ZACARÍAS 8:17 - Biblia Guarani Tumpa Iñee

¹⁷ Jare metei ave pegüi agüɨye peyemongeta pɨ̈chɨi pepɨa pe perapicha kotɨ, agüɨye pemomora mbae pere añetete rami Tumpa jee re ave; echa opaete kuae mbaembae ko aröɨro, jei yandeYa.”

ZACARÍAS 8:17 ပူးပေါင်းရင်းမြစ်များ

SALMOS 10:3

Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

SALMOS 101:3

agüɨye tamae mbae jupimbae re. Aröɨro, jupimbae Tumpa kotɨ vae reta; ¡ngaraai amaeño oya reta cheré!

PROVERBIOS 3:29

Agüɨye eyemongeta pɨ̈chɨi nderapicha kotɨ, ndererovia katu reve oiko ndeɨpɨ pe vae kotɨ.

PROVERBIOS 6:14

ipɨa ikavimbae kotɨño, oyemongeta oyapo avei vaerä ikavimbaeño jare oporomoñorarouka.

PROVERBIOS 8:13

YandeYa güi yaipoɨu vae, jae ko ñaröɨro ikavimbae vae. Che aröɨro ko pɨayemboete, yembotuicha, teko ikavimbae jare apu.

JEREMÍAS 4:14

Jerusalén, ndepɨa eitɨo ikavimbae güi reasayepe vaerä, ¿kërai yave regua pa remaeñota oiko, yemongeta ikavimbae ndepɨa pe?

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

HABACUC 1:13

Ikɨa vaeä ko nde remae vaerä ikavimbae re jare ndepɨakatu vaerä jese; jayave, ¿maera pa remaeño oporoyuka vae reta re, jare kïriiño remae jeko kavimbae vae reta re omboai yave jeko ikavi chugüi vae reta?

ZACARÍAS 7:10

Agüɨye perekoasɨ katu imemano vae, tɨ̈reɨ, ketɨgua, ani paravete vae. Agüɨye metei ave toyemongeta pɨ̈chɨi ipɨa pe ïru vae kotɨ.’

ZACARÍAS 8:18

YandeYa Imbaepuere yae ete vae jei cheve körai:

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 12:35

Kuimbae ipɨa ikavi vae, jei mbae ikavigüe vae. Jare kuimbae ipɨa ikavimbae, jei vi mbae ikavimbae.

San Mateo 15:19

Echa pepɨa güi ko oë opaete yemongeta ikavimbae vae reta: mboroyuka reta, yuvanga menda re vae, aguasa reta, monda reta, iyapu reve imiari japicha re vae, ikavimbae jei Tumpa kotɨ vae.

San Mateo 5:28

Ërei che jae peve, kia nunga vae ipɨa pe iporopota reve omae yave kuña re, oyuvanga ma ko menda re ipɨa pe.