ZACARÍAS 8:20 - Biblia Guarani Tumpa Iñee

²⁰ YandeYa Imbaepuere yae ete vae jei körai: “Yogüeru vɨterita jeta vae ïru tëta guasu pegua reta.

ZACARÍAS 8:20 ပူးပေါင်းရင်းမြစ်များ

1 REYES 8:41

Jökoraiño vi ketɨgua, tëta ndembae peguambae vae, yogüeru yave mombɨrɨ güi nderee oendu jeko pegua

1 REYES 8:43

eendu ara pe, jókuae reikoa pe, jare emee chupe opaete jae oiporugüe, ndekuaa vaerä tëtaguasu reta opaete ɨvɨ rupi jare omee mbaemboete ndeve tëta Israel ndembae vae oyapo rami, jökorai toikuaa kuae tupao amopüa ndeve vae pe nderee oyemboete vae.

SALMOS 102:22

oyemboatɨ yave opaete tëtaguasu reta ketɨ ketɨ güi, metei rami oyeokuai reta vaerä yandeYa pe.

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

SALMOS 72:17

¡Mburuvicha guasu jee toiko avei! ¡Tijërakua avei jee toiko, kuaraɨ oime ramboeve! ¡Jese toyekou opaete tëtaguasu reta! ¡Jese timiari kavi opaete tëtaguasu reta!

SALMOS 89:9

Nde renoi mbaepuere ɨguasu iñaro re, remokïrii opüa yave iɨaparúa reta;

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 45:14

YandeYa jei körai Ciro pe: “Egiptoɨgua reta iparavɨkɨ reta, Etiopíaɨgua omaemee vae reta, Sabáɨgua reta, kuimbae ipuku vae reta, opata oñemee ndeve jare yogüɨrekota nderembiokuairä; reñapɨtita opa reraja nderaɨkue, oyetavatɨka retata nderóvai jare nemoñera retata körai: ‘Añetete oime Tumpa oï nde ndive, mbaetɨ ïru Tumpa chugüi.’ ”

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

OSEAS 2:23

Añonota cheyeupe chembae reta jókuae ɨvɨ pe chembaeräño; anoita mboroparareko Lo-ruhama re; jaeta Lo-ammi pe: ‘Nde ko jae tëta chembae’, jare jae jeita: ‘¡CheTumpa ko nde!’ ”

AMÓS 9:12

Edom güi jembɨregüe jare ïru tëtaguasu reta ou ye vaerä opɨta tëta Israel, cheree omboete vae imbaerä.” YandeYa, opaete mbaembae oyapo vae, jei körai.

MIQUEAS 4:3

Jare oporojäata jeta vae tëta reta re, jare ombosɨmbita tëtaguasu reta imbaepuere yae vae jeko, mombɨrɨ ñogüɨnoi vae reta ave; jare opata oyapaso martillo pe ikɨsepuku reta, oyapo vaerä äsarourä jare imii reta oyapota tembiporu hozrä; tëtaguasu reta mbaetɨta ma oupi oyokotɨ kɨsepuku, jare ngaraa ye ma oime yemboe ñeraro peguarä.

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Mateo 8:11

Che jae peve, jeta vae yogüeruta kuaraɨ oëa kotɨ güi jare kuaraɨ oikea kotɨ güi jare oguapɨ retata Abraham, Isaac jare Jacob ndive araɨgua mborookuaía pe.

Hechos 15:14

Simón omombeu ma yandeve kërai Tumpa jaeramo etei ou judiombae vae reta pɨri, oiparavo vaerä chugüi reta amogüe tëta jae imbaerä.

Hechos 15:18

Che peYa aikuaauka kuae arakae güive vae, jae körai.”

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”