ‘Yaja yaiporu Tumpa ipɨakavi, jare yaeka yandeYa Imbaepuere yae ete vae.’ ‘¡Torojo vi ore!’ Jeita ïru reta.

ZACARÍAS 8:21 ပူးပေါင်းရင်းမြစ်များ

2 CRÓNICAS 11:16

Jare opaete ñemuña reta Israel pegua ipɨa pe oyemongeta oeka yandeYa Israel iTumpa vae, yogüɨraja vi sacerdote jare levita reta rami Jerusalén kotɨ, omee vaerä mɨmba oyeyukagüe yandeYa pe, iñemuñagüe reta iTumpa pe.

SALMOS 103:22

¡Pemboete yandeYa, opaete pe jembiapo reta, opaete jae iporookuaía oïa rupi! ¡Tamboete cheYa opaete chepɨa ndive!

ISAÍAS 2:3

jeta vae yogüeruta ketɨ ketɨ güi, jare jei retata: “Peyu yayeupi yandeYa iɨvɨtɨ re, Jacob iñemuña reta iTumpa jo kotɨ; jae yandemboe vaerä kërai yaiko vaerä, yaguata vaerä jae jemimbota rupi.” Echa Sión jae ko Jerusalén, joko güi oëta mborookuai jare yandeYa iñee.

JEREMÍAS 31:6

Echa oväeta ara omaeäro vae reta osapúkai vaerä ɨvɨtɨ Efraín re, jei reve: ‘Peyu, yaja Sión pe, yamboete vaerä yandeYa Tumpa.’ ”

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

ZACARÍAS 7:2

Bet-el pegua reta omondo Sarezer, Regem-melec ndive jare jupiegua kuimbae reta, oiporu vaerä yandeYa ipɨakavi.

ZACARÍAS 8:22

Jare jeta vae jare tëtaguasu reta imbaepuere yae vae yogüɨrajata oeka yandeYa Imbaepuere yae ete vae Jerusalén pe, oiporu vaerä yandeYa iporerekua.

San Juan 1:37

Jare jókuae mókoi jemimboe oendu yave, yogüɨraja Jesús jupíe.