ZACARÍAS 8:13 - Biblia Guarani Tumpa Iñee

¹³ Jare peiko yepopeyurä ïru tëtaguasu reta ipɨte rupi, pe Judá jare Israel pegua reta, jökorai pogüɨroasayepeta jare peïta mborerekuarä. Agüɨye peyembopɨtu ¡Agüɨye pekɨɨye! ¡Jaeño peñemomɨ̈rata yae!”

ZACARÍAS 8:13 ပူးပေါင်းရင်းမြစ်များ

GÉNESIS 26:4

Ambojetata neñemuña, ara re yasɨtata rami, jare ameeta ndeve opaete kuae ɨvɨ. Jare neñemuña rupi opaete tëtaguasu reta re outa mborerekua.

SALMOS 44:16

cherovaicho jei jare oeka ikavimbae oyapo vaerä cheve vae jeko pegua, tovaicho jare iyepɨse vae jeko pegua.

SALMOS 72:17

¡Mburuvicha guasu jee toiko avei! ¡Tijërakua avei jee toiko, kuaraɨ oime ramboeve! ¡Jese toyekou opaete tëtaguasu reta! ¡Jese timiari kavi opaete tëtaguasu reta!

SALMOS 79:4

Orerëta-ɨpɨ pegua reta oreyóyai yóyai vaeräño roiko, oreyóyai yóyai oreɨvɨrigua reta.

ISAÍAS 43:28

peruvicha reta omongɨa chero mbaemboetea; jáeramo, tëta Israel, Jacob iñemuña reta amaeño opa okañɨtei jare oyeyoyaiuka.”

JEREMÍAS 24:9

Ayapota chupe reta vae rupi opaete tëtaguasu reta okɨɨye yaeta, jare omae kavi potaä jese reta; yogüɨrekota susere rupi jare ñeerä, yeyóyai yóyai rupi jare yepopeyurä opaete ɨvɨ rupi che amoai moaia rupi.

JEREMÍAS 25:18

Amee oɨu jese Jerusalén jare tëta guasu reta Judá pegua, mburuvicha guasu reta jare mburuvicha reta, oyemboai vaerä jare oyeeya vaerä tëtagüerä, oyeyóyai yóyai vaerä, yepopeyurä, añave oasa oï rami.

JEREMÍAS 26:6

che ayapota kuae tupao ndive, Silo ayapo rami. Jare kuae tëta guasu añonota yepopeyu pe, opaete tëtaguasu reta ɨvɨ pegua reta jóvai.’ ”

JEREMÍAS 29:18

Pogüɨrekota ñeraro rupi, karuai rupi jare mbaerasɨ ovakatu vae rupi. Poapota opaete tëtaguasu reta omae kaviä vaerä peré, peikota yepopeyurä, yeyóyai yóyai rupi, opaete jókuae tëtaguasu reta pomoai moaia rupi.

JEREMÍAS 33:24

“¿Mbaetɨ pa reikuaa amogüe ketɨgua reta kuae pe yogüɨreko vae jei che aröɨro ko mókoi tëtara aiparavo vae, jae ko Israel jare Judá? ¡Jáeramo güɨröɨro reve omae reta chembae vae reta re, jare mbaetɨ ma oipapa tëtaguasu rami!

JEREMÍAS 42:18

YandeYa Imbaepuere yae ete vae Israel iTumpa, jei: ‘Chearasɨ tuichagüe aitɨ Jerusalén pegua reta re rami, chearasɨ aitɨta vi peré, peo yave Egipto kotɨ. Peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä, yeyóyai yoyairä, jare ngaraa ye ma peyerova kuae peɨvɨ pe.’

JEREMÍAS 44:12

Judá pe jembɨregüe yogüɨraja ɨvɨ Egipto pe yogüɨreko vaerä vae opata amokañɨtei. Opaete vae, paravete vae güive oikokatu vae pe omanota ñeraro rupi, ani karuai rupi jare peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä jare yeyóyai yóyai rupi.

JEREMÍAS 44:22

Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.

