ZACARÍAS 8:12 - Biblia Guarani Tumpa Iñee

¹² Echa mbɨakatu oimeta chupe reta: Uva iata, jare ɨvɨ omeeta mbaagüɨye, ara güi oata ɨsápɨi; kuae tëta güi jembɨregüe pe ayapota güɨnoi vaerä opaete kuae.

ZACARÍAS 8:12 ပူးပေါင်းရင်းမြစ်များ

GÉNESIS 26:12

Jare Isaac omaetɨ jókuae ɨvɨ pe, jare jókuae año jeta imbaagüɨye, echa yandeYa iporerekua jese.

GÉNESIS 27:28

Tumpa tomee ndeve ɨsápɨi ara güi, jare mbaagüɨye ɨvɨ pegua, jeta trigo jare uva tɨgüegüe.

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

SALMOS 72:3

ɨvɨtɨ guasu reta jare ɨvɨtɨ raɨ reta tomee mbɨakatu jare jupi vae tëta peguarä.

SALMOS 85:12

YandeYa Tumpa ombouta ama, jare yandeɨvɨ pe oimeta mbaagüɨye.

PROVERBIOS 19:12

Mburuvicha guasu iyarasɨ, yaguapope pochɨ vae iñee rami, ërei ipɨakavi, ɨsápɨi oa ñana re rami.

ISAÍAS 30:23

Jayave yandeYa omongɨta peremitɨ reta re iara pe kavi, oime pemaetɨ yave, jare ɨvɨ omoñemuñata jeta mbaembae. Jókuae ara rupi perɨmba reta jembíu katuta.

ISAÍAS 61:7

Echa pe chembae vae reta peiporara yae ko ñemotareɨ jare yeyóyai yóyai reta, jáeramo peɨvɨ pe oyoarambo yeta pekotɨ yemboete, jare peyekou yaeta jekuae avei pegua.

JEREMÍAS 31:12

Otairari retata jare oyeroviata yogüeru ɨvɨtɨ Sión re, oyekou retata yandeYa omborɨgüe re, jae ko: Trigo, vino jare olivo iasaite, vecha reta jare guaka reta. Kó raɨ oyemboɨu kavi yae vae ramita, jare ngaraa ye ma ipɨtu reta.

EZEQUIEL 34:28

Tëtaguasu reta ketɨgua ngaraa ma oyemombae ye jese reta, mbaeporou reta ñana rupi ave ngaraa ma jou; yogüɨreko pɨagüiveta, ngaraa ma kia omongɨɨye.

EZEQUIEL 36:12

Chembae vae Israel iñemuña reta oguatata perupi, jae reta yogüɨrekota peyarä. Jare ngaraa ye ma pemaeño jovaruru iñemuña reta chugüi.’

EZEQUIEL 36:30

Ambojetata vi ɨvɨra reta ia, jare kó pe mbaagüɨye reta, agüɨye vaerä ma peangao pekaruai jeko pegua ïru tëtaguasu reta.

EZEQUIEL 36:9

Echa che aï pe ndive, oyeparavɨkɨta jare oñemaetɨta peré.

OSEAS 13:3

Jáeramo, ndeimbove yave ɨ̈vɨti oyekuaa vae ramita, ɨsápɨi köe pota yave oa vae ramita, jarembae okañɨ, ama ɨvɨtuai reve vae güɨroveve trigo pire javiyugüe ramita, jare tätati oë horno jemimbɨ rupi ramita.

OSEAS 14:5

Aïta Israel pe ɨsápɨi rami, jae reta ipotɨta tüpa-ɨpɨ rami. Japo reta mombɨrɨ ojota ɨvɨtɨ Líbano rami;

JOEL 2:19

jare jeita: “Ambouta peve tembíu, vino jare olivo iasaite, jare perïvɨatata jese; jare ngaraa ye ma amaeño ïru tëtaguasu reta oyuvanga peré.

JOEL 2:22

Jevae ñana rupigua reta, agüɨye pekɨɨye; echa kapii reta ñuu rupigua jokɨ yeta, jare ɨvɨra reta ia yeta, ɨva jare uva reta ia yeta ko.

LEVÍTICO 26:3

Peiko yave jare peñovatu pepɨa pe yave, jare peyapo yave cheporookuai reta,

SOFONÍAS 3:13

Israel iñemuña jembɨregüe reta ngaraa ma oyapo jupimbae vae, ngaraa ma jei reta apu, jare ngaraa ma oporombotavɨ reta. Echa oyeangareko retata jare oke pɨagüiveta ngaraa ma kia omongɨɨye vae.”

HAGEO 1:10

Jáeramo ama opɨta pegüi jare ɨvɨ mbaetɨ omee peve mbaagüɨye.

HAGEO 2:18

Añave, peyemongeta kavi pepɨa pe kuae ara güive tenonde kotɨ, chaúa yasɨ veinticuatro ara güive, yandeYa jo iguapɨka peñono güive.

HAGEO 2:19

Mase, kuae ara güive ngaraa ma oata peve temitɨ jäɨgüe pe avatío pe. Yepe tëi ndeiño ipotɨ uva, ɨva, temitɨ granada, ɨvɨra olivo ave; ërei kuae ara güive cheporerekuata peré.’ ”

ZACARÍAS 8:6

Kuae omopɨakañɨ yave kuri jókuae ara rupi, tëta chembae güi jembɨregüe. ¿Cheve mɨakañɨta vi pa kuri?

MALAQUÍAS 3:11

“Jare temitɨ güɨrokomegua vae reta opata ambosɨrɨ pegüi, jare ngaraa ma güɨrokomegua pegüi peremitɨ ia, jare mbaetɨta ma peuva iambae.” Jei yandeYa Imbaepuere yae ete vae.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

1 Corintios 3:21

Jáeramo agüɨye kia toyemboete kuimbae reta re. Echa opaete mbaembae pembae ko:

DEUTERONOMIO 32:2

Oata ama rami cheporomboe, oata ɨsápɨi rami cheñemoñee, oata amandaɨvi rami kapii re, ani oata ɨ rami ñana re.

DEUTERONOMIO 33:13

José iñemuña reta pe jei: “YandeYa tiporerekua peɨvɨ re, ara güi ɨsápɨi ikavigüe rupi, jare ɨvɨgüɨ pe ɨ oï vae rupi,

DEUTERONOMIO 33:28

Israel iñemuña reta yogüɨreko pɨagüiveta, yogüɨrekota mbɨakatu rupi, ɨvɨ omoñemuña trigo jare uva pɨpea pe, ngaraa oata ɨsápɨi ara güi chupe reta.

Santiago 3:18

Mbɨakatu iyapoa reta oyapo mbɨakatu rupi kavi vae, oarɨvota jupi vae.