LAMENTACIONES 4:15

Opaete jei chupe vae: “¡Pesɨrɨ, jókuae ikɨa Tumpa jóvai vae güi! ¡Pesɨrɨ chugüi! ¡Agüɨye peyavɨkɨ!” Opa otekuarai reta jare opa oñemoai moai reta. Tëtaguasu reta jei oyoupe: “Ngaraa etei ma yogüɨreko ye kuae pe.”

EZEQUIEL 34:26

Cheɨvɨtɨ iyɨ́vɨri yogüɨreko retata jare cheporerekuata jese reta; ambouta ama okɨ iara pe kavi.

EZEQUIEL 37:11

Javoi jei cheve: “Nde kuimbae, opaete kuae maekägüe reta rami ko Israel iñemuña reta. Echa jei reta: ‘Ñanekägüe reta opa otini; mbaetɨ ma ñanoi mbae re yayerovia vaerä, opa ma ñakañɨtei.’

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

MIQUEAS 5:7

Jacob iñemuña güi jembɨregüe reta yogüɨrekota ïru tëta guasu reta rupi; yandeYa ombou ɨsápɨi rami; ñana re ama oa rami, kuae reta mbaetɨ oäro kuimbae reta jemimbota.

SOFONÍAS 3:16

Jókuae ara jei retata Jerusalén pe: “¡Agüɨye ekɨɨye Sión, agüɨye torɨrɨi ndepo!”

SOFONÍAS 3:20

Jókuae ara pogüeru yeta, pomboatɨta; jare ameeta peyemboeteuka vaerä jare perërakua yaeta opaete tëta ɨvɨ pegua rupi, pogüeru ye ɨvɨ ambuae güi yave.”

HAGEO 2:19

Mase, kuae ara güive ngaraa ma oata peve temitɨ jäɨgüe pe avatío pe. Yepe tëi ndeiño ipotɨ uva, ɨva, temitɨ granada, ɨvɨra olivo ave; ërei kuae ara güive cheporerekuata peré.’ ”

HAGEO 2:5

Añererökuavee peve rami, Egipto güi peë yave, jökorai cheEspíritu oïta pe ndive, agüɨye pekɨɨye.

ZACARÍAS 1:19

Jare jae araɨgua imiari che ndive vae pe: “¿Mbae pa kuae reta? jare jae jei: ‘Kuae ko jae guakaräti reta Judá, Israel jare Jerusalén opa omoai moai vae.’ ”

ZACARÍAS 14:11

Jerusalén pe yogüɨreko yeta vae jare ngaraa ye ma oime ikavimbae, yogüɨreko pɨagüiveta.

ZACARÍAS 8:15

Ërei añave ayemongeta ayapo ikavi vae Jerusalén kotɨ, jare Judá pegua reta kotɨ; agüɨye pekɨɨye.

ZACARÍAS 8:9

YandeYa Imbaepuere yae ete vae jei körai: “Peñemomɨ̈rata pe reta peendu ñee kuae ara rupi ñeemombeúa reta rupi vae, jókuae ara oyemboɨpɨ güive oñeñono o iguapɨka oñemopüa vaerä yave yandeYa Imbaepuere yae ete vae jo.

ZACARÍAS 9:13

Echa Judá amotäta ma cheyeupe güɨrapa oñemoata kavi rami, jare añono ndeve Efraín uvɨ rami. Jare Sión pegua reta amopüata, Grecia pegua reta kotɨ, jare roapota jëia yae vae ikɨsepuku rami.”

1 Corintios 16:13

Peïndaivi, pepɨ̈rata peporogüɨrovia pe; peyembokuimbae, peñemoäta ngatu.

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

DEUTERONOMIO 26:19

Jae pembotuicha vaerä opaete ïru tëtaguasu reta oyapogüe güi, mbaemboete pe, jare perërakua yaeta vae pe, peiko vaerä jae jei rami: Tëta oñeñono tee yandeYa Tumpa peguarä vae.”

DEUTERONOMIO 28:37

Mbaetɨta omae kavi peré vae, ñeeräño peikota, jare peyóyai yoyaita opaete vae tëta ñavo yandeYa pererajaa rupi.